¹ Nanompo en'i Yaveh tame fagnatrehan'i Ely i Samoela zazakidikidy. Kidy gne rohon’i Yaveh tamiza andro za; tsy nisy lotry gne fahita tame gnalalane faminania tamiza. ² Tamiza fotoa iza, i Ely, izay efa nanomboka pahina gne masony ka tsy mahita tsara, da natory tame fandria. ³ Ambola tsy maty gne fanilon'Andriamanitra, ary nandry ba hatory tao ame tempolin'i Yaveh i Samoela, tagnatin'iza da nisy gne tobilon'Andriamanitry. ⁴ Yaveh nangaiky en'i Samoela, da hoy izy se: "Itoa iah." ⁵ Nigodogogoky nandeha tam'i Ely i Samoela nizaka hoe: "Itoa iah, satria nangaiky ena anao." Da hoy i Ely se: "Tsy nangaiky enao iah, fa mipodia matory." Da nandeha i Samoela ary da natory. ⁶ Nangaiky koa i Yaveh hoe: "Eh Samoela." Da nifoa koa i Samoela ary nandeha tam'i Ely, nagnano hoe: "Itoa iah, satria nangaiky ena anao." Da namaly i Ely hoe: "Tsy nangaiky enao iah, ro zanako, mipodia matory." ⁷ Ndre i Samoela da ambola tsy nahafantatry tsara en'i Yaveh, na nisy hafatry avy tam'i Yaveh ambola nambara taminazy. ⁸ Nangaiky en'i Samoela fagnintelony koa i Yaveh. Nitrotry koa i Samoela ary nandeha tam'i Ely sy nizaka hoe: "Itoa iah, satria nangaiky ena anao." Da fantatr'i Ely fa i Yaveh gne nangaiky eniza zazalelah kidikidy za. ⁹ Da hoy i Ely tam'i Samoela se: "Alao mivery matory; laha ambola mangaiky enao indraiky Izy, da mirohona sinitry enao hoe: "Mikoragna, ro Yaveh, fa miteno enao gne mpanomponao."' Da nandeha i Samoela ary da natory tame fatoriany indraiky. ¹⁰ Avy i Yaveh ary da nitsanga; nangaika akoigne tame fotoa sasany hoe: "Samoela, Samoela." Da hoy i Samoela se: "Mikoragna, ro Yaveh, fa miteno enao mpanomponao." ¹¹ Da hoy i Yaveh tam'i Samoela se: "Iteo fa hagnano raha amin'Israely Iah ka gne sofine vahoky da hahare. ¹² Amin'iza andro za da hamorogny gne raha norohoniko tamin'i Ely mikasiky gne fianakaviany, hatrame valohany ka hatrame farany Iah. ¹³ Nizaka taminazy Iah fa hitsara gne fianakaviany indraiky fotsiny mikasiky gne fahota fatatrindreo, satria gne zanany da voaozo tame tegnandreo ary tsy nibaha andreo izy. ¹⁴ Noho iza da nisoma ratsy tame fianakavian'I Ely Iah fa gne fahotane fianakavia da tsy ho voahonitry ame soro na fagnatitry za." ¹⁵ Natory mandra-maray i Samoela; da nanokatry gne varangarane tragnon'i Yaveh izy. Fa natahatry gne hizaka tam'i Ely mikasiky gne fahitana i Samoela. ¹⁶ Avy teo da nangaiky en'i Samoela i Ely ka nagnano taminazy hoe: "Eh Samoela, zanako." Da hoy i Samoela se: "Itoa iah." ¹⁷ Hoy izy se: "Ino gne zaka norohoniny taminao? Kafiny ro iza. Hagnano eniza aminao anie gn’Andriamanitry, ary da ambonin’iza kida, laha magnafiny raha amina ame zaka aby norohoniny taminao enao." ¹⁸ Da norohonin’i Samoela taminazy gne raha aby; tsy nisy nafininy taminazy aby. Da hoy i Ely se: "Izy gne Yaveh. Apetray Izy hagnano enizay mety hoe tsara Aminazy." ¹⁹ Niha-olombe i Samoela, ary i Yaveh da niray taminazy, ary tsy napetrany hisy tame feo faminaniany gne tsy ho tateraky. ²⁰ Gne Israely aby evao Dana ka hatrany Berisheba da nahafantatry fa i Samoela da vatendry ho mpaminanin'i Yaveh. ²¹ Niboda tao Silo indraiky i Yaveh, satria nagnambara gne tegnany tame zakany tam'i Samoela tao Silo Izy.