¹ Dra Davida nagnamboasy tragno ho anazy tao an-tanan'i Davida.Nagnoma toera ho agny tobilin'Agnahary dra nananga lay ho an'izay izy. ² Dra hoy Davida ho:''Reo Levita avo gny afaky minday gny tobilin'Agnahary, fa izy reo gny voafilin'i Yaveh ba hinday gny tobilin'i Yaveh, vo hanompo anazy mandrakizay.'' ³ Dra nivorian'i Davida tao Jerosalema gny Israely aby, ba hampiakasy gny tobilin'i Yaveh agny amy toera fa nomaniny ho an'izay. ⁴ Nitognan'i Davida niaraky reo taranak'i arona vo reo Levita. ⁵ Tamin'ereo taranak'i Kehata, dra nisy an'i Oriela mpitariky vo reo havany, lelahy 120. ⁶ Tamin'ereo taranak'i Merary, dra nisy an'i Asaia mpitariky vo reo havany, lelahy 220. ⁷ Tamin'ereo taranak'i Gersona, dra nisy an'i Joela mpitariky vo reo havany, lelahy 130. ⁸ Tamin'ereo taranak'i Elizafana, dra nisy an'i Semaia mpitariky vo reo havany, lelahy 200. ⁹ Tamin'ereo taranak'i Hebronam dra nisy an'i Eliala mpitariky vo reo havany, lelahy valopolo. ¹⁰ Tamin'ereo taranak'i Oziela, dra nisy an'i Aminadaba mpitariky vo reo havany, lelahy 112. ¹¹ Nitoka an'i Zadoka vo Abiatara mpisoro, dra reo Levita Oriala, Asaia, Joela, Semaia, Eliala, dra Aminadaba i Davida. ¹² Hoy izy tamin'ereo ho:''Iandrareo gny lohan'ereo fianakaviany Levita.Hamasino gny vatandrareo, dra iandrareo vo reo rahahindrareo, ba hafahandrareo mampiakasy gny fiaran'i Yaveh, gny Zagnaharin'Israely, ho agny amy toera zay fa nomaniko ho an'izay. ¹³ Sy ninday anizay iandrareo tamy volohany. Zay gny antony namaizan'i Yaveh Zagnaharisika asika, satria sy nitalia anazy na nankato gny lalany isika.'' ¹⁴ Noho zay dra nagnamasin-tena reo mpisoro vo reo Levita ba hafahan'ereo mampiakasy gny tobilin'i Yaveh, gny Zagnaharin'Israely. ¹⁵ Dra nilazan'ereo Levita reo asoron'ereo tamy bao gny tobilin'Agnahary , araky zay fa nandidian'i Mosesy-magnaraky reo fisipiky nomeny laha tamy zakan'i Yaveh. ¹⁶ Niresaky tamin'ereo mpitaroky gny Levita i Davida ba hanendry gny rahalahin'ereo ho mpihasa amin'ereo raha-magneno, valiha ,lokanga vo kipatsona, hanadrasy fatrasy vo am-pifalia gny feon'ereo. ¹⁷ Dra nitendren'ereo Levita i Hemana zandahin'i Joela vo gny raiky tamin'ereo rahalahiny, dra i Asafa zanadahin'i Berekia. Nanendry havany laha tamin'ereo taranak'i Merary vo Etana zanadahin'i Kosaia avo koa ereo. ¹⁸ Niaraky tamin'ereo koa gny havany mariny manarakaraky anazy reo:Zakaria, Jaziela, Semiramota, Jehiela, Ony, Eliaba, Benaia, Mahaseia, Matitia, Elifeleho, Benaia, Obed-edoma, dra Jeiela, reo mpiamby fefy. ¹⁹ Hemana, Asafa, dra Etana mpiatsa dra nitendreny ba hisitiky fatrasy kipatsona varahina. ²⁰ Zakaria, Aziela, Semiramota, Jehiela, Ony, Eliaba, Mahaseia, dra Benaia gny nisitiky reo gitara, tamy Alamota. ²¹ Matitia, Elifeleho, Makneia, Obed-edoma, Jeiela, dra Azaziz gny nitari-dala tamy harpa tamy Seminita. ²² Kenania, mpitariky reo Levita, Izy gny toniany fihira satria mpampianasy hira izy. ²³ Berekia vo Elkana gny mpiamby gny tobily. ²⁴ Sebania, Josafata, Netanela, Amasay, Zakaria, Benaia,dra Eliezera, reo mpisoro, gny nipotaky reo trompetra teo alohany tobilin'Agnahary. Obed-edoma vo Jehia gny mpiamby gny tobily. ²⁵ Dra Davida , reo loholon'Israely, vo reo mpifehy gny agn'arivony dra nandeha nampiakasy gny fiarany faneken'i Yaveh laha tao an-tragnon'i Obed-edoma tamim-pifalia. ²⁶ Dra Zagnahary raha nagnamoy reo Levita zay nitarazo gny tobiliny faneken'i Yaveh , dra nanao soro agn'omby fito vo agn'ondrilhy fito izy reo. ²⁷ Nanao akazo vita tamy rongony fosy madiniky i Davida , manahaky reo Levita zay nitarazo gny tobily, reo mpiasa, dra Kenaia, gny mpitariky gny atsa bamin'ereo mpiatsa. Niakazo efoda rongony fosy i Davida. ²⁸ Ka dra nampiakasy gny tobily fanekan'i Yaveh tamy hiakam-pifalia, vo tamy feon-tandroky, taminigny kipasona, dra tamy valiha vo harpa gny Israely aby. Nefa raha avy tao an-tanan'i Davida gny tobiliny faneken'i Yaveh, dra nitalaky teo am-batrangarakely i Mikala zanakapelan'i Saoly. Nahita an'i Davida mpazaka nisizaky vo nankalaza izy. Laha teo nanao sinosino anazy tao am-pony izy.