1 Miantsa, nareo ampela mikasike, inareo ze tsy niterake; mifalea amity antsa mpifalea vaho mikoraha mafe, inareo ze tsy mba nihetse jaza. Fa ty ana ty mpinday vata le maro vatane naho ty ana ty ampela manambaly, hoe ty Yaveh. 2 Anovo bevata kea ty tagnanareo vaho avelaro ty ambain daenareo, velaro soa; halavao ty talinareo vaho hanafeso ty tsota ketae nareo. 3 Fa hiale ankavana agne naho ankavia agne nareo, vaho taranagnareo reo le handrese firene reo vaho hitoboke amy tana maike reo. 4 Ko matahotse fa tsy ho megnatse nareo, na kivy fa tsy ho salabaraka nareo; hagnaligno ty hegna ty hatanoranareo naho ty fahafaham-baraka ty fagnega anareo nareo. 5 Fa iaze Mpihare anareo oy ro valignareo; Yaveh Tompo ty maro ro agnarane. Iaze Rae Masy gn'Israely ro Mpagnavotse anareo; Ire le kaihe tihoe Zagnahare ty tane iaby. 6 Fa Yaveh fa nagnare kaike anareo hanahake ty valy ze nenganareo naho malahelo ampagnahy, manahake ty ampela nanambaly tanora vaho nariane, "hoe ty Zagnaharenareo. 7 Fa nagnary anareo zisike ty andro fohe raho, fa amity feregnay bevata ro hamoriako anareo. 8 Tsiela tsiela avao ro naminiako ty tareheko taminareo tamity sikilone ty siake; fa amity fagnekea mafe tsy misy mpijanognane ro hiferegnaisako anareo-hoe ty Yaveh, iaze raike ze magnavotse anareo oy. 9 Fa izao le manahake ty sikilone Noa Amiko; manahake ty nifantako fa ty sikilone Noa le tsy handrio amity tane sasy, ro hifantako fa tsy ho meloke aminareo na hivola mafe anareo raho. 10 Na hitonta aza vohitse reo na kea hihozongozo aza haboa reo, ty fiteako tsy miova kea le tsy hivio aminareo, na ty fiadagnako mafe ho voahozongozo-hoe ty Yaveh, ze mitsetse anareo. 11 Inareo Osa, aviombio ty talio naho tsy mana fionogna, ingo, hanoeko amity vatosoa ty rarivatgnareo, vaho amity safira ro hampipohako ty fotognareo. 12 Hanoeko robina tilikambonareo reo vaho mamiratse ty vavahady nareo, vaho ty lakoronareo ambalike amity vato soa tarehe agne. 13 Le Yaveh ro hagnanatse anagnareo iaby reo; vaho ho bevata ty fiadagna anagnareo reo. 14 Amity fahitia ro hagneregnako anareo amity nataone. Tsy hiay fagnejeha sasy nareo, la tsy hatahotse nareo, vaho tsy hisy ndra ino ndra ino mampatahotse ho avy agnilanareo eo. 15 Ingo, laha misy ndaty mitarike koronta, le tsy bakamiko zay; ndra ia ndra ia mitarike koronta aminareo eo le ho tonta amity harese. 16 Ingo, fa nahare mpanao sata tagna, ze mitioke ty vae nafo mirehetse naho manefe fiasam pialia avao raho, vaho fa nahare ty mpamoteke hamoteke raho. 17 Tsy misy fiasa mpialia ze finoro handiera anareo haharese, vaho inareo le haganameloke ze iaby manara anareo. Izay ro lova mpanompo Yaveh reo, vaho ty fahitia gniereo bakamiko-izay ro fitalilia gn'Yaveh."