¹ Avy eo gne fokon'Israely aby da negn’am’i Davida tagny Hebrona ary nizaka hoe: "eh igny, nofo sy tolanao iahay. ² Ambola tsy ela avao, ambola nanjaka tamintsika i Saoly, da enao gne nitariky gne tafik’Israelita. I Yaveh nizaka taminao hoe: 'Handigny gn'Israely vahokiko enao, ary ho lasa mpanapaky eo ame gn’Israely.'" ³ Ka avy tagny ame mpanjaka tagny Hebrona gne loholon'Israely aby, ary i Davida Mpanjaka nagnano fagneke tamindreo tagnatrehan'i Yaveh. ⁴ Nagnosotry an'i Davida ho mpanjaka tame gn’Israely indreo. Telopolo tao i Davida gne nanomboky nanjaka, ary nanjaka nandritry gn’efapolo tao izy. ⁵ Tagny Hebrona da nanjaka teo am’i Joda nandritry gne fito tao sy enim-bola izy, ary tagny Jerosalema da nanjaka nandritry gne telo amby telopolo tao teo ame gn’Israely sy i Joda aby izy. ⁶ Nandeha negname Jerosalema gne mpanjaka sy gn’olony ba hanohitry gne Jebosita, gne mponin'iza tany za. Da hoy indreo tam’i Davida se: "Tsy ho avy etoa enao laha tsy gne jamba sy gne mandringa gne hampipody enao. Tsy afaka gne ho avy etoa i Davida." ⁷ Ndre da eo iza, da nagnababo gne ferova mafin'i Ziona i Davida, izay tanàn'i Davida amizao fotoa zao. ⁸ Tam’iza fotoa za i Davida nizaka hoe: "Gne manafiky gne Jebosita da tsy mentsy handalo ame lalan-drano ba hirogny gne 'mandringa sy gne jamba' fahavalon'i Davida." Iza gne ilazane gn’olo hoe: "Gne jamba sy ny mandringa' da tsy mahazo miditry gne lapa." ⁹ Ka nipetraky tame ferova mafy i Davida ary nangaiky eniza hoe gne tanàn'i Davida. Nohamafisigny gne magnodidy eniza, avy egny ame lavaranga megnagnatiny. ¹⁰ Lasa natanjaky be i Davida satria i Yaveh, gn’Andriamanitry gne maro, gne nindray taminazy. ¹¹ Avy eo Hirama mpanjakan'i Tyra nagniraky mpitondra hafatry, sy hazo sedera, mpandrafitry, ary mpagnambotry tragno tany am’i Davida. Nagnambotry tragno ho an'i Davida indreo. ¹² Fantatr'i Davida fa efa nagnapetraky enazy ho mpanjakan'Israely i Yaveh, ary efa nandranga gne fanjakany nohone gn’Israely vahokiny Izy. ¹³ Avy eo i Davida nandao an'i Hebrona ary nandeha tagny Jerosalema, nangala vaditsindrano sy vady maromaro tany Jerosalema izy, ary nisy zaza lelah maro sy zaza viavy maro naterakiny. ¹⁴ Itoa aby gnanarane zaza naterakiny tagny Jerosalema: Samoa, Sobaba, Natana, Solomona, ¹⁵ Jibara, Elisoa, Nafega, Jafia, ¹⁶ Elisama, Eliada, ary Elifeleta. ¹⁷ Ary lefa rene Filistina fa efa vahosotry ho mpanjakan'Israely i Davida, da nijotso izy aby ba hagnety enazy. Nefa nahare gne mikasiky eniza i Davida ary nandeha nidy tagny ame ferova mafy. ¹⁸ Ary da avy gne Filistina ka niparitaky tagny an-Dohasahan'i Refaima. ¹⁹ Avy eo i Davida nangataky famonjea tam’i Yaveh. Da hoy izy se: "Tokony hanafiky gne Filistina me iah? Hagnome fandrese amindreo me Enao?" da hoy i Yaveh tam’i Davida se: "Manafiha, fa hagnome fandrese ho anareo eo ame Filistina dato Iah." ²⁰ Ka nanafiky tao Bala-Perazima i Davida, ary tao gne nandreseny endreo. Nahare feo izy hoe: "Nisafoky tame fahavaloko tagnatrehako akoigne fisafokane safo-drano i Yaveh." Ka lasa Bala-Perazima gn’anaran'iza toera iza. ²¹ Napetrakine Filistina teo gne sampindreo, ary nindesin’i Davida sy gne lehilahany lavitry indreo. ²² Avy eo da niakatry indraiky gne Filistina ary niparitaky fagnindroany tegny an-Dohasahan'i Refaima. ²³ Ka da nitadia famonjea avy am’i Yaveh indraiky i Davida, ary da hoy i Yaveh taminazy se: "Ka manafiky gne magnatriky endreo enao, fa hiodidigno avy afara indreo ary magnatogna andreo avy eo ame gn’hazo balsama. ²⁴ Lefa mahare gne feone diabe egny ame feon-drivotry avy eo an-tampone gn’hazo balsama enao, da ao ba hanafiky amin-kery. Amboaro iza satria hijotso meloha anareo ba hanafiky gne tafike Filistina i Yaveh." ²⁵ Ka da nagnano araky gne nandidian'i Yaveh enazy i Davida. Novonoiny nanomboky tagny Geba ka hatrame lala megne Gezera aby gne Filistina.