¹ Avy tagny am’i Saoly tagny Gibea gne Zifita ary niroho hoe: "Tsy misitriky agny ame lohasahan'i Hakila, izay mifagnatriky am’i Jesimona me i Davida?" ² Da nienga i Saoly ka nidy negname efitr'i Zifa, ninday lelahin'Israely vafidy telo arivo nindray taminazy, ba hitadia an'i Davida agny an-tany efitr'i Zifa. ³ Nikombo tame vohotrin'i Hakila i Saoly, izay nagnatriky an'i Jesimona, tamoron-dala. Fa nipetraky tagny agn’efitry i Davida, ary hitany fa hoavy hitadia anazy tagny agn’efitry i Saoly. ⁴ Ka nagniraky mpitsikilo i Davida ka nahafantatry fa tena avy dato i Saoly. ⁵ Nitsanga i Davida ary nandeha tagny ame toera izay nikomboan'i Saoly; hitany e toera nandrian'i Saoly, sy i Abnera zanak'i Nera, e jeneraline tafikiny; nandry tao ame kombo i Saoly, ary nikombo nagnodidy enazy gn’olo, samby sondrian-tory aby. ⁶ Da hoy i Davida tam’i Ahimeleka Hitita, sy tam’i Abisay zanak'i Zeroia, lahalahin'i Joaba se: "Ia gne handeha hidy ho agny am’i Saoly ao ame kombo hiray aminah?" Hoy i Abisay se: "Iah! Hidy hiray aminao iah." ⁷ Ka negname tafika i Davida sy i Abisay gn’ariva. Natory tao ame kombo nindray tame lefony nitsatoka tame tagny takeke lohagny i Saoly. Nandry nagnodidy enazy i Abnera sy gne miaramilany. ⁸ Da hoy i Abisay tam’i Davida se: "Napetrak'Andriamanitry ho ame tagnanao gne fahavalonao androany. Apetray ro iah izao hagnotsoky enazy ame lefo indray mandeha fotsiny ba hampitsirara anazy ame tany agny. Ts’amango enazy fagnindroiny koa iah." ⁹ Da hoy i Davida tam’i Abisay se: "Ka mamono enazy; fa ia gn’afaky maninjitra gne tagnany hamango gne vahosotr'i Yaveh ka tsy ho meloka?" ¹⁰ Da hoy i Davida se: "Laha ambola velo evao i Yaveh, da i Yaveh gne hamono enazy, na ho avy gn’andro hahafaty enazy, na handeha hiady izy ka ho faty. ¹¹ Ho raràn'i Yaveh ro gne haninjirako gne tagnako hamango gne vahosotriny; fa amizao fotoa zao, mengavy aminao iah, reso gne lefo an-dohany io sy gne sinin-drano io, ary alaska andeha." ¹² Ka da nalain'i Davida avy tandohan'i Saoly gne lefo sy gne sinin-drano, da niala indreo. Tsy nisy nahita andreo na nahalala mikasiky eniza, na nisy olo nifoha, fa resin-tory aby indreo, satria nilatsaka tamindreo gne torimaso laly avy am’i Yaveh. ¹³ Da nandeha tegny ampita i Davida ary nijoro tan-tampone tendrombohitry lavitry tegny; nisy elagnelany be e nisy andreo. ¹⁴ Nitabataba mafy tame vahoky sy i Abnera zanak'i Nera i Davida; hoy izy se: "Tsy mamaly me enao, ry Abnera?" Da namely i Abnera ka nagnano hoe: "Ia enao mangaingaiky gne mpanjaka io me?" ¹⁵ Da hoy i Davida tam’i Abnera se: "Ts’enao me gne lelah be herim-po za? Ia gne mitovy aminao ame gn’Israely etoa? Nahoa mesa anao gne tsy niamby gne mpanjaka tomponao? Fa nisy olo niditry hamono gne mpanjaka tomponao. ¹⁶ Tsy tsara e raha naninao io. Laha ambola velo evao i Yaveh, da mendrika gne ho faty enao satria tsy niamby gne tomponao, da gne vahosotr'i Yaveh. Amizao fotoa zao da hiteo izay misy gne lefone mpanjaka sy ny sinin-drano takeky gne lohany!" ¹⁷ Nahatsiaro gne feon'i Davida i Saoly ka nagnano hoe: "Feonao me iza, ry Davida zanako lahy?" da hoy i Davida se: "Feoko iza, ry mpanjaka, tompoko." ¹⁸ Da hoy izy se: "Nahoa gne magnenjiky gne mpanompony gne tompoko? Ino ro gne namboariko? Ino gne ratsy tatagnako? ¹⁹ Amizao fotoa zao ary, mengavy enao iah, a oba gne tompoko mpanjaka hiteno gne rohone manompony. Laha i Yaveh gne nampientagny enao hanohitry enah, ao ba Izy hagneky sinitry; fa laha olombelo iza, da ho voaozo eo amason'i Yaveh ro izy, fa nandroky enah indreo androany, ba tsy hifikirako ame lovan'i Yaveh; hoy indreo taminah se: 'Mandihana manompo andriamani-kafa.' ²⁰ Amizao fotoa zao ary, aza apetraky ho very eo ame tany lavitry gne fagnatrehan'i Yaveh gne ràko; fa efa nijotso hitadia gne parasy kidy iray akoigne hihazan'ny olo tsipoy raiky agny ame tendrombohitry gne mpanjakan'Israely." ²¹ Da hoy i Saoly se: "Nanota iah. Mipodia, ry Davida, zanako lahy; fa tsy hagnisy ratsy anao koa iah, satria sarobidy tamasonao gne vatako androany. Eh, da niamolamola iah ary nagnano fahadisoa ratsy be." ²² Da namaly i Davida ka nagnano hoe: "Eh, ity gne lefo, ry mpanjaka! Ao ba hisy raiky ame tovolah hitsaky ary hangala eniza ka hitondra eniza agny aminao. ²³ I Yaveh ro gn’hamaly gn’olo tsikiraikiraiky nohone fahamarinany sy gne fahatokiany avy; satria nagnapetraky nagnano tatagnako en’i Yaveh tandroany, nefa tsy namango gne vahosotriny iah. ²⁴ Eh, akoigne naha-sarobidy gne vatanao tamasoko tandroany, da engany ro ka homen-danja eo amason'i Yaveh akoiza gne vatako, ary hagnavotry enah ame fahoria aby ro Izy." ²⁵ Da hoy i Saoly tam’i Davida se: "Ho tahy ro enao, ry Davida zanako! Hagnano raha zakabe dato enao ary ho ambininy amiza." Ka niroso tame lalany i Davida, ary nipody tagny ame toerany i Saoly.