1 Ia ro nino ze regne bakaminay, vaho tamy gnia ro nanehoa ty vata gn'Yaveh? 2 Fa nitombo manahake ty anan ketae madineke tagnoloa Yaveh eo re, vaho manahake ty timoke bakamity tane maike; tsy nana hasoantarehe mahavere na famirapiratse re; lahafa nahisake aze tika, le tsy nisy hasoa manaitse antika tegne. 3 Ire le tsy nasia dikane ro niliere ty ndaty; ndaty ty alahelo, vaho Zatre fijalea. Manahake iaze raike ze haminia ty ndaty ty tarehene, tsy nasia dikane re; vaho anoentika manahake ty tsy misy dikane. 4 Kanefa Ninday ty arentetika vatane re vaho niaretse ty alahelontika; fa nandineke tika tihoe finay Nagnahare re, nasia Nagnahare, vaho nampijale. 5 Fa tinomboke naho asa fivoriantika reo re; poteke naho hadisoa ntika reo re. Ty saze ty fiadagnatika le tamine eo, vaho tamy ferene reo ro hagnafake antika. 6 Itika iaby le manahake ty agnodry mandeha tamity lalan diso, sambe nandeha tamity lalane iaby tika, vaho Yaveh nampipoke ty hadisoantika iaby tamine eo. 7 Nampijale re, nefa lahafa nanolo bata re, le tsy nanokake ty vavane, tsy nanokake ty vavane manahake ty ana nagnodry ze tarite ho amity vono agne ; naho manahake ty agnodry mitsy magnoloa ty mpagnety aze re. 8 Tamity fanerea naho fitsara ro nanara aze; ia amo taranake eo ro mboe mandineke ty mikasike aze? Fa linany tamity tane ty velo re; naho reo fandikan dily ty ndatiko le nanoe tamine eo ty fagnafaiza. 9 Nanoe gniereo niarake tamy mpangalatse reo ty fasane, niarake tamy lahilahy manankanagnay ty fatene, ndra le tsy nanao hereloha aza re, na nisy fitake aza tambavane eo. 10 Fa sitrampo Yaveh ty hamoteke aze naho hagnarare aze. Lahafa nanoene ho soro ho ahy ty hadisoa ty aine, le hahisake ty fitofane re, hagnalava ty androne re, vaho ty tanjo Yaveh le ho vita amity agnarane. 11 Afara ty fijaleane tamity fiagnane eo, le hahisake hazava re vaho ho afa-po amity fahaiane. Iaze mpanompoko marey ro hagnamare ty maro; hinday ty hadisoa gniereo re. 12 Naho izay le hagnomey aze ty anjarane amy maro reo eo raho, vaho hizara ndevo reo amity maro re, satria nampibarebare ty vatane tamity fate re vaho nanoe ho ragne reo mpadikan dily. Ninday ty hadisoa ty maro re vaho nagnelagnela mpadikan dily reo.