¹ Efraima mihinan-sioky dra magnaraky sioky lat'agny asinagna. Mapitombo isa reo vandy vo herisetry mandrakariva izy. Manao faneke mindray amin'i Asyria dra manday menaky oliva ho agny Egypta ereo. ² Mana aly amin'i Joda avo koa i Yaveh sady hagnafay an'i Jakoba noho reo ze nahiny; hamaly anazy Izy noho reo asany. ³ Tao an-troky gny nitan'i Jakoba gny rahalahiny tamin'gny vodi-tombony, vo tamin'gny fahalahibiazany gny nialiany tamin'Agnahary. ⁴ Nialy tamin'gny anzely izy dra naharesy. Nitomay sady nitaray ho an'gny sitrany izy. Nahita an'Agnahary tao Betela izy; tagny gny niresahan'Agnahary taminazy. ⁵ Zeho gny Yaveh, gny Zagnahary tompon'gny maro; "Yaveh" gny agnarany hitokava Anazy. ⁶ Dra miheregna amin'gny Zagnaharindrareo. Tandremo gny faneke mahatoky vo gny rariny, dra mahadignasa mandrakariva an'Agnaharindrareo. ⁷ Gny pivarosy dra mana mizana diso eo an-tagnan'ereo; tia fanambaka ereo. ⁸ Ho Efraima ho: "Nazary nanan-karena be vatany zaho; nahita harena ho an'gny vatako zaho. Sy hahita heloky aminahy amin'gny asako aby ereo, ze iaby mety ho fahota." ⁹ "Zaho gny Yaveh Zagnaharindrareo boaky agnyamin'gny tany Egypta. Hatobiko agnaty lay ndraiky handrareo, manahaky gny tamin'gny firavoravoa voatondro. ¹⁰ Nizaka tamin'ireo paminany Zaho, dra nagnome fahita maro ho andreo ho aniha. Tamin'gny tagnan'ireo paminany nagnomezako fagnohara." ¹¹ No misy fahasitragna ao Gileada, dra raha fahatany vatany gny olo. Ahin'ereo soro ao Gilgala reo agnombilahy; hanahaky gny antontam-bato ao agnatin'ireo saham-bavasa gny alitaran'ereo. ¹² Nilefa ho agny amin'gny tanin'i Syria i Jakoba; niasa so hahazo valy i Israely; dra niaraky agnondry aman'osy izy so hahazo valy. ¹³ Nanday gny Israely hiboaky gny tany Egypta tamin'gny alalan'gny paminany i Yaveh, vo tamin'gny alalan'gny paminany gny nikarakarany andreo. ¹⁴ Nahaory fatrasy an'i Yaveh i Efraima. Noho zeho dra hanenga gny liony eo aminazy gny Tompony dra hapihery aminazy gny fahafaham-barakany.