¹ Da hoy i Yaveh tam'i Samoela se: "Ovia gne farany andalanao en’i Saoly , satria tsy nekeko ho mpanjaka heran’ Israely izy? Fenoy menaky an-doha gne tandrokinao da mandihana. Hirako am'i Jese avy tagny Betlehema enao, f’efa nifidy mpanjaka tame zanany lelah iah." ² Da hoy i Samoela se: "Akoignaia gn’andehanako? Laha mahare eniza i Saoly, da ho vonoy iah." Hoy i Yaveh se: "Mitondrà aombivavy kidikidy miaraky aminao da zakay hoe: 'Avy hagnano soro hoan'i Yaveh iah.' ³ Angio agnety gne soro i Jese, da ambarako enao gnaninao. Hagnosotry gne raiky nozakaiko taminao iah." ⁴ Nagnano e raha nozakain'i Yaveh i Samoela sy nandeha tagny Betlehema. Natahatry gne lonaky tame tanà lefa nifanozo indreo da nizaka hoe: "Hifampihava amizay enareo?" ⁵ Da namaly izy hoe: "Hihava; avy hagnano soro ho an'i Yaveh iah. Miomàgna enareo hadigniky gne tegnanareo sady hindray aminaha ame fagnamboara gne soro." Da natokan'i Jese sy gne zanany lelah nagnabara tamindreo andeha ame soro. ⁶ Laha avy indreo, da nagnety en'i Eliaba izy sy nizaka raiky hoe nitsanga nagnoloa anazy tokotry gne vaositr'i Yaveh. Nefa hoy i Yaveh tam'i Samoela se: "Ka magnety gne tareny ivelany, na gne halavany gne fitsaganany; satria defa tsy nagneky enazy iah. ⁷ Fa i Yaveh da tsy magnety akoigne fagnitene gn’olombelo; gn’olombelo magnety gnendriky ambadiky, fa i Yaveh da magnety gnatrokin’olo dato." ⁸ Laha avy teo da nampagnaiky en'i Abinadaba i Jese sy nampandeha enazy akatrefan 'i Samoela. Da hoy i Samoela se: "Tsy nisafidy en’io Yaveh." ⁹ Laha avy teo da nampandeha en'i Sama i Jese, da hoy i Samoela se: "Tsy nisafidy en'io Yaveh." ¹⁰ Nampandeha en'i Jese takatrefan'i Samoela gne zanany fito lah. Da hoy i Samoela tam'i Jese se: "Tsy nisafidy en'ia ndre ia tamindreo i Yaveh." ¹¹ Da hoy i Samoela tam'i Jese se: "Atoa gn’aby gne zananao lelah ?" Namaly izy hoe: "Mboa misy zanako faralah tavela agny, fa miandr’ondry." Hoy i Samoela tam'i Jese hoe: "Mandihana alay aty gne zanakao zany; satria tsy hidoboky itsika mandrampahaviny etoa." ¹² Nandeha i Jese da netiny niditra io korao io da mena volo sy bala maso ary tsara fitsangana. Hoy i Yaveh se: "Mitsangàna, hosoro izy; fa izy io." ¹³ Da nalain'i Samoela gne tandroky misy gne menakadoha da nosorany tategnategnane rahalany teo. Nilatsaky tam'i Davida gne fagnan'i Yaveh tam'iza andro za. La avy teo da nitsanga i Samoela da nandeha tagny Rama. ¹⁴ Ary niala tam'i Saoly gne fagnan'i Yaveh, ka nisy fagnah ratsy avy Tam'i Yaveh nampitahatry enazy. ¹⁵ Hoy indreo mpiasan'i Saoly taminazy se: "Indro, misy fagnah ratsy avy ame gn'Andriamanitry mampitahatry enao. ¹⁶ Aoky gne tomponay handidy gne mpiasanao takatrefanao ba hitady lelah raiky mahay lokanga. Ary lefa teo aminao gne fagnahy ratsy avy tamin'Andriamanitry, da hitendry iza izy ary ho tsara enao." ¹⁷ Hoy i Saoly tamindreo mpiasany se: "Hitadiavo lelah afaky mitendry tsara iah da eto atiky." ¹⁸ Da namaly gne raiky tame korao, da nagnano hoe: "Efa nahita gne zanak'i Jese lelah ao Betlehemita iah, da tena mahay mitendry, matanjaky, lelah be matajan-droky, lelah mahay miady, mahay mandahatry roho, zatovolah; ary matoky en’ Yaveh." ¹⁹ Da nampindahy hafatry tagny am'i Jese i Saoly, ary nizaka hoe: "Alefaso aminaha aty i Davida zanakao lelah, miaraky ame gn’ondriny." ²⁰ Nangala boriky raiky nitatitry mofo, divay sehoa raiky, sy zanak'osy i Jese, ary nalefany niaraky tam'i Davida zanany lelah ho agny am'i Saoly. ²¹ La avy teo da avy tam'i Saoly i Davida ary nanomboky gny fanompoany. Tian'i Saoly lotry izy, da nanjary mpindahy gne fediany. ²² Nagniraky en'i Jese i Saoly nagnano hoe: "Aoky i Davida hitsanga akatrefako, satria nahita fitiava tame masoko izy." ²³ Laha avy tam'i Saoly gne fagnah ratsy tame gn'Andriamanitry, da nagnala gne lokanga i Davida ary nitendry eniza. Da velombelo sy netsatsaky i Saoly, da niala taminazy gne fagnahy ratsy.