¹ Dangu di gulumugi Yesu mu mundonda,baadu ba vula ba mu landi. ² Dangu di,muudu wu gadi ye gi kashi gi kungudi gitshi mu fugamanina gu milu,bwoona ga ledi Yesu mbi:"fwumu,mbi bu zodi wu fani kindisa.'' ³ Yesu ga dandumuni gogu diandi,ga mu gami,bwoona ga yagudi mbi:"yi zodi,ginda!"Kaga mu mbala yi moshi gi kashi gi mu hwii. ⁵ Dangu Yesu di gagodi gub bula di Gapedinahumu, fwumu wu moshi wu ba pumbula wu gi fwumu gi looma gitshi gwedi ndi,bwoona ga wondidi Yesu, ⁶ mbi:"fwumu,muhiga wami wu moshi gedi ye giandu mu nzu;gedi gi gada,gadala pashi dji vula.'' ⁷ Yesu ga mu ledi mbi:"yi ba gwitsa mu gindisa.'' ⁸ Fwumu wuna mbi:"fwumu,loo yi fani mu gu guyamba mu nzu yami.Yagula kaga gu ganu,haa muhiga wuna gaginda. ⁹ Mi kega ndemvugaga gwedi ba fwumu ba memi,yedi ba pumbula bana ba fani ndemvugila.Mbi bu ndeshi mupumbulu:"ndaa!"ga fani gwenda.mbi bu yi ledi mupumbulu weega:"yi zaa!"ga fani gwitsa.Haa mbi bu yi ledi muhiga wami:"hanga pandi yii!"ga fani gu yi hanga.'' ¹⁰ Dangu Yesu di ga yugi pandi yina,ga yidugi.Ga ledi baadu ba mu landagi mbi:''yi ba lu lela pandi yi kiediga:yi kada dala lu gwigilu lu buu shi gwedi muudu wu moshi wu yi Shiledi. ¹¹ Yi ba lu lela mbi baadu ba vula ba duga gu ndambu yi esta ye gu ndambu yi westa,ba gwitsa gala ye meesa ma gi fwumu gi Gahungu Abalahamu,Yizagi,ye Yagobu. ¹² Haa baadu bana ba zola gu gala mu gi fwumu,Gahungu ga ba lumba ye ndjila,mu piba.Ye gi hani gina ba gala mu gu dila,ba bula gwengisa minu.'' ¹³ Yesu ga ledi fwumu wu ba pumbulu mbi:"ndaa!gu nzu yagu.pandi yina yi wu gwigidi yi hangamana mudiambu ye ndji.''Mu dangu diadina muhiga wu fwumu wuna ga gindi. ¹⁴ Yesu geendi gu nzu yi piela.Gwooguna gadadi bogu bu piela wu mukedu wu mimbi ye gi kashi. ¹⁵ Ga mnu gami mu gogu,gi kashi gi hwii;dangu di ga niamugi,ga yandigi gu hangila Yesu dubisalu dwega. ¹⁶ Mu mashiga,dangu di djiami dangu,bitshi needila Yesu baadu ba vula ba gadi ye mihunga mimbii.Yesu ga dushi mihunga mimbii mu pandi yina yi ga yagudi;ga gidishi baadu bana bootsu ba gadi ba kashi. ¹⁷ Ga hangi buna mudiambu ye gulungisa pandi yina yi gadi mu tuumwa Yezaya mbi:"ndi beeni wu sendi pashi di pidu,wu dugadudi bi kashi bi pidu.'' ¹⁸ Dangu Yesu di gadadi baadu ba muyudidi,ga ba ledi mbi:"du sabugani gu shimu.'' ¹⁹ Longi wu moshi wu matshigu gi tshi gu mu lela mbi:"longi yi fani gu gulanda gosu guna gu wendagi.'' ²⁰ Yesu ga yagudi mbi:"migengi miedi ye mawulu ma maa mudiambu ye gu mimba,ba nuni beedi ye mayamba ma maa,haa mwaana muudu loo geedi ye gihani gi ga fani gwenda mimba.'' ²¹ Muudu weega,wuna wu gadi mu longogi wu Yesu,ga mu ledi mbi:"fwumu,pega teegu ndjila,yenda djiga dada wami.'' ²² Yesu mbi:"loo,yi zaa wu ndanda,bwoona yambula baadu bana ba fwii,ba didjiga baa ye baa.'' ²³ Dangu di,ba godi mu bwaadu ye ba longogi bandi beendi. ²⁴ Muhunga wu ngolu ga budin ye londi di mwetshi.Bwoona bwaadu bu yandigi gu yula ye mwetshi.Haa Yesu ga gadi wu miimbi. ²⁵ Ba longogi beendi gu niamugisa,mbi:"fwumu,du hulusa,du bazola fwaa!" ²⁶ Yesu mbi:"mudiambu ye kii lu ba yuga booma?''Loo lwedi ye lu gwigilu lu vula!"Dangu di,ga niamugi ga nganini muhunga ye mwetshi,bwoona ndambu djiootsu dji gumu pweede. ²⁷ Baadu ba yidugi ngolu:''baa mbi kii muudu wu buu?Shi muhunga ye mwetshi muni gu muyugila" ²⁸ Dangu Yesu di ga gumi gu shimu di Gadara,baadu boodi bitshi duga gu mandjiamu,bitshi wanagana Yesu.Ba gadi ye mihunga mimbii;bab hanagi booma bu vula gwedi baadu,loo gu gadi shi muudu wu moshi ye gi kesa gi gu luda mu ndjila yina. ²⁹ Ba yandigi gu yagula mundaga yi ngolu mbi:''ndji mwaanas Gahungu kii pandi yedi ndji ye pidu?Ndji witshi mudiambu ye gu duyangigisa dangu di mu wundu pidu kando lunga?'' ³⁰ Ba ngngulu ba vula ba gadi pena-pena ye gihani gina mu gwenda dia. ³¹ Mihunga mieni mina mi woondidi Yesu mbi:"mbi bu zodi gu du dusa,du dumisa,twenda du goda gwedi ba ngulu.'' ³² Yesu mbi:"ndaa lwenda!''bwoona mi dugi,mi miendi goda gwedi ba ngulu bana.Ba ngulu bana bootsu ba gadugi tiinu gu mu mundonda,bendi bwaa mu mwetshi,bwoona ba fwii mu mwetshi. ³³ Baadu bana ba dala ba ngulu ba diini gu baa,bendi yagula pandi yiootsu gu bula,ye pandi yina yi bwiidi baadu bana ba gadi ye mihunga mimbii. ³⁴ Bwoona baadu bana ba bula dina bootsu bendi wanagana ye Yesu.Di ba mudadi,ba muwondidid mbi:"padido,ga duga yaa mu manu mapidu!"