1 Amize andro zay le hitalily riha hoe:" Hanese fisaora hoanao raho, ry Yaveh. Fa na meloke amiko aza riha, le niodike ty helonao, naho nagnamafe ahy riha. 2 Ingo, Zagnahare ro famonjea ahy; hatoky raho naho tsy hatahotre, fa Yaveh, eka, Yaveh ro hereko vaho antsako. Re ro lasa famonjea ahy." 3 Amin-kafalea ro hisintomanao rano bakamity loharano ty famonjea. 4 Amize andro zay ro hirehafanao hoe:" Manesea fisaora ho ahy Yaveh naho mikaiha ty agnarane; atalilio amity ndaty reo asane, atalilio fa nakare ty agnarane." 5 Miantsa ho ahy Yaveh, fa nanao zaka foloay hasy Re, ao ho hay magnera ty tane zay. 6 Mikaiha mafe naho mikoraha hafalea, riha ry vahoake Ziona, fa foloay eo agnivonao ty Raike masy Israely."