1 "Avia, nareo iaby ze maeakeake, mandehana Mbamo rano mbeo, vaho inareo ze tsy manan bola, avia, mivilia vaho mihinana! Avia, mivilia divae naho ronono tsy andoavam bola sady tsy misy viline. 2 Nanao akore nareo ro mandanja volafoty ho amy ze tsy mofo, vaho nanao akore nareo ro miasa mafe amy ze tsy mahafa po anareo? Njigno soa raho ka mihinana ze soa, vaho amity havondraha ro ho tea ty fianareo. 3 Atokilagno ty sofignareo vaho magnatogna amiko atoy! Minjajigna, le ho velo nareo. Hanao fagnekea zisika aminareo agne raho: ty Tokieko, fitea mafe nampagnatena andre Davida. 4 Ingo, fa nanoeko amity pilasine manahake ty vavolombelo ho ahy firene reo re, manahake ty mpitarike naho mpandily ho ahy ty vahoake. 5 Ingo, hikaike ty firene ze tsy hainareo nareo; vaho ty firene ze tsy nahae anareo ro hilay ho aminareo agne naho Yaveh Zagnaharenareo, iaze masy Israely, ze fa nagnomey hasy ho anareo oy." 6 Mila ani Yaveh amy ie mboe hisake eo; mikaiha aze amy ie mboe marikitseo. Ao hiala amity lalane ty raty fagnahy, vaho ty mpadiso hiala amity dinene. 7 Ao re hihere amy Yaveh, le hiferegnay aze re, vaho Zagnahare ntika, ze hagnega vatane aze. 8 Fa ty heveko tsy hevegnareo, na ty lalagnareo tsy lalako-izay ro fitalilia Yaveh- 9 Fa hanahake ty haabo ty lagnitse ze abo vatane naho ty tane, ro haabo ty lalako kea naho ty lalagnareo, vaho ty heveko mihoatse naho ty hevegnareo. 10 Fa manahake ty ora naho ty havandra hipoke baka andagnitse egne ka tsy mihere egne laha tys hoe mameno ty tane reo vaho hamokatse naho hitimoke izay vaho hagnomey voa ho ahy ty mpambole ze mambole vaho mizara mofo ho ahy ty mpihina, 11 Kea ho aloa ty vavako avao kea ty tsara: tsy mba hihere amiko amity tsy misy dikane zay, feie izay ro hagnataterake ty irieko, vaho ho vagno reo ho amy ze nalefako ahy zay. 12 Fa hiboake am mpifalea nareo vaho hotarite am piadagna: vohitse reo naho ty haboa le ho vaky amity korake mpifalea agnatreaha gnareo eo, vaho ty hetae ty baibo le hiteha tagna. 13 Laha tokone ho lakoro fatike, le ty kipreso ro hitiry: vaho tokone fatike, le hetae Rota ro hitiry, vaho ho ahy Yaveh zay, fa ty agnarane , manahake ty famantara ze tsy ho tampake zisikagne.