¹ Hoy i Davida se: "Misy olo tafajano afaky agnambarako hatsaram-pagnah nohone am’i Jonatana me ao ame fianankavian’i Saoly ?" ² Nisy mpanompo raiky angia hoe: Ziba tao ame fianankavian’i Saoly, ary niantso enazy ho agny am’i Davida indreo. Hoy gne mpanjaka taminazy se: "Enao me gne Ziba?" Da namaly izy hoe: "Eny, mpanomponao iah." ³ Ka hoy gne mpanjaka se: "Tsy misy olo tavela ba azoko agnambara gn’hatsaram-panahan'Andriamanitry ve avy ao ame fianankavian'i Saoly?" Namaly gne mpanjaka i Ziba hoe: "Jonatana da ambola managnanaky lelah, malemy tomboky." ⁴ Hoy gne mpanjaka taminazy se: "Aia izy?" Da namaly gne mpanjaka i Ziba hoe: "Igny, ao andragnon'i Makira zanaky lahan'i Amiela any Lo-debara izy." ⁵ Avy eo i Davida mpanjaka nagniraky enazy sy nampamoky enazy tandragnon'i Makira zanaky lahan'i Amiela avy any Lo-debara. ⁶ Noho iza i Mefiboseta zanak'i Jonatana zanaky lahin'i Saoly, da nagnam’i Davida ary nampiankohoky gne tarehiny tame tany ho vononahitr'i Davida. Hoy i Davida se: "Mefiboseta." Da namaly izy hoe: "Eh, mpanomponao iah!" ⁷ Hoy i Davida taminazy se: "Ka matahatry, fa hagnambara hatsaram-pagnah aminao ho an'i Jonatana nohone gnam’iabanao dato iah, ary hagnapody aminao gne tanin'i Saoly iababenao aby iah, ary hihina eo ame latabatriko mandrakariva enao." ⁸ Niankohoka i Mefiboseta ary nagnano hoe: "Ino ity mpanomponao, gne tokony hagnety amin-tsitraka amboa maty akoign’anah enao?" ⁹ Avy eo gne mpanjaka da nampangaiky en'i Ziba, mpanompon'i Saoly, ary nagnano taminazy hoe: "Izay an'i Saoly sy gne fianankaviany aby da nomeko gne zafine tomponao. ¹⁰ Enao, gne zanakao lah, ary gne mpanomponao da tsy mentsy miasa gne tany ho anazy ary tsy mentsy mijinja gne vokatry enao ba hanagnane zafine tomponao hany ho hany. Fa i Mefiboseta, zafine tomponao, da tsy mentsy hihina mandrakariva eo ame latabatriko." Ary i Ziba da nanagnanaky lah dimy amby folo sy mpanompo ropolo. ¹¹ Avy eo i Ziba niroho tame mpanjaka hoe: "Ho amboarine mpanomponao gne raha andidiane mpanjaka tompoko gne mpanompony." Da nampiane mpanjaka hoe: ¹² "Laha gnam’i Mefiboseta da hihina eto ame latabatriko izy, akoigne raiky ame zanaky lahane mpanjaka." Nanagnanaky lelah tanora angia hoe Mika i Mefiboseta. Gn’olo aby nipetraky tandragnon'i Ziba da mpanompon'i Mefiboseta aby. ¹³ Ka da nipetraky tagny Jerosalema i Mefiboseta, ary nihina tame latabatry gne mpanjaka mandrakariva izy, ndre da nalemy gne tombokiny roy.