¹ Ary da nalagnon'i Davida niray koa gne lelahan'Israely vafidy aby, telo aly. ² Nienga i Davida ary nandeha niray tame lelahany aby izay niray taminazy nanomboky tagny Bala agny Joda ba hilanja gne tobilon'Andriamanitry hiakatry avy agny, izay angia ame gnagnara hoe Yaveh tompone maro, izay mipetraky ame fiandriana eo ambonine kerobima. ³ Napetrak'indreo tambony kalesy vaovao gne tobilon'Andriamanitry. Najotsondreo tame tragnon'i Abinadaba, izay tame vohotry raiky iza. Oza sy Ahio, zanany lahy, gne nitari-dala ane kalesy vaovao. ⁴ Najotsondreo tatragnon'i Abinadaba tame vohotry gne kalesy sy gne tobilon'Andriamanitry tamboniny. Ahio gne nandeha tagnoloane tobilo. ⁵ Avy eo i Davida sy gn’ankohonan'Israely aby nanomboky nandihy tagnatrehan'i Yaveh, nankalaza tame zava-magneno vita tame hazo, lokanga, valiha, ampongatapaka, korintsana ary kipantsona. ⁶ Lefa avy tame famoloan'i Nakona indreo, da lavo gn’aomby, ary i Oza nagninjitry gne tagnany ba hisariky gne tobilon'Andriamanitry, ka nitazo eniza izy. ⁷ Avy eo gne havigniran'i Yaveh nagnadary tam’i Oza. Namango enazy teo nohone fahotany gn’Andriamanitry. Maty takeky gne tobilon'Andriamanitry i Oza. ⁸ Vignitry i Davida satria namango an'i Oza i Yaveh, ary da namboariny hoe Perez-oza ny gnagnaran'iza toera iza. Iza toera iza da angia hoe Perez-oza mandrak'androany. ⁹ Natahatry an'i Yaveh i Davida tam’iza andro iza. Hoy izy se: "Akoingaia gne hahavy gne tobilon'i Yaveh aty aminah aty?" ¹⁰ Ka tsy nagniry gne hinday gne tobilon'Andriamanitry niray taminazy ho ao ame tanàn'i Davida izy. Fa nompiany tandragnon'i Obed-edoma ilay Gitita iza. ¹¹ Nisihy tandragnon'i Obed-edoma gne Gitita nandritry gne telo vola gne tobilon'i Yaveh. Noho iza da notahian'i Yaveh izy sy gn’ankohonany aby. ¹² Ary norohony tam’i Davida Mpanjaka hoe: "Efa nitahy gne tragnon'i Obededoma sy gne raha aby izay azy i Yaveh nohone tobilon'Andriamanitry." Noho iza da nandeha i Davida ary ninday gne tobilon'Andriamanitry niakatry avy tandragnon'i Obed- edoma tame fo feno aravoa ho agny ame tanàn'i Davida. ¹³ Lefa namindra ieny gne nibata gne tobilon'Andriamanitry, da nagnano soro aomby raiky sy zanak'aomby mifaha izy. ¹⁴ Nandihy tagnatrehan'i Yaveh tame gn’heriny aby i Davida; efoda rongony fotsy madiniky evao gne nagnamboarany. ¹⁵ Noho iza da nentin'i Davida sy gn’ankohonan'Israely aby niakatry niray tame horakoraka sy gne feon'anjomara gne tobilon'i Yaveh. ¹⁶ Ary lefa avy tatanàn'i Davida gne tobilon'i Yaveh, da nitsijo tame varavarankely i Mikala, zanaky vavin'i Saoly. Nahita an'i Davida Mpanjaka nitsambikimbikina sy nandihy takatrefan'i Yaveh izy. Avy eo da nagnano tsinontsino enazy tam-pony izy. ¹⁷ Nampidirindreo gne tobilon'i Yaveh ary napetrany tame toerany iza, tafovoane lay izay efa namboarin'i Davida ho an'iza. Avy eo i Davida nagnome fagnatitry oroa sy fagnati-pihavana takatrefan'i Yaveh. ¹⁸ Lefa vitan'i Davida gne fagnatitry oroa sy gne fagnati-pihavana, da nitso-drano gne vahoky tame gnagnaran'i Yaveh tompone maro izy. ¹⁹ Ka da nizara mofo, teti-kena, ary mofomamy misy voaloboky tame vahoky aby, gn’Israely manontolo, tame lelah sy ny vehivavy izy. Ary avy teo da lasa gn’olo aby; samby nipody tagny tandragnony ady. ²⁰ Avy eo i Davida nipody ba hitso-drano gn’ankohonany. Mikala, gn’anaky vavin'i Saoly, da nijotso ba hifankahazo am’i Davida ary niroho hoe: "Endrey gne voninahitry gne mpanjakan'Israely amizao fotoa zao, izay nagnary gne lambany tamasone gn’andevo vavy anisane mpanompony, akoigne raiky ame mpizaka ratsy izay lany hegnatry magnary gne lambany!" ²¹ Davida da namaly an'i Mikala hoe: "Namboariko takatrefan'i Yaveh iza, izay nifidy enah ho ambonin’iabanao sy ho ambonine gn’ankohonany aby, izay nanendry enah ho mpitariky eo ame vahokin'i Yaveh, eo ame gn’israely. Eo agnatrehan'i Yaveh gne hiravoravoako! ²² Ambola tsy ho mendri-kaja noho iza aza aho, ary ho afa-baraka eo amasoko evao iah. Kanefa ame gn’alalane gnandevo vavy izay noresahinao, gne hagnomezam-boninahitry enah." ²³ Noho iza i Mikala, zanaky vavin'i Saoly, da tsy nanan-janangala hatrame gnandro nahafatesany.