¹ Ingo manahake ty inogne ty ty fitiavagne nomey ty Rae antika, mba hitokavagne antika te ie anan'Andrianagnahare, ara le itika zay. Naho ze antoe zay, le tsy mahafantatse antika ze kila raha, satria izay ka ty mahafantatse aze. [Fagnamarihagne: Ty dikan-drehake taolo tsy magnisy tihoeke:" le izay ka tika."] ² Ry longo mamy, anak'Andrianagnahare tika te anito, naho izay le mbe tsy nambara ka te ie inogne ty tahafen-tika. Itika le mahafantatse fa naho miboake ty Kristy, le manahake Aze tika, satria hahatrea Aze manahake Aze tika. ³ O maro managne ze fahatokisagne zay momba ty ho avy mifototse amae zay le magnalio ty tegna e mba halio manahake Aze. ⁴ Ze maro magnota zay iaby le tsy manao ara-dily; fa ty fahotagne le tsy ara-dily. ⁵ Inareo le mahafantatse fa i Kristy le magnombara mba hagnalio ty hakeo, naho le ze amae ao le tsy misy hakeo. ⁶ Tsy misy ndaty mitoetse ama e ao naho le mbe hòta hatramparae. Tsy misy ndaty nahatrea aze na nafantatse aze naho le mbe niota. ⁷ Ry anake teako, ko engagne hisy ndaty hamitake anareo. Ze raike manao ty hamaregnagne le maregne, mahake ty maha maregne i Kristy. ⁸ Fa ze niota raike le boake aman-drekoko, naho toe le rekoko avao ka ty niota laha tamboalohae. Naho le izay ty foto e nampiboahagne ty Anak'Andrianagnahare, mba hahaiae manimba ze asan-drekoko. ⁹ Ndre ia ndre ia nasaman'Andrianagnahare le tsy nitonjohizae ty fahotagne satria ty voa boake aman'Andrianagnahare le mitoietse amae ao. Tsy afake manonjohy ty fahontagne reke satria nasaman'Andrianagnahare. ¹⁰ Le amizay ao ty hampiboaha iareo ty anak'Andrianagnahare naho ze anan-drekoko. Ndre ia ndre ia tsy manao ty maregne le tsy boake aman'Andrianagnahare; ndra ze raike tsy tea ty rahalahie aza. ¹¹ Fa izay hafatse zay fa nirey areo laha tamboalohae: fa tokoe hifankatea tika, ¹² fa tsy hanahake i Kaina, boake ama ty raty naho le mamono ty roahalahie. Inogneo namonoa e aze eo? satria raty ze asa e, naho le ty an-droahalahie le maregne. ¹³ Ko daba, ry rahalahiko, naho jehe o tane eo nareo. ¹⁴ Fa haintika fa faniala ama ty havilasy ho ama ty fiaignagne tika, satria teantika o roahalahie eo. Naho ze tsy tea le mitoetse ama ty havilasy zay. Mpamono ndaty ze malaigne ty rahalahie. ¹⁵ Fa fanta areo fa tsy misy mpamono ndaty manan-kavelogne hatramparae le mitoetse ama ao. ¹⁶ Amizay ro hahafantarantika ty hatea, satria Kristy le nanolo-batagne ho antika. Ndra itika ka le tokoe hanolotse ty aintika hoe iareo rahalahy. ¹⁷ Fa ndra ia ndra ia managne ze kila hareagne antagne toy, le mahatrea ty hasahira ty roahalahie, naho le magnily ty fo hiferenaigne aze, amy ty fomba manao akore ty hipetraha ty hatean'Andrianagnahare ama ao? ¹⁸ Nareo anako teako, asao tika tsy hitea an-drehake na am-bava avao, fa amy ty asa naho ty fahamaregnagne. ¹⁹ Izay ty nihirifa ty hahafantarantika faboake ama ty fahamaregnagne tika, naho le mampitamae ty fontika aloha eo tika. ²⁰ Fa naho magnameloke antika ty fon-tika, bey naho ty arofon-tika ty Andrianagnahare, naho le mahafohigne ze kila raha iaby Reke. ²¹ Ry mamiko, naho tsy boseke amantika ty fon-tika, le manam-pahatokisagne amin'Andrianagnahare tika. ²² Ndre ino ndra ino angatahentika ama e le ho azontika, satria ambenan-tika ze lilie naho le manao zotoe aloha eo. ²³ Izao ty lilie: tokoe mino ty tahina ty Anae Jesosy Kristy naho le mifankatea tika, manahake ty fanagnomezae antika ze lily zay. ²⁴ Le ze raike mitagne ty lilin'Andrianagnahare le mitoetse ama ao, naho le mitoetse ama e ka ty Andrianagnahare. Amizay ro hahafohignantika fa mitoetse ao amantika ao ka reke, ama ty Fagnahy nimey antika.