¹ Telopolo tao i Saoly gne namototry nanjaka; lefa nanjaka efapolo tao tame gn'Israely izy, ² da nifidy lelah telo arivo tame gn'Israely. Roa arivo gne nindray tame tagny Mikmasy sy tagny ame gnambonine tanàn'i Betela, laha gne arivo kosa nindray tam’i Jonatana tagny Gibean'i Benjamina. Gne miaramila sisa tavela da nalefany nody, gne lelah tsikiraikiraiky samby ho agny an-dainy aby. ³ Naharesy gne tobine miaramilan'igne Filistina i Jonatana gne tagny Geba ary nahare eniza gne Filistina. Da nitsotry trompetra nagnera tany i Saoly, nizaka hoe: "Ao ba ahare amizay gn’Hebreo." ⁴ Rene gn’Israely aby fa i Saoly da naharesy gne miaramilan'igne Filistina, ary gne Israely evakoa da re fa hoavy hoane Filistina. Ary gne miaramila da nampentsoy ba hitambatry hagnaraky en'i Saoly agny Gilgala. ⁵ Niray nitambatry gne Filistina ba hiady hanohitry gn’Israely: kalesy telo arivo, lelah enina arivo hinday gne kalesy, ary antoko maro isakarazany sady tsy tambo isay akoigne fasiky amoron-dranomasy io. Niakatry indreo ary nitoby tagny Mikmasy, atsignanan'i Betavena. ⁶ Lefa hitane lelahin'Israely fa nikorota indreo—fa ory gne vahoky, da nifiny tame zohy, tagnatine gn'ala be, tame pelapelam-bato, tame famorian-drano, ary tagnaty lavaky gne vahoky. ⁷ Gne sasany tamindreo Hebreo nitsaky en'i Jordana ho agny ame tanin'i Gada sy Gileada. Fa i Saoly tamiza da ambola tagny Gilgala, ary gne vahoky aby nagnaraky enazy tame fo feno tahatatry sady nangitakitaky. ⁸ Nodiasa nandritrine fito andro izy, gne fotoa nomen'i Samoela. Fa Samoela tsy avy tagny Gilgala, ary gne vahoky da niparitaky niala tam'i Saoly. ⁹ Hoy Saoly se: "Ento amina aty gne fagnatitry oroa sy gne fagnatitry hoane fihavana." Da natolotriny gne fagnatitry oroa. ¹⁰ Igny vatolotriny igny gne fagnatitry oroa da avy i Samoela. Nijotso nitsena sady nialahaba anazy i Saoly. ¹¹ Ary hoy i Samoela se: "Ino gne raha naninao?" Da namaly i Saoly hoe: "Lefa hitako fa niala tamina gne vahoky, ary tsy avy tamina tame fotoa nifagnomeza enao, ary gne Filistina defa niangona tagny Mikmasy, ¹² da hoy iah se: 'Amizao gne Filistina da hidigny hanohitry ena ao Gilgala, ary iah tsy nitady gne fankasitrahan'i Yaveh.' Da nanery gne vatako hagnome gne fagnatitry oroa iah." ¹³ Ary hoy i Samoela tam’i Saoly se: "Nagnano sary mola anao. Tsy nitandry gne didin'i Yaveh Andriamanitry izay nomeny enao enao. Fa taia gne nagnapetrahan’i Yaveh gne fandidihanao em'Israely tsy mana fahataperany. ¹⁴ Fa amizao sa abako da tsy hitohy gne fandidihanao. Nitadia lelah raiky tame fony evao i Yaveh, ary i Yaveh nanendry enazy ho andria tame vahokiny, satria tsy nagneky gne nandidiany enao enao." ¹⁵ Avy teo da nandeha i Samoela ka niakatry avy tagne Gilgala ho agny Gibean’igne Benjamina. Ary i Saoly da nagnisa gne vahoky avy nindray taminazy teo, teo ho eo ame gn’enin-jato lah teo. ¹⁶ Saoly, i Jonatana zanany lelah, ary gne vahoky avy nindray tamindreo, da nipetraky tao Gibean'igne Benjamina. Fa gne Filistina kosa da nitoby tagny Mikmasy. ¹⁷ Nijotso avy tame tobine Filistina tame vondro telo ne mpanafiky. Gne vondro raiky da lasa tagny Ofra, agny ame tanin'i Soala. ¹⁸ Gne vondro raiky hafa da lasa tagny Beti-horona, ary gne vondro raiky hafa koa da lasa tagny ame sisin-tany gne hahita gne Lohasahan'i Zeboima magnatriky gne tagny an’efitra. ¹⁹ Tsy nahita mpanefy nagnera gne Israely aby, satria hoy gne Filistina: "Laha tsy iza gne Hebreo da hagnano sabatra na lefona ho andreo." ²⁰ Fa gne lelah ne gn'Israely aby da efa zatry nidigny tagny ame Filistina, gne tsikiraikiraiky ba handragnitry gne lelam-pangadiny, gne fihadian-taniny, gne famakiny, ary gne antsimbilony. ²¹ Gne sarany da roy ampahatelone sekely gne lelam-pangady, sy gne fihadian-tany, ary raiky ampahatelone sekely gne fandragnita gne famaky sy gne fagnitsia gne fandrangita. ²² Da tame gn’androne gn’ady, da tsy nahita sabatry na lefo tatagnane miaramila nindray tam’i Saoly sy Jonatana; i Saoly sy Jonatana zanany evao gne nana an'iza. ²³ Gne miaramilane Filistina da nijotso negname lalan'i Mikmasy.