1 Andefaso agnombe aman'ose ty mpandily ty tane bakagne Sela agne agnefetre, zisikagne amity vohitse ty anakampela Ziona. 2 Manahake reo voro mpirererere, manahake reo akane mpitarike, ka ty valy Moaba le ho ao amity fitana agne amity rano i Arnona. 3 Magnomea dineke, aharo ty rarene, magnomea alokaloke manahake ty hale amity mitatao vovogna; hajario reo mpilay; ko mivalike reo mpilay. 4 Ao hitoboke eo aminareo iereo, ry mpilay-tana bakagne Moaba; mimetea ho toera fihaja ho ahy iereo amity mpamoteke." Fa hijano ty fampijalea, naho hitsahatre ty fandrava, reo ze nagnosehose le hanjavo amity tane. 5 Hatoboke amity fagnenkea matoky ty sezan-droandria; naho ty raike bakamity tragno Davida le hitoboke ao ampi-tokia. Hitsara manahake ty fipaia ty rarene re naho hanao hamarea. 6 Naharey ty avognavo Moaba zahay, ty reharehane, ty fihoa-bavane, naho ty helone. Fa ty reharehane le teo avao. 7 Ka mitoreova hoahy Moaba ty Moaba_Mitoreo ie iaby! Mandala hoahy ty ampembam-boaloboke Kira-haresa, riha ze rava vatane. 8 Nihamaike manahake reo voalobo Sibma reo baibo Hesboma. Ty mpandily amity firene le nagnosehose reo filiam-boaloboke te avy zisikagne Jazera naho nizara tagne agnefetre. Reo tahone niele tagne ambalike, nindeha magnera ty riake iereo. 9 Le hitagny miarake amy Jazera ho ahy reo voalobo Sibma vatane reho. Hanondrake anao amireo riako raho, ry Hesbona, vaho Elale. Fa teo amireo baibo voa lohatao vaho ty fihaza ro namaragnako reo koram-pifalea. 10 Nafaha tamity ala ty hetae fihinam-boa ty hafalea vaho firavoa; naho tsy misy antsa na korake ao amity tanem-boaloboke. Tsy hisy na ia ia handia divay ao amity fameaza, fa le fa najanoko reo korake ty raike ze mandia. 11 Ka miay manahake ty harpa ho ahy Moaba ty arofoko, naho ty ao agnateko ho ahy Kira Hareseta. 12 Laha fa mampiakanjo ty vatane agne amity toera agnabo i Moaba ka militre ty tempoly mba hivavake, le tsy hahalefe na ino ino ty vavane. 13 Zay ro talily ze nirehafe Yaveh mikasike Moaba taloha. 14 Mirehake ndraike Yaveh hoe:" Agnate ty telo tao, le hanjavo ty hasy Moaba, na le maro aza reo ndatine, le ho tsy ampe reo sisa tavela naho tsy hisy dikane."