¹ Noha izà da tsy misy fagnameloha amizao hoandreo ao amin'i Jesosy Kristy. ² Fa gne fitsipiky gne Fagnahane fiaina ao am'i Jesosy Kristy gne nahafaky enaha tamè fistipiky gne fahota sy gne fahafatesa. ³ Fa izay tsy afaky namboarine lalagna nohone fahalemegny tamè fo da naninè Zagnahary. Nalefany gne Zanany lahy toka izy tame gnendriky gne nofotry feno fahota mba ho rakitry amè gnota ary nagnameloky gnota tamè nofotry izy. ⁴ Naniny izà mba hotanteraky ao amintsika gne raha takinè lalàgna, itsika izay mandeha tsy araky gne nofotry, fa araky gne fagnaha. ⁵ Gne mivelo araky gne nofotry da mifantoky amè rahanè nofotry fa ireo izay velo araky gne fagnaha da mifatoky amè rahanè fagnaha. ⁶ Satria gne fisaigna mifatoky amigne nofotry da fahafatesa, fa gne fisaina mifatotry amigne fagnaha kosa da fiaina sy fiadana. ⁷ Gne fisaigna mifatotry amignè nofotry da fagnaratsia eo agnatrehane zagnahary, fa tsy mifagnaraky amigne lalàgnanè zagnahary izà, gne sady tsy hainy dato gne nagnano anizà. ⁸ Indreo izay amè nofotry da tsy afaky akasitrahanè zagnahary. ⁹ Kanefa enareo da tsy ao amè nofotry fa ao ame fagna, ra marigny fa miaigny ao aminareo gne fagnahane zagnahary. Fa raha misy olo mana gne fagnahan' i Kristy da tsy Anazy izy. ¹⁰ Raha ao aminareo ao i Kristy da maty nohone fohota gne vata, fa gne fagnaha da velo nohonè fahamarigna. ¹¹ Raha gne fagnahanè nananga an'i Jesosy tamè maty gne velo aminareo da Izy gne nagnatsanga an'i Kristy tamè maty no hagnomè fiaina koa hoanè vatanareo izay mety maty amè gnalalane fagnahany, izay velo aminareo ao. ¹² Noho izà, ry rahalah, da mpitrosa itsika, fa tsy ao amè nofotry mba hiaigny araky gne nofotry. ¹³ Fa raha miagny arakè nofotry enareo , da ho faty, fa raha ame fagnaha izay amonoanareo gnasanè tegna, da ho velo enareo. ¹⁴ Mitovy amè be sy gne maro izay notarihinè fagnahane zagnahary, indreo gne zanake zagnahary. ¹⁵ Fa tsy mandray gne fagnaha fagnandevoza indray enareo da halia. Fa da nandray fagnahane fanangana-janaky enareo, izay angiatsika hoe: " Aba, ô Aba !". ¹⁶ Gne fagnaha mihitsy gne vavolombelo amè fagnatsika fa zanake zagnahary itsika. ¹⁷ Raha zanaky itsika da mpandova evakoa, mpandova gne zagnahary. Ary mpiray lova ao amin'i Kristy itsika, raha tena mijaly miaraky Aminazy dato itsika da ome-voninahitry miaraky Aminazy evakoa. ¹⁸ Aniko fa akoignè fijalia amizao fotoa izao da tsy mendriky ampitovisy amignè voninahitry izay ambara amintsika. ¹⁹ Fa gne raha aby da magnategna zakabe, mandigny gne fampisehoa gne zanake Zagnahary. ²⁰ Fa gne zava-boary da nany ho zava-pona, tsy nohone sitrapony manoka, fa nohone nagnano enazy. Iza da ao ame fapagnategna nomeny, ²¹ fa gne voahary mihitsy no halà amigne fagnandevozane fahasimba, ary hinday ame fahafa gname voninahitry gne zanake zagnahary izà. ²² Fa fatatsika fa gne voahary aby da miara-miagny sy miara-miasa ao agnatinè fitebitebia na amizao aza. ²³ Tsy iza avao fa na gne vatatsika aza, izay mana gne voaloham-bokatry gne fagnahanè vatantsika aza da miaigny ao agnatitsika, mandigny gne fanangàna antsika ho zanaky, da gne fagnàvota gne vatatsika. ²⁴ Fa tamizà fampagnategna izà gne namonjeny etsika. Fa izà gnatokisantsika fa hitranga da mbola tsy hita, fa izà gne miandry am-patokia izay efa hitany ? ²⁵ Fa raha matoky anigne hitatsika itsika, da mandigny ampahareta. ²⁶ Akoizà koa gne fagna da magnapy ao amè fahalementsika. Fa itsika tsy mahafantatr'izay vavaky tokony hoataontsika, fa gne fagna mihitsy gne mifoha ho antsika ame fegnena tsy hay zakay. ²⁷ Izy, gne mandiniky gne fo sady gne mahafantatry gnevitry gne fagnaha satria Izy gne mifoha hoanè mpino arakigne sitraponè zagnahary. ²⁸ Fantatsika fa hoandreo izay tia amè zagnahary da miaraky ampesainy ho amè tsara gne raha aby, ([Fagnamaria: Raha tokony hoe: "miaraky ampesaigny ho amè tsara gne raha aby", da gne dikateny sasany taloha magnano oe: "gne raha aby da miaraky miasa hoamè tsara".)] hoanine vahatso arakigne arakigne fandaharany. ²⁹ Satria ireo fantany aloha, da notognoniny aloha evakoa mba hitovy endriky amè zanany, mba ho voalohany eo agnatrehanè rahalahany maro izy. ³⁰ Io notognoniny taloha io, da nangiany evakoa. Gne nangiany da nohamarigniny evakoa. Gne nohamarigniny da nomeny voninahitry evakoa. ³¹ Ino ary gne tokony hozakaintsika momba anio raha io ? Raha mitahy antsika gne zagnahary, ia gne maharesy etsika ? ³² Izy izay tsy nità gne Zanany lahy toka fa nanolotry Enazy ho atsika aby, nagnino gne tsy agnomezany etsika maimaipona miaraky Aminazy gne raha aby koa. ³³ Ia gne hinday fiampangà hanohitry olo voafidine zagnahary ? Zagnahary gne afaky magnamarigny enizà. ³⁴ Ia gne zakabe afaky agnasazy ? i Kristy gne zakabe sady maty hoantsika, ary mihotry eniza, da natsanga evakoa Izy. Manapaky miaraky amè zagnahary eo ame fipetranè voninahitry Izy. ary Izy no mifona hoatsika. ³⁵ Ia gne agnasaraky etsika amè fitiavan'i Kristy ? Fahoria, sa fijalia , sa fagnenjeha, sa mosary sa rahisiky, sa loza, sa ady ? ³⁶ Arake voasoratry oe: "noho enao da voavono andro lava iahay. Noresy akoigne ondry ho vonoy iahay." ³⁷ Ao agnatin'izà raha aby izà da mihotry nohonè mpandresy iahay amign'alalan'ilay tia anay. ³⁸ Fa resy lahatry iaho fa na gne fahafatesa, na gne fiana, na ireo anjely, na ireo fanjaka, na ireo zava-misy amizao, na ireo zavatra hoavy, na ireo hery, ³⁹ na gne abo, na gne laly, na zavaboary hafa da tsy ahasaraky etsika amè fitiavanè zagnahary, izay ao am'i Kristy Jesosy tompotsika.