¹ Ary tam’io andro io gne Filistina da nanambatry gne tafikiny hiady ame gn’Israely. Hoy i Akisy tam’i Davida se: "Fantaro tsara fa hindray hijotso aminah ho agny ame kombo, enao ame lelahanao." ² Hoy i Davida tam’i Akisy se: "Ho fantatrao gn’afaky hamboarine mpanomponao." Hoy i Akisy tam’i Davida se: "Ka hamboariko mpiamby enah rekitry enao." ³ Ary maty i Samoela, ary gne Israely aby da nandala anazy ka nandevy enazy tao Rama, tao ame tanàny. Nofongoran'i Saoly tsy ho eo ame tany evakoa gne nikora tame maty na tame fagnah. ⁴ Ary nivondro niray gne Filistina ary avy sy nikombo tao Sonema; ary i Saoly da nampivondro gn’Israely aby, ka nikombo tao Gilboa indreo. ⁵ Lefa nahita gne tafiky gne Filistina i Saoly, da natahatry izy, ary nanfitakitaky mafy dato gne fony. ⁶ Nangataky fagnampia tam’i Yaveh i Saoly, kanefa tsy namaly enazy i Yaveh—na tame nofy, na tam’i Orima, na tame mpaminany. ⁷ Ary hoy i Saoly tame mpanompony se: "Hitadiavo viavy mikora ame maty iah, ba hahafahako megnaminazy agny ary mitadia hevitry aminazy." Hoy gne mpanompony taminazy: "Eh, misy viavy agny Andora reko fa mikora ame maty." ⁸ Nagnova endriky i Saoly, nagnano akanjo hafa, ary nandeha, izy ame lelah roy niray taminazy; negname viavy indreo gne ariva. Hoy izy se: "Mangataky aminao iah, mangia gne maty ho anah, miaraky ame fagnah, ary ento miakatry gnagnara rohoniko anao." ⁹ Hoy iza viavy za taminazy se: "Eh, fantatrinao gne namboarin’i Saoly, gne namongorany gne mikora ame maty na ame fagnah tsy ho eo ame tany. Ka nahoa enao gne magnisy fandriky ame vatako, amizay ba hahafaty enah?" ¹⁰ Nisoma ratsy taminazy tame gnalalan'i Yaveh i Saoly ka nagnano hoe: "Laha ambola velo evao i Yaveh, da tsy hisy fagnasazia hahazo enao noho iza raha za." ¹¹ Ary hoy iza viavy za se: "Iza gne tokony ho indesiko miakatry eto aminao?" Hoy i Saoly se: "Indeso miakatry ho anah i Samoela." ¹² Laha nahita an'i Samoela iza viavy za, da nizaka mafy izy ary nikora tam’i Saoly nagnano hoe: "Nahoa enao gne namitaky enah? Fa i Saoly enao." ¹³ Hoy gne mpanjaka taminazy se: "Ka matahatry. Ino gne hitanao?" Hoy iza viavy za tam’i Saoly se: "Mahita gn’Andriamanitry miakatry avy ao ame tany iah." ¹⁴ Hoy izy taminazy se: "Akoingaia gnendrikiny?" Hoy izy se: "Rangah gn’avy miakatry; misiky akanjo lava izy." Fantatr'i Saoly fa i Samoela iza, ka nampiankohoky gne tareheny tame tany izy ary nagnaboda fagnaja. ¹⁵ Hoy i Samoela tam’i Saoly se: "Nahoa enao gne nagnakoronta enah ary ninday enah niakatry?" da i Saoly namaly hoe: "Ory lotry valy iah, satria gne Filistina da mitadia ady hanohera anah, ary gn’Andriamanitry niala anah ary tsy namaly enah koa, na tame mpaminany, na tame gnonofy. Noho iza da nangaiky enao iah, ba hahafahanao mampahafantatry enah gne tokony amboariko." ¹⁶ Hoy i Samoela se: "Ino me gne tianao agnontania anah, satria niala anao Yaveh, ary lasa fahavalonao Izy? ¹⁷ Namboarin'i Yaveh taminao gn’efa norohoniny hoamboariny. Efa nangala gne fanjaka tso ame tagnanao izy ary nagnome eniza ho an'olon-kafa—ho an'i Davida. ¹⁸ Satria enao tsy nagneky gne feon'i Yaveh ary tsy ninday gne firehetane gnavignirany tame gn’Amalekita, da namboariny taminao iza tandroany. ¹⁹ Ankotr’iza, i Yaveh da hanolotry enao sy gn’Israely ho an-tagnane Filistina. Laha homaray enao sy gne zanakao lelah da hindray aminah. Hatolotr'i Yaveh ho eo an-tagnane Filistina evakoa gne tafik'Israely." ²⁰ Teo no eo da lavo nitsilagnilagny tame tany i Saoly ary tena natahatry izy nohone rohon'i Samoela. Tsy nisy hery tagnatiny, satria tsy nihinan-kany izy nandritrine gnandro raiky manontolo, na tame gn’ariva manontolo koa. ²¹ Nagnato en’i Saoly gne viavy ary nahita fa tena nikorontan-tsay izy, hoy izy taminazy se: "Eh! gne mpanompovavinao efa niteno gne feonao; efa napetrakiko tam-pelatagnako gn’aiko ary efa niteno gne rohonao nambaranao taminah. ²² Ka amizao fotoa zao, mangataky aminao iah, tenomo evakoa gne feone mpanompovavinao, ary apetray iah hagnisy sakafo kidikidy eo akatrefanao. Mihinàna ba hahazoanao hery lefa handeha ame lalanao enao." ²³ Fa i Saoly nandà ary niroho hoe: "Tsy hihinana iah." Fa gne mpanompony, nindray tame viavy, nandetr’enazy, ka da niteno gne feondreo izy. Ka nitsanga latame tany izy ary nidoboky tampandriana. ²⁴ Nana zanak'omby nifahy tan-tragnony viavy za; nandeha nalaky izy ary namogno eniza; nangala koba izy, nagnafangaro iza, ary nagnendy gne mofo tsy misy lalivay nindray tam’iza. ²⁵ Nindesiny t’akatrefan’i Saoly sy gne mpanompony iza, ary nihina indreo. Ary nitsanga indreo ka lasa gn’arivan’io.