¹ Lefa niverigny avy nagnia gne Filistina i Saoly, da nozakay taminazy hoe: "Agne agn’efitry'i En-jedy i Davida." ² Avy eo i Saoly da nangala lelah telo arivo vafidy avy ame gn'Israely aby ary nandeha nitadia en'i Davida sy gne lelah tegne ame Pelapelam-batone Osi-Da. ³ Niroso tame valan'ondry tegne an-dala izy, izay nisy zohy raiky. Niditry tao ba hagnano maloto i Saoly. Ary i Davida sy gne koraony da nipetraky lavitry tafarany tame zohy. ⁴ Hoy gne koraon’i Davida taminazy se: "Ity gn’andro izay nikoragnan'i Yaveh lefa nizaka taminao Izy hoe: 'Hatolotriko am-pelatagnanao gne fahavalonao, ba hagnamboaranao izay tianao hany aminazy.'" Avy eo i Davida nitsanga ary nandady moramora nandroso ka nanapaka gne moron'gne akanjo lavan'i Saoly. ⁵ Lefa afaky iza da nampijaly enazy gne fon'i Davida satria nanapaky gne moron'igne akanjo lavan'i Saoly izy. ⁶ Hoy izy tame koraony hoe: "Yaveh ro handrara gne hagnamboarako io raha io ame tompoko, ilay vahosotr'i Yaveh, da gne haninjirako gne tegnako aminazy, laha mahita fa vahosotr'i Yaveh izy." ⁷ Da nizaka mafy gne koraony tame teny maro i Davida, ary tsy nagnapetraky andreo hagnano an'i Saoly. Nitsanga i Saoly, nandao gne zohy, ary nandeha tame lalany. ⁸ Lefa afaky iza, da nitsanga evakoa i Davida, niala tame zohy, ary nangaiky en'i Saoly hoe: "Ry mpanjaka tompoko." Lefa nagnety enazy avy latafarany i Saoly, da nampiankohoka gne laharany tame tany i Davida ary nampiboda gne fagnaja enazy. ⁹ Da hoy i Davida tam’i Saoly se: "Nagnino gnitenomanao gne lelah izay magnano hoe: 'E, mitady hagnano ratsy anao Davida?' ¹⁰ Amizao fotoa zao hitane masonao gne fomba nagnapetrahan'i Yaveh enao tapelatagnako tamintsika tan-johy. Gne sasany niroho taminah ba hamono enao, fa namindra fo taminao iah. Da hoy iah se: 'Tsy haninjitra gne tanako ame tompoko iah; satria vahosotr'i Yaveh izy.' ¹¹ eh, ry iabako, hiteo gne molotre tomboky gn'akanjo lavanao am-pelatagnako. Fa gnantony nanapahako gne molotre tomboky gn'akanjo lavanao sy tsy namonoako anao, da ba ho fantatrao sy hitanao fa tsy misy ratsy na fivadihana eto am-pelatagnako, ary tsy nanota taminao iah, na da mihaza gne vatako ba hahafaty enah aza enao. ¹² Yaveh ro gne hitsara enah sy enao, ary Yaveh anie hamaly faty enah aminao, fa gne tagnako da tsy tokony hanohitry anao. ¹³ Araky gne valazane gn’ohabolane gnolo taloha hoe: 'Avy ame ratsy fagna gne hevisane faharatsia.' Fa tsy hanohitry enao gne tanako. ¹⁴ Ho an'ia gne nivoahane mpanjakane gn'Israely? Ia gne iagnitsika? Alika maty! Parasy! ¹⁵ Yaveh ro gne ho mpitsara sy hagnome fitsarà enah sy enao, ary hagnety amin'iza, ary hisolo vava enah sy hagnome alala anah hilefa ame tananao." ¹⁶ Lefa avy nikora en’iza teny iza tam’i Saoly i Davida, da hoy i Saoly se: "Feonao me iza, ry Davida zanako?" Napiakapeo i Saoly ary notagny. ¹⁷ Da hoy izy tam’i Davida se: "Marina tsara enao mihotry enah. Satria namaly soa enah enao, lefa namaly ratsy anao iah. ¹⁸ Nambaranao amizao fotoa zao gne fomba nagnanovanao soa taminah, satria tsy namono enah enao laha nanin'i Yaveh tatagnanao gne vatako. ¹⁹ Fa laha misy lelah mahita gne fahavalony, da handefa anazy am-piadana me izy? Yaveh ro gne hamaly soa anao amin'izay vitanao taminah tandroany. ²⁰ Amizao fotoa izao, fantako fa ho mpanjaka marigny enao ary ho apetraky eo am-pelatagnanao gne fanjakan'Israely. ²¹ Nagnano voady aminah am'i Yaveh fa tsy hamongotry gne taranakiko mandimby enah enao, ary tsy hamotiky gnagnarako hiala ame tragnon’iabako." ²² Noho iza da nagnano voady tam’i Saoly i Davida. Avy eo da nandeha nody i Saoly, fa i Davida sy gne koraony koa nandeha niakatry tagne ame ferova mafy.