¹ Ary i Saoly nizaka tam’i Jonatana zanakiny lelah sy tame mpanompo enazy gne tokony hamonoandreo an'i Davida. Kanefa i Jonatana, zanak'i Saoly, da tia an'i Davida dato. ² Da hoy i Jonatana tam’i Davida se: "ta hamono enao i Saoly iabako abara. Noho iza da membena ame marandray ary mifinia amin'gne toera mangingy. ³ Iah hijotso hitsanga tagnilan'iabako tatonda izay misy enao, ary hikora e mikasiky enao am’iabako iah. Laha mahafantatry raha iah, da hozakaiko enao." ⁴ Nikora marigny en'i Davida tam’i Saoly iabany i Jonatana ka hoy izy taminazy se: "Da tandremo tsy hanota am'i Davida mpanompo enazy gne mpanjaka. Fa tsy nanota taminao izy, ary nagnome raha tsara anao lotry gn’asany. ⁵ Fa izy efa nagnano gne vatany tsy misy dikany da namono gne Filistina. I Yaveh efa ninday fandrese zakabe ho an'Israely aby. Nahita eniza enao da faly. Ino gnantony hampanota sady hampanohitry gne rà tsy manan-tsigny ame famonoa an'i Davida tsy ahoa tsy ahoa enao?" ⁶ Niteno en'i Jonatana i Saoly. Da nagnano voady hoe: "Laha ambola velo evakoa i Yaveh, da tsy hovonoy izy." ⁷ Da nangaiky en'i Davida i Jonatana, ary nozakainy tam’i Davida iza raha aby za. Nindesin’i Jonatana tam'i Saoly i Davida, ary tame fagnatrehany akoigne taloha indraiky izy. ⁸ Ary nisy ady indraiky, da nijotso hiady amin'gne Filistina i Davida ka da nandresy endreo tame famonoa zakabe. Da nilefa tagnatrehany indreo. ⁹ Avy tam’i Saoly gne fagnah ratsy avy tam'i Yaveh laha nidoboky tandranony nindray tame lefo tatagnany izy, ary laha nitendry zava-magneno igne i Davida. ¹⁰ Ary i Saoly nagnoatry nikendry an'i Davida tame rindry tame lefony, kanefa nilefa gne fagnatrehan'i Saoly izy, ka natsatok'i Saoly tame rindry gne lefo. Nitsoky i Davida ary afa-nilefa tame tariva igne. ¹¹ Nandefa iraky tandragnon’i Davida ba hagnety enazy ba hahafahany mamono enazy i Saoly tame narandray. I Mikala, vadin'i Davida, niroho enazy hoe: "Laha tsy mamonjy gne vatanao androany ariva anao, da hovonoy enao homaray." ¹² Napetrak'i Mikala hidigny tame varavarankidy i Davida. Da lasa nitsoky dato izy, ary afaky nilefa. ¹³ Nangala sampy tandragnony i Mikala da nagnapetraky eniza tame fandria. Ary nangala onda volon'osy izy ka napetrakiny tame lohany, ary norakofany siky iza. ¹⁴ Laha nandefa iraky ba hangala an'i Davida i Saoly, da hoy izy se: "Mana tretre izy." ¹⁵ Da nandefa iraky ba hagnety en'i Davida indraiky i Saoly, ka hoy izy se: "Hindeso miakatry aty amina ame fandria izy, ba hahafahako mamono enazy." ¹⁶ Laha niditry gne iraky, da avy, gne sampy tandragnony gne lasa tame fandria sy gn’onda volon'osy ame lohany. ¹⁷ Da hoy i Saoly tam’i Mikala se: "Nagnino enao mamitak’enah ka nagneky gne fahavaloko handeha, ka da afaky nilefa izy?" i Mikala da namaly en'i Saoly hoe: "Hoy izy tamina se, 'Apetray iah handeha. Nagnino iah gne hamono enao?'" ¹⁸ Ary nitsoky sy afaky nilefa i Davida, da niroso tam'i Samoela tagne Rama ka nikora taminazy gne raha aby namboarin’i Saoly taminazy. Da nandeha izy am’i Samoela ka nipetraky tagne Naiota. ¹⁹ Nisy nagnambara tam’i Saoly iza, magnano hoe: "Igny, tao Naiota agne Rama i Davida." ²⁰ Da nandefa iraky hisambotry en'i Davida i Saoly. Laha nahita gne naman'gne mpaminany naminany indreo, ary i Samoela nijoro ho lehibendreo, gne fagnahin'Andriamanitry avy tame irak'i Saoly, da naminany koa indreo. ²¹ Lefa nikoragna eniza i Saoly, da nandefa iraky hafa izy, ary naminagne ihagne koa indreo. Ary nandefa iraka fanintelogne indray i Saoly, ka namininany evakoa. ²² Da niroso tagny Rama koa izy ary avy tame lava-drano te Seko. Nagnontany izy hoe: "Aia i Samoela sy i Davida?" Nisy olo nizaka hoe: "Igny, ao Naiota agne Rama indreo." ²³ Nandeha tagny Naiota agne Rama i Saoly. Da avy taminazy evakoa fagnahin'i Yaveh, ka naminany tegne am-pandehana mandra-pevisany tagne Naiota tagne Rama izy. ²⁴ Nangala gne rahisikiny izy ary naminany tagnatrehan'i Samoela. Nitanjaky nandritry gn’andro sy gne ariva aby izy. Iza gn’antony nagnontaniandreo hoe: "Isane mpaminany evakoa me i Saoly?"