¹ Nizaka iao, narian'Andriamanitra gne olo sa? Sagnatria anizà. Fa iao da Isiraelita, taranak'i Abrahama, avy ame raza Benjamina. ² Andriamanitra da tsy agnary gne olony, izay efa fatan'ny taloha. Tsy fatanareo gne vohazakan'ē soratra masina mikasiky an'i Elia, da gne fitaraignan'Andriamanitra namely an'Israely? hoe : '' ³ Tompo, indreo da namono gne mpaminaninao, namilavila gne alitaranao. Iao raiky avao ē sisa tavela, ka magnoroky gne aiko indreo.'' ⁴ Fa ino gne valizaka nambaran'Andriamanitra anazy? '' Nagnatoka fito arivo lahy ho an'ē aiko izay tsy nandoaliky teo ame bala.'' ⁵ Da akô izà, amin'izao andro izao evakoa da misy tavela nohon'ē fisafidiana ame fahasoava. ⁶ Fa raha avy ame fahasoava izany, da tsy avy ame asa koa. Fa raha izà da tsy fahasoava koa gne fahasoava. ([ Fagnamaria : gne antontan-taratasy sasany taloha da tsy asa koa gne asa.]. ⁷ Ino me? Gne raha notadiavan'Isiraely, da tsy azony, fa gne vôfidy gne nahazo anazy, ka namafisin-dreo sisa. ⁸ Izà da araka gne voasoratra hoe : '' Andriamanitra da nagnome andreo gne fagnahan'ny fitavozavoza, maso mba tsy ahitandreo, ary sofy mba tsy haharesandreo, mandrak'androany.'' ⁹ Ka hoy i Davida hoe : '' azanogno gne latabany gne harato sy fandriky, ho vato mahatafato sy valifaty ho andreo. ¹⁰ Aoky gne masondreo ho mizy mba tsy maita, ary aoky hiondriky mandrak'izay gne lamosindreo.'' ¹¹ Da hoy iao se : '' Tafato indreo ka lavo sa?'' Sagnatria izà. Fa koa, avy ame fahalavoandreo, gne nahavy gne famojè teo ame jentilisa, mba hampialogna andreo. ¹² Ka raha gne fahavalondreo gne fanagnany izao tontolo izao, ary raha gne fahaverezan-dreo gne fanagnan-dreo jentilisa, da akongaia gne hahaben'ē fahatantera-ndreo? ¹³ Fa amizao da miresaka aminareo Jentilisa iao, ary raha mbola apostolin-dreo Jentilisa iao, da mankasitraka gne fanompoako. ¹⁴ Angamba hampialogny ireo iay avy ame gn'aiko manoka iao. Angamba hamonjy gne sasany amin-dreo itsika. ¹⁵ Fa raha midika fampihavana an'izao tontolo izao gne fagneke andreo, da ino gne handraisa andreo fa fiaina avy ame fahafatesa? ¹⁶ Raha voatoka gne vokatry voalohany, da gne ampahany ame kobam-bary koa. Raha voatoka gne fagnahy, da akoizà koa ireo sampany. ¹⁷ Fa raha notapahiny gne sapany sasany, ary raha anao, sampana olivadia, no natambatra tamindreo, ary raha nifampizara tamin-dreo gne vatrik'azo mamokatra oliva anao, ¹⁸ ka miteratera amin'ireo sampana. Fa raha miteratera anao, da tsy anao gne minday gne vatriny, fa gne vatriny gne minday anao. ¹⁹ Da hizaka anao hoe : '' NOtapay hiala ireo sapany mba hafako mifandray aminy.'' ²⁰ Marigny izà. Nohon'ē tsy finoan-dreo da notapahany hiala indreo, fa anareo da mijoro tsara nohon'ē finoanareo. Aza magnano gne tegnanareo ho ambony, fa matahora. ²¹ Fa raha gne tegna sampany aza tsy navelan'Andriamanitra, da tsy ho hapetran'ny koa anao. ²² Ary, hiteo, gne fahamoram-po sy gne fahatsoram-pon' Andriamanitra. Etsy akilany, gne fahatsoram-po da avy amindreo jiosy izay lavo. Fa ety ambadika koa, gne hatsaram-pagnan'Andriamanitra da avy aminareo, raha maharitry ao ame hatsaram-pagnany anareo. Fa raha tsy izany da ho tapahany koa anareo. ²³ Ary na iregny aza, raha tsy manohy ame tsy finoan-dreo, da hatambatra. Fa Andriamanitra da afaka mamerigny magnatambatra andreo koa. ²⁴ Fa raha notapany tame kakazo oliva-da anareo, ka natambatrin'ny tame kakazo oliva tsara, da akoingaia gne fagnohara ē hamaroan-dreo Jiosy. izay sampavitanjanahary, natambatry tame kakazo olivan-dreo manoka. ²⁵ Fa tsy tiako hahafatatry anareo, rahalahy, gne amizà raha misitriky izà, mba tsy haha-hendry anareo ame eritreritrareo manoka. Izany gne raha misitriky izany, da efa nahamafy loha gne ampahany amin'Isiraely, mandra-piavin'ny fahafenoan-dreo jentilisa. ²⁶ Noho izà da ho voze aby gne Isiraely agnaby, araky gne voasoratry hoe : '' Hivoaky avy agny ziona gne mpagnafaky. Hagnala gne haratsiam-pagna amin'i Jakoba izy, ²⁷ ary izany gne fagnekem-pihaviko tamin-dreo, rehefa hizaka gne fahotan-dreo ao.'' ²⁸ Ame dikany raiky mahakasiky gne filazantsara, da ho fahavalo indreo nohon'ē aminareo. Ame dikany raiky hafa araky gne safidin'Andriamanitra, da mahafatatry indreo noho ireo raza. ²⁹ Fa ireo fagnomeza sy aikin'Andriamanitra da tsy miova. ³⁰ Fa anareo da tsy magneky gne Andriamanitra taloa, kanefa amizao anareo da nangala gne famindram-po nohon'ē tsy fagnekendreo. ³¹ Mitovy amin'izà koa, amizao indreo jiosy da tsy nagneky. Gne vokatran'ny da tame alalan'ē famindram-po izay naboaka anareo gne mety andraisanareo gne famindram-po koa amizao. ³² Fa Andriamanitra efa nagnidy gne tsy fagneken'ē rehetra, mba hahafa magnaboaky gne famindram-po ame rehetra. ³³ Ka, gne halalin'ireo haren'ē fahendre sy fahafataran'Andriamanitra! tsy takatry gne sain'ireo fitsaraha, ary ireo lalany da tsy hay refesy! ³⁴ Fa ia gne nahafatatry gne hevitrin'i Tompo na ia koa gne ho mpanolo-saigny anazy ³⁵ Na ia gne agnome raha an'Andriamanitra aloa, ka tsy maintsy hagnamboaran'Andriamanitra anazy koa?'' ³⁶ Fa avy aminy sy ame alalany hoan'azy rehetra. Ho an'azy mandrakariva gne vononahitriny. Amena.