¹ Nivavaky i Hana ka nagnano hoe: "Gne foko da ravoravo ao am'i Yaveh. Gne tandrokiko misandratra am'i Yaveh. Gne molotriko mirehareha magnoloa gne fahavaloko aby, satria miravoravo ame famonjenao iah. ² Tsy misy masy mitovy am'i Yaveh, fa tsy misy heky hafa mahasolo Enao; tsy misy vatolampy mitovy amign’Andriamanitritsika. ³ Ka mirehareha lotry esana; tandremo tsy ho rohoninao gne fiavognavogna. Fa i Yaveh gn’Andriamanitry gne fahalala; ame gn’alalany gne hamatovatoa gn’asa. ⁴ Gne didine fanalelah da tapaky, fa gne vafitaky kosa dia mahazo hery mitovy ame fehekibo. ⁵ Gne voky aby da lasa nikarama mofo; gne mosare da najary nanakoany. Ndre gne momba da miteraky fito aby, fa gne viavy managnanaky maro kosa da mivalaketraky. ⁶ I Yaveh gne mahafaty sy minday ho ame fiaina. Izy gne mampidy ho agny ame fiana-tsy hita ary mananga. ⁷ I Yaveh gne mampahantra gn’olo sasany ary mampanan-karia gn’hafa. Mampietry Izy, nefa da mampisandratry evakoa. ⁸ Mampahery e mahantra ba hiala ame vovoky Izy. Mampisandratry gne ory ba hiala ame lakevo, ba hagnapetraky endreo miray midoboky ame gn’ andriandah, ka handova gne sezam-boninahatry. Gn’andriane tany aby da an'i Yaveh ary tamindreo gne nagnapetrahany en'izao tontolo zao. ⁹ Ho embenany gne tomboky gn’olony azo itokisa, fa gne ratsy fanah kosa da hampangigny agny ame gn’aizim-pito, satria tsy misy handresy ame gn’hery. ¹⁰ Gne manohotry en'i Yaveh da ho potipotiky; Hampivaratry gnandro hamaly endreo Izy. I Yaveh gne hitsara gne farane tany aby; hagnome hery gne mpanjakany Izy ary hampiakatry gne tandrok'igne voahosotriny." ¹¹ Avy teo I Elkana da nandeha tagny Rama, tandragnony. Nanompo gn'Andriamanitry teo ame fagnatrehan'i Ely mpisoro gne zaza. ¹² Ary da lelah ratsy fanah dato gn’anaky lahin'i Ely. Tsy nahafatatry en'i Yaveh indreo. ¹³ Gne mahazatry gne mpisoro miaraky ame vahoaky aby, nisy lelah nagnome sorogny, dia magnato gne mpanompone mpisoro ka minday fitrebika telo rantsana egny antanany, laha ambola mandevy gne’hena. ¹⁴ Hatsindrony ao anatine lasitry iza, na fandrahoan-kena, na volagny, na volanibe. Izay azone fitrebika ao aby da alaine mpisoro ho anazy. Namboarindreo tao Silo nindray tamin’gne Israelita aby izay ninday tao iza. ¹⁵ Ratsy lavitribe enza, taloane nagnoroandreo gne sabora da avy lahatagny gne mpanompone mpisoro, ary nizaka tame lelah nagnano gne sorogny hoe: "Omeo hena ho atsatsika gne mpisoro, fa tsy hagneky gne hena nohandroy avy lahataminao izy, fa gne manta avao." ¹⁶ Laha mizaka aminazy iza lelah za da hoy izy se: "Tsy mentsy horoandreo heky gne sabora, ary avy eo da afaky mangala maro arak’izay tianao enao." Da novaliany hoe: "Avandesa, fa omenao amizao damizao evao; fa laha tsy iza, da ho alaiko an-keriny iza." ¹⁷ Da zakabe dato gne helok'iza zatovo lah zaagnoloa en'i Yaveh, satria nanindreo tsinontsino gne fagnatitry an'i Yaveh. ¹⁸ Fa i Samoela da nanompo en'i Yaveh raha ambola zaza niakanjo efoda rongony fotsy. ¹⁹ Nagnamboaran’iendriny akanjo lava kidy izy ka nindesiny ho anazy isan-tao isan-tao iza, laha niakatry nindray tame vadiny ba hagnome gne fagnatitry mahazatry isan-tao izy. ²⁰ Ary i Ely namafy rano en'i Elkana sy gne vadiny ka nizaka hoe: "Hagnome zaza maro enao am'ity viavy ity anie gn’Andriamanitry nohone fangataha izay namboariny tam'i Yaveh." Avy eo da nipody tandragnony indreo. ²¹ Nagnampy en'i Hana koa i Yaveh, ka bevoky koa izy. Niteraky telo lahy sy roy vavy izy. Nandritry en’iza fotoa iza, da nitombo teo agnatrehan'i Yaveh i Samoela gne zaza. ²² Ary efa ranga tokoa I Ely; reny aby gne raha namboarine zanany lelah tame gn’Israely manontolo, sy gne natoriandreo niaraky tame viavy izay nanompo eo ame fidira ame toera fihaona. ²³ Hoy izy tamindreo se: "Fa magnino enareo gne magnano raha akoiza? Efa reko tame gnolo aby evokoa gne raha ratsy namboarinareo. ²⁴ "Avandesa, Eh! zanako; tsy tatitry tsara gne reko. Mahavy gne vahokin' i Yaveh tsa hagneky enareo. ²⁵ "Laha misy olo raiky manota ame raiky, da hotsaraine gn’Andriamanitry izy; fa laha misy lelah raiky manota am'i Yaveh, ia gne hisolo vava anazy?" Fa tsy hiteno gne feone rainy indreo, satria Yaveh efa nikasa gne hahafaty endreo. ²⁶ Niha-olombe i Samoela zaza kidikidy, ary lasa nitombo gne fitiavany en’i Yaveh sy gn’olo evakoa. ²⁷ Ary nisy lelahin'Andriamanitry raiky nagnato en'i Ely ka nagnano taminazy se: "Akoizao gne norohonin'i Yaveh, 'Tsy efa nagnambara gnaiko taminao tamignalalane razambenao me iah, laha ambola tagny Egypta tame fagnandevoza gnankohonan'i Farao indreo? ²⁸ Nosafidiko tagnatine fokon'Israely izy ba ho mpisoroko, ba hiakatry eny ame gnalitarako, ary ba hagnoro gne ditin-kazo magnitry, ba hisiky gn’efoda agnatrehako. Nomeko ho ane taranaky gne razambenao aby gne fagnatitry namboarine vahokin'ny Israely tame gn’afo. ²⁹ Nagnino me enao maniratsira gne soro sy gne fagnatitriko izay notakiko ho eo ame toera misy ena? Nagnino gnagnomezanao voninahitry amboniko ame fagnambonia gnainareo avy ame fagnatitrin’ny Israely vahokiko gne zanakao?' ³⁰ Fa Yaveh, Andriamanitr'Israely, da mizaka se: 'Nampagnantena Aho fa gne taranakao, sy gn’ankohonane razambenao, da handeha eo agnatrehako mandrakizay.' Nefa amizao fotoa zao da hoy Yaveh se: 'fadenah gnagnano eniza, gne magnome voninahitry Ena gne homeko voninahitry, ary gne magnano tsinontsino Ena gne ho tsinontsinoaviko. ³¹ Eka, ho avy gnandro hanapahako gne herinao sy gne herine gnankohonane razambenao, ka tsy hisy lelah ho lava velo ame taranakao. ³² Hahita fahoria egny ame toera hipetrahako enao. Ndre da ome soa aza gn’Israely, da tsy hisy lelah ho lava velo koa ame taranakao. ³³ Gne sasany aminareo izay tsy ho alako ame gn’alitarako, da ho amboariko pahina gne masonareo, ary ahavy gn’alahelo ame fiainanareo iah. Kila lelah niboda avy tame fianakavianareo da ho faty. ³⁴ Ity gne famatara ho anao izay hanjo gne zanakao roy lah, am'i Hofinia sy Finehasa: Andro raiky gne hahafaty enazy mirahalah. ³⁵ Hananga mpisoro azo itokisako ba agnatotosa gnagnatine foko sy gname fagnahako Iaho. Hagnorigny tragno azo antoky ho anazy iah; ary handeha eo agnoloane mpanjaka izay voahosotro mandrakizay izy. ³⁶ Gne sisa tavela ame taranakao da hoavy aby ary handohaloky eo aminazy, hangataky sombim-bolafotsy sy mofo, ary hizaka hoe: "Mba tendreo ho isane mpisoronao saro iah ba hahafahako mihina gne sombi-mofo raiky.""'