¹ ''Loo gu sambisani baadu beega,bwoona Gahungu kegab ga komda gu lu sambi. ² Mudiambu,bu lusambisaga baadu beega,Gahungu kega bu ga lusambisa bwoobuna;gi geledi bu lu hangilaga mu gu desa baadu beega,Gahungu keega ga hangila bwoobuna mudiambu ye gu lu deesa. ³ Mudiambu di kii wu dalaga lu gasa lweedi mu disu lu mugwenu,haa loo wu ba dala mudi wu neeni weedi mu kadi ga disu woogu? ⁴ Mbi loo buni wu fani lela pangi woogu mbi:"nzambula kadula ga lugasa gana geedi mu disu diagogu'',haa ndji loo,ndji wedi ye mudi wu neeni mu disu diagogu? ⁵ Ndji muudu wu bu pala,ga dula teegu mudi wu neeni wuna weedi mu disu diagogu,haa wu yaba gu dala pimbu mu gu gadula lugasa lwedi mu disu di mugwenu mbi loo di pangi woogu. ⁷ La ndani kaga mapandi mana maa lwedi maa fwumu,bwoona Gahungu nga ga lu heega;landani kaga gudinga mapandi mana ma lwedi maa fwunu,bwoona nga lu madala;landani kaga mu gu beediga gu gielu haa Gahungu nga ga lugangudila. ⁸ Mudiambu gosu muudu wuna wu dingaga mapandi mana mootsu ma gedi ma fwunu,bu ga ma senda;gosu muudu wuna wootsu wu dingaga mapandi,bu ga madala;wuna wootsu wu bedigaga gu gielu Gahungu bu gamu gangudila. ⁹ Mu kadi ga binu,mbi wedi dada,bwoona mwaana woogu bu ga gudingi mapaa,wu muhega dadi? ¹⁰ Mbi loo,mbi bu ga gudingi mbitshi wu mweetshi wu muhega musobi? ¹¹ Bwoona binu baadu ba mbi,mbi lu yabi gu hana magabu ma binu,ya bani mbi dada wu binu wuma weedi gu yilu bu gahana kega gi fudi gi bima bi pimbu gwedi baadu bana ba mudingaga? ¹² Haa,mu bina biootsu bi lu ba zola mbi baadu ba hanga gwedi binu,lu fani hanga kega gwedi baa,mudiambu gwedi tshigu ye batuumwa. ¹³ Godani mbala yi moshi ye mbelu yi digi-digii,mudiambu mbelu yi neeni ye ndjila yi neeni yi gu needa baadu gu bilungi baadu ba vula beendaga mu ndjila yina. ¹⁴ Haa giafulu ye ndjila yina yi nedaga baadu gu mooni giedi kaga shela,baadu ndambu ba yi dalaga. ¹⁶ ''Giebani gwedi baadu bana ba ya gulaga pandi yi bupala mu ndjina di Gahungu;mbi ba baa lu yitshila,ba monigaga nga ma meema,haa mu mambundu ma baa beedi nga ba koyi. ¹⁵ Lu ba yaba mu mapandi ma ba hangaga.Du midi dungangu du budaga vinu,gu budaga kega ma fidji? ¹⁷ Gosu mudi wu pimbu ga budaga kuna dji pimbu,haa gosu mudi wu konda pimbu ga budaga kuna dji konda pimbu. ¹⁸ Mudi wu pimbu loo ga fani buda kuna dji mbii,mudi wu mbi kega ga budaga kuna dji pimbu. ¹⁹ Haa mudi wootsu wu kondaga buda kuna dji pimbu lu fani gesa lu lumbi gu mbaa. ²⁰ Bwoona,baadu bana ba yagulaga mapandi ma bupala mu ndjina di Gahungu lu bayaba mu mapandi ma baa ma ba hangaga.'' ²¹ Baadu bana ba ndendigaga mbi:"fwumu,fwumu,''loo mbi ba bootsu ba goda mu gi fwumu gi Gahungu,haa bana ba hangaga lu zolu lu dada wami wuna weedi gu yilu,baadu ba bana ba goda mu gi fwumu gi Gahungu. ²² Mu gilumbu giagina baadu ba vula ba nzufula mbi:"fwumufwumu,loo mbi pidu du yabisaga pandi yi Gahungu mu djina diagu?''Loo mbi pidu du dusaga mi hunga mimbi mu djina diagu?"loo mbi pidu du hangaga bidjimbu bi vula mu djina djigu? ²³ Mu dangu dina yi ba lela mbi:"yi kada gu lu yaba,binu lu hangaga mapandi ma mba,gadugani yaa gu misu miami!" ²⁴ Bwoona gosu muudu wuna wu yugi mapandi mana ma yi yagudi,mbi bu gama ma landi,wu fanagani ye muudu wuna wu dugi nzu yandi ye londi di madadi. ²⁵ Dangu di mvula yi ngolu yi nogi mwetshi ga yudi ngolu,mubunga ga budi ngolu mu nzu yina,haa nzu loo yi bwii,mudiambu ga yi dungi ye londi di madadi. ²⁶ Muudu wuna wootsu wu kadi yuga ndaga yami,haa loo ga ba yihangila wu fanagani ye zoba dina di dungi nzu yen londi di zelu. ²⁷ Dangu di nogi mvula yi ngolu,mwetshi ga yudi ngolu,muhunga ga budi ngolu mu nzu yina,nzu yi bwii!" ²⁸ Dangu Yesu di ga manishi malongi mana,baadu ba yidugi ngolu pila yi galongi, ²⁹ Mudiambu loo ga longagi nga ba longi ba baa ba tshigu,haa ga longagi ye giyega.