1 Loza hoahy reo ze mindeha agne Egypta hipay famonjea vaho mitama amireo soavale, naho mita amireo kalese (fa maro reo) naho amireo mpitiki-tsoavalene( fa tsy voaisake iereo). Nefa tsy mba mitama Ty Masy Israely, na mipay Yaveh iereo! 2 Kanefa mare Re, naho hinday loza Re ka tsy hagnafoa reo rehane. Hitsanga handietre ty foko raty vaho handietre ty mpamonje reo ze manonta Re. 3 Ndaty Egypta fa tsy Zagnahare, nofo ty soavale iereo fa tsy fagnahy. Laha fa mamototre ty tagnane Yaveh, ty ndaty ze mamonje le ho tafintohy, naho ty ndaty ze vonje le ho tonta; sambe hiara-ho mate ie roe. 4 Zao ro safa Yaveh tamiko:" Manahake ty liona, na ty ana-diona, mitsero amity paiane, laha fa kaihe handietre zay ty mpiarake agnondry, le tsy hihovitre amity feo iereo zay, na hikisake amity kora iereo; le manahake zay ro hizotroa Yaveh Tompo ty maro hialy eo ambohitse Ziona, eo amize tazoa zay. 5 Manahake ty voro manomba, ro hiarova Yaveh Tompo ty maro Jerosalema; hiaro vaho hamonje Re laha mandrio eo amizay naho magnajary zay. 6 Miheregna amine ze le fa nihodignanareo mafe, ry vahoake Israely. 7 Fa amize andro zay ty kirai-kiraike iaby le hagnafake reo sampe volafotine vaho reo sampe volamenane ze natao ty tagnanareo avao tamim-pahadisoa. 8 Naho ty Asyriana ho lavo ty meso ze tsy mba ahy ty ndaty ro handrava aze. Le hilay ty meso re, naho ty ajalahine hampanoe fanompoa mafe. 9 Naho iereo le robake fatokia noho ty tahotre, naho reo mpandily aze hivalike arofo eo agnoloa ty fagneva Yaveh_ Izay le talily natao Yaveh_ Ze mana ty afone ao Ziona vaho ty fatane fagnoroa ao Jerosalema."