¹ Inao longo mamy, ko iantofagne ze hene fagnahy. Fa ie, magnohara ze fagnahy mba hahatrea fa boake aman'Andrianagnahare iareo, satria mpitoky mpieva lako ro hihalavitse ze kila raha. ² Amizay ro hahafohigna areo te fagnahin'Andianagnahare ze hene fagnahy miantoke fa i Jesosy Kristy nanjare nofotse ro boake aman'Andrianagnahare, ³ naho ze fagnahy iaby ro tsy miantoke fa tsy boake aman'Andrianagnahare ty Jesosy. Le izay ro fagnahy pandietse Kristy, le fa rey areo te ho avy, naho le anito avao le fa an-tane etoy. [Fagnamarihagne: misy dikan-drehake taolo vakiegne manao izao: " Ara ze fagnahy le tsy miantoke fa i Jesosy nanjare o nofotse le tsy hirike aman'Andrianagnahare. Le izay ty fagnahy ty mpanohetse Kristy, e zao fa rey areo fa ho avy, naho le anito le fa an-tane etoy.] ⁴ A nareo le boake aman'Andrianagnahare, ry anake teako, naho le fa nandresy aze iareo, satria raike tama areo ao oy le bey mandako ze raike ama ze kila raha etoy zay. ⁵ Iareo le boake ama ze kila raha, manao izao le ze hene raha volagne iareo le boake ama ze kila raha, naho le mitsanogne aze aby ze hene raha. ⁶ Boake aman'Andrianagnahare tika. Ze mahafantatse Andriatompo le maharey antika. Fa Ie tsy hirike aman'Andrianagnahare le tsy maharey antika. Amizay ty ro hahafohignantika ty fagnahy fagnamaregnagne naho ty fagnahim-pahadisoagne. ⁷ Ry longo mamy, ndao tika hifankatea, fa boake aman'Andrianagnhare ty hatea, naho ze tea iaby le nasaman'Andrianagnahare naho le mahafantatse Aze. ⁸ Tsy mahafantatse anan'Andrianagnahare ze ndaty tsy tea , satria ty Andrianagnahare le fiteavagne. ⁹ Manao izao ty hatean'Andrianagnahare le nambara tamantika, fa Andrianagnahare le nagnirake ty Anadahie bakotokagne ho ei ze kila raha mba ho velogne mandako Aze tika. ¹⁰ Ty agnama ze hatea zay ao, tsy ty nihateantika an'Andrianagnahare, fa ty fikokoa e antika, naho ty nagnirake ty Anadahie e ho fagnahagne ty hakeontika. ¹¹ Ry longo mamy, naho lako hatea antika ty andrianagnahare, le tokoe hifankatea ka tika. ¹² Mbe liae tsy nisy ty nahatrea an'Andrianagnahare. Fa naho mifankatea tika, le mitoetse amantika ao ty Andrianagnahare naho le ho lefe amantika ty hatea e. ¹³ Amizay ro hahafantarantika fa mitoetse amae ao tika naho le amantika ao ka reke, satria reke le magnomey antika t' ila ty Fagnahaie. ¹⁴ A ie zao ama, le fa nahatrea ka tika naho le fa niantoke ho voavolombelogne fa nagnirake ty Anadahie e ty Rae ho Mpagnaha ze kila raha. ¹⁵ Ndre ia ndre ia naho miantoke fa Andahin'Andrianagnahare ty Jesosy, le mitoetse ama ao ty Andrianagnahare naho aman'Andrianagnahare ao ka reke. ¹⁶ Itika ka le mahafantatse naho le mino ty fiteavagne fa nanagnan'Andrinagnahare ho antika. Andrianagnahare le fteavagne, ara le ze raike mitoetse ama ze fitiavagne zay le mitoetse aman'Andrianagnahare ao, naho le mitoetse ama ao ka ty Andrianagnahare. ¹⁷ Naho izay aré, ze hatea zay ro nilefesegne tamantika, mba hanagnantika fantokisagne amy ty andro fitsaragne, satria manahake Aze, le hoe izay avao ka tika ama ty tane toy etoy. ¹⁸ Tsy misy tahotse ama ty hatea ao. Fe ie, ze hatea vata e le magnafake tahotse, satria o tahotseo le mahay tsy mindre amo saze eo. Fa ze raike matahotse zay le tsy natao ho lefe ama ty hatea. ¹⁹ Tea tika satria le nitea antika ka ty Andrianagnahare laha tamboaloha e. ²⁰ Naho misy ndaty mirehake tihoeke te: " Teako ty Andrianagnahare" fe ie malaigne androahalahie e, le mpavande reke. Fa ze raike tsy tea ty roahalahie e, ze trea e, le tsy hahay hitea an'Andrianagnahare, tsy trea e zay. ²¹ Naho, toe le izay ka ty lily nanagnantika boake ama e: ndre ia ndre ia tea an'Andrianagnahare le mahay tsy ho tea ty roahalahie avao ka.