¹ Anake, manoratse ty raha rey toa raho tsy hagnota areo. Fe ie naho misy magnota, Managne mpisolo vava raike ama ty Rae, Jesosy Kristy tika, ie ro maregne. ² Ie ty mpagnavotse ty hakeon-tika, naho le tsy ty antika avao, fa ndre ze kila raha iaby ka. ³ Amy izay ty amantaran-tika fa mahafantatse Aze tika: naho miambgne ze lili'e. ⁴ Ze mirehake te ie: " Mahafantatse an' Andrianagnahare raho" fa ie tsy miambegne ze lili'e, le mpandagnitse, ara le tsy amae ao ty maregne. ⁵ Fa ndre ia ndre ia miambegne ty saontsy e, maregne vata e, le ama ze ndaty zay ao ty nilefesa ty fitean' Andrianagnahare. Amy izay ty ahafohignan-tika fa amae ao tika. ⁶ Fa iraike mirehake te mitoetse aman' Andrianagnahare ao oy le tokoe handeha avao ka reke hanahake ty nagnaveloa i Jesosy Kristy. ⁷ Ry longomamy, tsy nanoratse lily vaovao ho anareo raho, fa ze lily ntaolo fa nanagna areo hatram-boaloha e. Ty lily ntaolo le ze rehake nirey areo. ⁸ Fa nanoratse ty lily vaovao ho anareo raho, le ze maregne ama Krity ao naho ama areo ao. Satria ty haiegne mandriogne, fa ty fahazavagne vata e ro le mipasà. ⁹ Fa ze raike mirehake te ama ty mazava ao reke naho malaigne ty roahalahie le mbe agnate maiegne reke henane zao. ¹⁰ Fa ze raike tea ty roahalahie le mitoetse agnate ty mazava naho le tsy hisy fotoagne hahatafitohigne aze. ¹¹ Fa ze raike tsy tea ty roahalahie agnate ty maigne ao le mbe mandeha ama ty maiegne avao , naho le tsy mahafantatse ze hombae reke, satria o hiegneo ty fa nahagoa ty masoe. ¹² ratse ho anareo raho, ry anake mamy, satria ze fahotaareo le fa hinahae ama ty tahinae. ¹³ Manoratse ho anareo raho, ry Rae, satria fa fohy areo ireke ro boake ama ty fanombohagne. Manoratse ho anareo raho, ry zatovo, satria niliere areo ty raty. Fa fanoratse ho anareo avao ka raho, ry ajaja malineke, satria nareo le mahafantatse ty Rae. ¹⁴ Fa nanoratse ho anareo raho, ry rae, satria fa fohy areo ireke ro boake ama ty fanombohagne. Fa nanoratse ho anareo raho, ry zatovo, fa mafe nareo, naho le mitoetse ama areo ty saotsin'Andrianagnahare, ara le fa nandietse ty raty ka nareo. ¹⁵ Ko teagne na ze kila raha antane naho ze hene raha amae. Naho misy tea ze hene raha, le amae ao ty hatea ty Rae. ¹⁶ Fa ze kila raha ama ze hene raha tane le paia ty onofotse, paia ty maso, naho le mieboebo ty fiaigne fe ie le tsy hirike ama ty Rae fa boake ama ze kila tane. ¹⁷ Ze kila raha naho ze firiritagne le mandriogne. Fa ndre ia ndre ia manao ty zoton'Andrinagnahare le hitoetse hatra amparae. ¹⁸ O riety, izao ty lera farae. Nanahake ty fa nirey areo fa ho avy ty mpanohetse i Kristy, mareo iareo mpanohetse i Kristy naho le fa avy amizao. Amizay ty ahafohignan-tika fa itoy ty lera farae. ¹⁹ Nisintaha iareo tika, fe ie hirike amantika. Fa naho tamantika iareo le nitoetse niharo amantika. Fa naho fa nisintake iareo, le naboae te ie tsy tamantika. ²⁰ Fa managne fagnosoragne hirike ama ty Rae Masigne nareo, naho le ho fantaareo iaby ty maregne. [Fagnamarihagne: misy dikan-drehake ilae naho vakigne manao izao: " Managne ze kila fahalalagne nareo." Fa dikan-drehake ntaolo ka le vakiegne manao tihoeke te: " naho le ho fanta'areo ze kila raha."] ²¹ Tsy nanarotse ho anareo raho satria nareo tsy mahafantatse ty maregne, satria fantaareo zay naho le tsy misy vande boake ama ty maregne. ²² Ia ro mpanadagnitse naho tsy ze mandietse fa i Jesosy ro Kristy? Ze ndaty zay ro mapanohetse Kristy, naho fa mandietse ty Rae naho ty Anake reke. ²³ Tsy ndaty handietse ty Anake naho managne ty Rae. Ndre ia ndre ia magneke ty Anake avao ka le managne ty Rae. ²⁴ Fa ho anareo, asao ze nirey areo laha tamboahae le hitoetse ama areo ao. Naho ze nierey areo hatra ama ty nanombohae ro mitoetse ama areo ao, le hitoetse ama ty Anake naho ama ty Rae avao ka nareo. ²⁵ Izay ty fampitamaegne nimey antika: le ty fiaignagne hatramparae. ²⁶ Fa nanoratse ze raha zay ho anareo raho momba ty ze hinday anareo ama ty lalan-tsie. ²⁷ Fa ho anareo, ze hosotse rinaeareo boake ama zay le hitoetse ama areo, naho le tsy hipay ndaty hagnanatse anareo ka nareo. Fa nanahake ty nagnanara ty fagnosoragne anareo ze kila raha le tò tsy misy vande, naho le manahake ty fa nagnanara izay anareo, le mipetraha Amae ao. ²⁸ Amizao, ry anake mamy, mipetraha amae ao, naho mba fa avy Reke, le hanam-pahasahiagne tika naho le tsy ho megnatse ty agnatrehaeo ama ty fiavie. ²⁹ Naho fantaareo fa ie ro maregne, fantaareo ezao fa ze manao ty mete le terake tamae.