¹ Tamigny tao fahatelo nazakan'i Belsazara pazaka, izaho, Daniela, dra nisy fahita niseho taminahy (tao afaranigny raiky ze niseho taminahy tamigny vilohany). ² Hitako tamigny fahita, raha nagnety zaho, dra tao agnatinigny faritanin'i Elama zaho. Hitako tao amigny fahita fa nagnatriky gny Lakandranony gny Olay zaho. ³ Nagnety agnabo zaho dra nahita agnondrilahy niaraky tamigny tandroky ro teo anoloako zaho, nisanga teo agnilanigny lakan-drano. Gny tandroky raiky dra lava noho gny ilany, fa gny lavalava raiky mitombo simoramora noho gny boribory dra nihoasy gny halavan'izay. ⁴ Nahita gny agnondry lahy nirafisy nagnandrefa, boak'eo nagnavarasy, dra boak'eo nagnasimo zaho; sy nisy biby hafa afaky nisanga nanoloa anazy. Sy nisy tamin'ereo afaky namozy ze hiala tao atagnany. Nanao ze tiany aby izy, dra lasa lahibe vatany. ⁵ Raha niaisay momba anizay zaho, dra nahita osy lahy avy boak'agny andrefa, ze nandeha nanera gny velara-tany manotolo, nihazakazaky fatrasy, tao sy mitehi-tany. Nana-tandroky lava teo agnelagnelanigny masony gny osy igny. ⁶ Nagneo amigny agnondrilahy ze nana tandroky ro izy__nahita gny agnondrilahy nisanga teo amigny sisinigny lakan-drano zaho__dra gny osy nihazakazaky ho egny amigny agnondrilahy tamipahasiaha mahery vaiky. ⁷ Nahita gny osy nagnariny gny agnondry zaho. Ory fatrasy tamigny agnondry izy, dra namely gny agnondrilahy dra namotiky reo zagnony ro. Sy apy hery gny agnondrilahy ba hizoro magnatriky anazy. Gny osy nagnonga anazy tamigny tany dra nagnisakisaky anazy. Sy nisy afaky namozy gny agnondrilahy tamigny heriny. ⁸ Niha-lahibe gny osy boak'eo. Fa gny fa niha-nahery izy, dra vaky gny zagno lava, dra tamigny toeran'igny dra nisy tandroky lava efasy hafa nitombo ze nanondro manadrify gny sioky efasy gny lagnisy. ⁹ Nisy tandroky hafa nisiry, kely tamigny volohany, fa lasa lahibe vatany tagny asimo, tagny asignana, dra tagny amigny taninigny hasoa. ¹⁰ Avy lahibe vatany izay manahaky gny hirosaky an'agnaly miaraky amigny tafiky gny lagnisy. Gny ilany tamizay tafiky zay vo gny ilany tamireo kita dra nazera tamigny tany, dra nagnisakisaky anereo izay. ¹¹ Nanao gny vatany ho lahibe manahaky gny pifehy gny tafiky izy, dra nangalaky taminazy gny soro oroa sy tapaky izay, dra gny fitoera masy dra voaloto. ¹² Noho gny fikomia, dra hame gny zagnony gny osy gny tafiky, dra hasahasy gny fagnatisy oroa. Harianigny zagnony amigny tany ambany gny fahamarigna, dra hahomby amize ataony zay. ¹³ Dra nahare masy nizaka zaho dra raiky masy hafa namaly anazy: "Hafitia gny haharetan'ireo raha reo, io fahita momba gny fagnatisy oroa io, gny fahota ze minday fahavarasy, gny fazakazaka eo amigny fitoera masy, dra gny tafiky gny lagnisy ze voahisakisaky?" ¹⁴ Hoy izy taminahy: "Haharisy 2. 300 hariva vo maraindray zay. Afaran'izay dra hapetraky soa gny fitoera masy." ¹⁵ Gny nahita gny fahita, izaho Daniela, dra niezaky nahatakasy zay zaho. Drta nisy tao niraiky miendriky ho olo nisanga nanoloa anahy. ¹⁶ Naneho feon-ndelahy nitoka teo agnelagnelan'ny sisin'ny lakan-drano Olay zaho. Hoy izy: ''Ry Gabriela, apio io lelahy io hahatakasy gny fahita.'' ¹⁷ Dra nagnariny teo ami'zay nisanganako izy. Gny avy izy, natahosy zaho dra nagnondriky gny tegnako tamigny tany. Hoy izy taminahy: ''Mahatakasy, ry zanak'olo, fa gny fahita dra ho amigny fotoa farany.''' ¹⁸ Gny nizaka taminahy izy, dra lavo tao agnaty torimaso laliky zaho mindray amigny tavako amigny tany. Dra nikasiky anahy izy dra napisanga anahy. ¹⁹ Hoy izy: ''Ingo, hasehoko anao zay hitranga atiky afara amigny fotoan'ny fahatezera satria gny fahita dra mikasiky gny fotoa voatondro ho amigny farany. ²⁰ Fa gny rameva zay hitanao, dra nana tandroky ro__reo gny pazakan'i Media vo Persia. ²¹ Gny agnondry lahy dra gny pazakan'i Grisia. Gny tandroky lava teo agnelagnelan'ireo masony gny pazaka volohany. ²² Gny amigny tandroky zay tapaky, teo amigny yoera zay nipoiran'ireo afasy hafa___hisy fazakana efasy hipoisy amigny firenena, fa sy amigny heriny lahibe. ²³ Amigny fotoa farany an'ireo fazakana reo, gny hahatrasy gny fetrany reo pamaliky, dra hisy pazaka masia-tarehy, zay tena manasay, hisanga. ²⁴ Ho lahibe tokoa gny heriny__-fa sy tamigny heriny manoka. Ho gaga ami'zay ho ravany izy; hiasa izy dra hahomby. Handrava vahoaky mahery izy, vahoaky eo ami'reo zay masy. ²⁵ Amigny alalan'ny hafesifesy gny hanovany fitaky mahomby ambanin'ny tagnany. Ho avy lahibe amigny eriserisy avo koa izy. Handrava olo maro sy apoizy izy. Hisanga izy na dre hanohisy gny pazakan'ireo pazaka aza, dra ho torotoro izy, fa sy ba amigny alalan'ny tagnan'olombelo. ²⁶ Gny fahita momba reo hariva vo reo maraindray zay fa voazaka marina. Fa asio tombokase gny fahita, fa manondro andro maro amigny hoavy zay.''' ²⁷ Dra izaho, Daniela, dra rakaky dra nandry namely nandrisy gny andro maromaro. Dra nifoha zaho, dra nandeha tamigny rahalahin'ny pazaka. Fa rikoriko tamigny fahitana zaho. dra sy nisy dre raiky nahatakasy zay.