¹ Dariosy dra zanadahin'i Ahasoerosy, taranaky gny Mediana. Ahasoerosy gny fa natao pazaka teo amigny faris'ireo Babyloniana. ² Dra tamigny tao volohany nazakan'i Dariosy, izaho Daniela, nianasy reo boky mirakisy gny zakan'i Yaveh, zaka ze fa avy tamin'i Jeremia paminany. Nandiniky zaho fa tokony nisy fitopolo tao hatramigny nandozany an'i Jerosalema. ³ Natoliko tamigny Topo Zagnahariko gny tavako, ba hitalia Anazy amigny fivavaha vo fangataha, amigny fifilia-kany, fekazoa lamba fandala, dra fipetraha amigny lavenoky. ⁴ Nivavaky tamin'i Yaveh Zagnahariko zaho, dra nanao fiakheloky tamireo fahotasika. Hoy zaho ho: "Topo o__Hanao lahibe sady Zagnahary mahatalazo__Hanao gny tokony mitandry gny fagneke dra matoky amigny fitiava reo ze tia anao vo mitandry reo didinao. ⁵ Fa nanota izahay dra fa nanao gny sy mety. Fa nanao fitondra-tegna rasy vo nikomy izahay, niala tamigny didinao vo reo fisipikao. ⁶ Sy niteno reo paminany panoponao ze nizaka tamigny agnaranao tamigny pazakanay izahay, reo pitariky anay, reo razambenay, dra reo vahoakigny tany aby. ⁷ Hanao, ry topo, gny fahamarigna. Kanefa, ho anay amizao, gny hegnasy eo amigny tavany__ho anigny vahoakigny Joda vo reo ze mony agny Jerosalema, dra ho anigny Israely aby. Agnisan'izay reo ze mariny vo reo ze lavisy indrindra agny amigny tany aby ze nandefasanao anereo. Izay dra noho gny fitaky lahibe ze nataonay hanohisy Anao. ⁸ Ho anay, ry Yaveh, eo amigny tavanay gny hegnasy__ho an'ireo pazakanay, ho an'ireo lahebenay, dra ho an'ireo razambenay__akory fa nanota taminao izahay. ⁹ Anigny Topo Zagnaharinay gny fangora-po vo gny famela-keloky, fa nikomy hanohisy anazy izahay. ¹⁰ Izahay dra sy nakato gny feon'i Yaveh Zagnahary tamigny fandehana araky gny lalany ze nameny anay tamigny alalan'ireo nameny anay tamigny alalan'ireo paminany panopony. ¹¹ Gny Israely aby dra fa nandika gny lalanao dra niala, nandra sy hakato gny feonao. Gny ozo vo gny fiegna ze voasorasy ao amigny lalan'i Mosesy, gny panopon'Agnahary, fa naily taminay, akory fa nanota taminazy izahay. ¹² Yaveh fa nagnamafy gny zaka ze nizakany manohisy asika vo manohisy gny fisipiky teo amisika, tamigny fitondra loza teo amisika. Fa gny nisy raha vita azo apitaha amigny natao tamigny Jerosalema teo amigny ambany lagnisy manotolo. ¹³ Araky gny voarorasy ao amigny lalan'i Mosesy, gny hiavianizzay loza aby zay amisika, fa bo sy nitalaho gny famindra-po avy tamin'i Yaveh zagnaharinay tamigny fiala tamireo heloky vo hahitanay gny fahamarignanao izahy. ¹⁴ Dra noho izay dra nitehirizin'i Yaveh ho vonona gny loza dra fa nizaka teo aminay izay, akory Yaveh zagnarinay dra mary amigny asa aby ze ataony, kanefa bo sy nakato gny feony avo izahay. ¹⁵ Ko, ry topo Zagnaharinay, nandesinao niboaky boak'agny amigny tany Egypta gny vahoakao tamigny tagna mahery, dra fa nanao agnara fata-daza ho anigny vatanao hanao, manahaky anizao andro zao. Fa bo nanota avo izahay; fa nanao reo raha rasy. ¹⁶ Ry topo, noho reo asa marinao, dra aoky gny hatezeranao vo gny fahasiahanao hiala amin'i Jerosalema tananao, gny tendrombohisy, vo noho gny helok'ireo razam-benay, dra lasa ato-pahafam-baraka ho anize magnodidy anay i Jerosalema vo reo vahoakao. ¹⁷ Amizao, ry Zagnaharinay, mitenoa gny vavaky gny panoponao vo gny fitalahoany famindra-po; fa noho gny aminao, topo o, dra apamirapirato eo amigny fioeranao masy ze rava gny tavanao. ¹⁸ Zagnahariko o, sokafo gny sofinao dra mitenoa; sokafo gny masonao dra magnatia. Fa sola rava izahay; atio gny tana ze natao avy amigny agnaranao. Sy mitalaho ho anigny fahamarignanay, fa noho gny famindra-ponao lahibe. ¹⁹ Topo o, mitenoa! Topo o, Mamela heloky! topo o, mitenoa dra miheseha! Noho gny Aminao manoka, ka ela, ry Zagnahariko, fa gny tagnanao vo gny vahoakao, fa gny tananao vo gny vahoakinao amigny agnaranao." ²⁰ Raha bo nizaka zaho__nivavaky vo niaiky gny fahotako vo gny fahotan'Israely vahoako, dra naneho gny fangatahako teo agnatrehan'i Yaveh zagnahariko ho anigny tendrombohisy masin'Agnahary__ ²¹ raha bo nivavaky, gny lelahy Gabriela, ze hitako tao amigny fahita volohany, nitily teo aminahy tamigny fafitiligna malaky fandeha, tamigny fotoanigny fagnatisy hariva. ²² Nagnome fahazava-say anahy izy dra nanao anizahoky ho: "Ry Daniela, avy hagnome halali-say vo fahazava-say ho anao zaho izao. ²³ Gny fa nanomboky nitalaho famindra-po hanao, dra name gny baiko dra avy zaho hizaka aminao gny valiny, fa hanao dra tia vatany. Noho izay dra sarovy izao zaka zao dra takaro gny fagnambara. ²⁴ Fito amby fitopolo amigny tao gny voadiny ho anigny vahoakao vo gny tananao masy ba hapisahara gny heloky vo hapisahara gny fahota, hanohera gny faharasia, dra hinday gny fahamarigna mandrakizay, ba hagnatateraha gny fahita vo gny faminania, dra hagnamasy gny fitoera masy indrindra. ²⁵ Fataro dra takaro fa avy amigny fiboahanigny baiko gny hagneregna amigny loniny vo hanohera ndraiky an'i Jerosalema ho anigny fahavianigny voahososy (ze ho pitariky), hisy fito ipito vo ro amby enipolo ipito. Ohary amigny lala vo haly ndraiky i Jerosalema, na dre eo aza reo fotoa-pahoria. ²⁶ Afaky ro amby eni-polo ipito amigny tao, gny voahososy dra ho rava dra sy hana na ino na ino. Gny tafiky gny panapaky ze ho avy dra nandringa gny tana vo gny fitoera masy.Gny fiafaran'izay dra ho avy miaraky amigny tondra-drano, dra hisy aly, eny fa na dre agny amigny farany aza. Fa voafily gny fandrava. ²⁷ Hagnamafy gny fagneke amigny maro agnatinigny fito raiky izy. Amigny fisasahanigny fito dra hapisahasy gny soro vo fagnatisy Izy. Amigny elasy gny fahavetaveta gny ho avy gny olo ze hano fandrava. Gny fiafara tateraky vo gny fagnapoteha dra nambara fa haily amize pandrava."