¹ Lefa ranga i Samoela, da namboariny ho mpitsara teo amin'gn’Israely gne zanany lelah. ² Joela gnagnarane zanany valoany, ary i Abia gnagnarane zanany lelah faharoy. Mpitsara te Beri-sheba indreo. ³ Tsy nagnoriky gne lalanombany gne zanany lelah, fa nitadia fiharia tsy marigny. Nandray paidamosy indreo ary namadiky gne rariny. ⁴ Da nindray nivory gne loholone gn’Israely aby ary avy tam'i Samoela te Rama. ⁵ Hoy indreo taminazy se: "Eka, da ranga enao, ary tsy magnoriky gne dianao gne zanakao. Manindrea mpanjaka ho anay ba hitsara anay akoigne firene agy ro." ⁶ Nefa da tsy lanine vavonin’i Samoela iza laha nizaka indreo hoe: "Omeo mpanjaka izahay ba hitsara anay." Ka nivavaka tam’i Yaveh i Samoela. ⁷ Hoy Yaveh tam’i Samoela se: "ekeo gnetahetane vahoky ame raha rohonindreo aminao aby; fa ts’enao gne tsy notenomindreo roho, fa iah gne tsy notenomindreo roho tsy ho mpanjakandreo. ⁸ Amizao fotoa zao indreo da magnano akoigne namboariny hatrame gn’andro nindesako endreo nijotso lahatagny Egypta, nahafoy ena, ary nanompo gn’andriamanitry hafa, ary da akoiza evakoa gnamboarindreo aminao. ⁹ Amizao fotoa zao de tenomo tsara indreo; nefa da ampitandremo mafy ka ampahafantaro gne fomba hanapahan'igne mpanjaka eo amin'indreo." ¹⁰ Da ambola notadidizin'i Samoela tame vahoky nangataky mpanjaka evakoa gne zakan’i Yaveh tsy nisy latsaky. ¹¹ Hoy izy se: "akoizao gne ho fombafombane mpanjaka hanjaka eo aminareo. Hanaga gne korao lah izy ka hanendry endreo ho an'igne kalesiny sy ho lasa mpipitiky gne soavaliny, ary da hiazakazaky agnolohane kalesiny. ¹² Hanendry kapizakane miaramila an'arivony, ary kapizakane miaramila dimampolo ho anazy izy. Hampesainy gne taniny gne sasany, mijinja gne vokatriny gne sasany, ary hagnano gne fitaovam-pediany sy gne fitaova ho an'igne kalesiny gne sasany. ¹³ Gne zazaviavy nareo koa da hany mpangaroharo zava-magnitry, mpahandro, ary mpagnano mofo. ¹⁴ Ho alainy e tena tsara ame taninareo, ame tanim-boalobokareo, ary ame tanin'olivanareo, ka homeny gne mpanompo enazy. ¹⁵ Ho alainy gn’ampahafolone varinareo sy gne niakatry avy ame tanim-boalobokareo ka homeny gne manam-pahefa sy gne mpanompo enazy. ¹⁶ Ho alainy aby gne mpanompo enareo na lelah na viavy ary e tena tsara ame zatovolahinareo sy gne borikinareo; hampesainy aminazy izy aby. ¹⁷ Ho alainy gn’ampahafolone gn’ondry aman'osinareo, ka ho lasa andevony enareo. ¹⁸ Am'iza andro iza da hitoreo nohone mpanjakanareo izay nofidinareo ho ane tegnanareo enareo; kanefa da tsy hiteno enareo i Yaveh am'iza andro iza." ¹⁹ Kanefa nandà gne hiteno en'i Samoela gne vahoky; hoy indreo se: ''Tsia! Tokony hisy mpanjaka aminay etoa ²⁰ ba hitovisanay ame tanin’olo sasany ambadiky agny, ary ba hitsarane mpanjakanay enay sy hibodagnany agnoloanay ka hiady gne raha manahira anay." ²¹ Lefa ren'i Samoela gne zakane vahoky aby da napodiny tame sofin'i Yaveh iza. ²² Hoy i Yaveh tam’i Samoela se: "Ekeo agny ro gnetahetandreo ary anio gnampisy mpanjaka raiky amindreo." Da hoy Samoela tame vahokin'Israely se: "Tsy mentsy mipody ame tana nevisany aby gne vatandelah tsikiraikiraiky."