¹ E rahalahy,gne hiriko sy hangatako ame Zagnahary ho andreo da ireo ho voavonjy. ² Mitsanga ho vavolombelo-ndreo iaho satria mafana fo ame Zagnahary indreo nefa mbola bado. ³ Tsy mafantatry gne fahamarina gne Zagnahary indreo, ary da magniry ametraky gne famarinandreo mitoka. Izany hoe: ''Tsy ekendreo gne fahamarina gn'Andriamanitra. ⁴ Fa Kristy e fahatanterahan'gne lalàgna ho fahamarina hoan'izay mino aby. ⁵ efa nosoratan'i Mosesy izany hoe: ''Gn'olo magnano gne marigny ame lalàgna da hiaigny agnaty fahamarina izany.'' ⁶ Fa gne fahamarina nipotitry avy ame finoa da mizaka mazava hoe: ''Ka mizaka am-po hoe: ''Ia gne hiakatry agny an-danitry?''( Izany da mizaka hoe fizitsehan'e lazan'i Kristy). ⁷ Ary ka mizaka hoe: ''Ia gne hidigny ame laly''(izay midika hoe managna an'i Kristy.) ⁸ Ino gne dikan'izany? ''Eo agnilanao gne zaka sady am-bavanareo ary am-ponao gne roho''. Izany gne zakay ho: ''Zakan'e Zagnahary izay ambaranay etoa. ⁹ Fa raha magneky an'i Jesosy Tompo ame vavanao anao ary mino dato fa natsangan'e Zagnahary tame maty izy, ho voavonjy anao zay. ¹⁰ Satria ame fo gne hinoan'olo gne fahamarina ary ame vava gne hagneken'olo gne famonjea. ¹¹ Hoy gne Soratra Masina hoe: '' Tsy ho megnatry izay mino gne Zagnahary''. ¹² Fa tsy misy maha samy hafa eo ame Jiosy sy gne Grika. Fa e Tompo raiky avao e Tompo e rehetra, ary da harem-pahasoava mangaiky Enazy Izy. ¹³ Fa izay rehetra mangaiky gnagnaran'i Jesosy gne ho vonje. ¹⁴ Akory gne fomba ahafahan'gne tsy mino hangaiky Anazy? Akory ahafandreo mino gne raha tsy reny? Akory afahandreo miteno gne raha tsy misy mpitory? ¹⁵ Akory ahafandreo mitory gne zakan'e Zagnahary raha tsy misy nagniraky? Hoy e voasoratry hoe: '' Mba hiteo nareo gnatsaran'gne tombok'ireo magnambara raha tsara gne filazantsara.'' ¹⁶ Kanefa tsy gn'olo aby gne hiteno gne Filazantsara. Fa hoy i Isaia : ''Tompo, ia gne mba niteno gne Toriteny nay? ¹⁷ '' Noho izany, gne finoa da avy ame fitenoma, ary e fitenoma avy ame zakan'i Jesosy. ¹⁸ Da hoy iaho aminareo se:'' Da tena tsy misy miteno indreo?'' Eka izay gne mariny.'' Fa gne feondreo da efa niely eran'ity tany ity ka hatrany ame faravazantany.'' ¹⁹ Akotrizay da mbola mizaka aho hoe: ''Izy me Israely da mbola tsy nahafantatry?'' Tamé voloany i Mosesy da nizaka hoe: ''Aniko ho saro-piaro amin'izay tsy firene anareo. Amin'izay firene mbola bado, Aniko avy ame havignira anareo.'' ²⁰ Magnaraky an'izay, nanjary sahy mizaka i Isaia raha nizaka izy hoe: ''Hitany gn'olo tsy nitadia ana avao iaho. Niboky tamé ndreo tsy nagnotany ana iaho''. ²¹ Da hoy izy tam'Israely hoe: ''Tontolony gne namelarako e tagnako ame gnolo tsy mino sy maditry.''