¹ Dangu Yesu di gadadi baadu bavula-ba vula gendi shigumuga lendi di gamundonda ga moshi.Ba longogi bandi finami yedi ndi. ² Bwoona ga yandigi gu balonga mbi: ³ ''Gieshi gwedi baadu bana ba yabaga gu mbundu yi baa mbi beedi ba tsumugi shela,mudiambu gi fwumu gi Gahungu giedi gi baa! ⁴ Gieshi gwedi baadu bana ba dilaga mudiam,bu Gahungu ga ba gadula mukenda! ⁵ Gieshi gwedi baadu bana beedi pweede,mudiambu bu basenda manu mana ba shidi Gahungu! ⁶ Gieshi gwedi baadu bana ba yugaga nzala yi vula mu guhanga mapandi mana ma zolagagi Gahungu,mudiambu Gahungu ga ba hega mapandi mootsu ma gu lunga! ⁷ Gieshi gwedi baadu bana ba yugilaga baadu beega kenda,mudiambu Gahungu ga ba yugila baa kenda! ⁸ Gieshi gwedi baadu bana beedi mbundu pembi,mudiambu bu ba dala Gahungu! ⁹ Gieshi gwedi baadu bana ba godisaga ngemba mu kadi ga baadu,mudiambu Gahungu ga ba lendiga baana bandi! ¹⁰ Gieshi gwedi baadu bana ba baadu beega ba dadisaga pashi,mudiambu bahangagagi mapandi mana ma zolagagi Gahungu,mudiambu gi fwumu gi Gahungu giedi gi baa! ¹¹ Gieshi gwedi binu mbi bu ba luduga,mbi ba baludadisa pashi,mbi ba ba luhunigila mapandi ma mbi ye ma bupala bu pila ye pila,mudiambu binu lwedi balongogi bami. ¹² Yu gani gieshi,dalani pimbu, mudiambu lu senda sanda di ngwadi di neeni gu yilu.Ba mbingudi bana ba gadi gu misu yi binu ba gadi muni ba dadisa bulu gi desu gi moshi. ¹³ Lwedi nga mungu mudiambu di baadu.Mbi tomu yi hwii,buni ba fani vudula tomu yeeni kega?Mungu wuna loo giedi fwunu yi vula kega,ba fani mu matsa ye ndjila baadu ba fani muniada. ¹⁴ Lwedi nga mwiinda mudiambu ye baadu.Bula dina djiedi ye londi di mundonda,loo di fani tswamana. ¹⁵ Loo ba lemisaga mwiinda mudiambu ye gufidimiga ga tiini;haa ba musagaga ye londi di meesa,guna,gu lemaga mudiambu ye baadu bootsu beedi mu kadi ga nzu. ¹⁶ Gidesu gi moshi kega,mwiinda wu binu ga fani lema kega gu misu ma baadu.Bwoona ba dala mapandi ma pimbu ma lu hangagagi,bwoona ba hega lu gumu gwedi dada wu binu wuna weedi gu yilu. ¹⁷ Lu yindulegu mbi yi tshi mu gu zuwa matshigu ma Mososhi ye ma longi ma mbingudi.Loo yitshi mudiambu yi gu mizuwa,haa yitshi mudiambu di gu madendula shela. ¹⁸ Yi ba lu lela mapandi ma kiediga:dangu diootsu di ba djinga yilu ye manu,loo fani shi pandi yi moshi yi digi-digi mu matshigu;ma gala bwoobuna tii gu tsuuga yi mapandi mootsu. ¹⁹ Bwoona,gosu muudu wuna wu ba kada landa shi mapandi ma moshi maludi kunda mu matshigu maa,ma longaga kega baadu beega mu guhanga gi desu gi moshi,loo ga gala kega muudu yi fwunu yi vula mu gi fwumu gi Gahungu.Haa gosu muudu wuna wu landaga matshigu,wu longaga kega baadu beega mu gu hanga gi desu gi moshi,ga gala muudu wu moshi wu fwunu mu gi fwumu gi Gahungu. ²⁰ Yi ba lu lela mbi:mbi loo lu ludi ba longi ba matshigu ye ba fadishi,mu guhanga mapandi mana ma zolaga Gahungu,loo lu goda mu gi fwumu gi Gahungu.'' ²¹ Lu yugi mbi Gahungu ga ledi ba kaga ba binu mbi:"loo gu zuwa muudu;gosu muudun wuna wu zuwii muudu weega,bu ba musambisa.'' ²² Haa yi ba lu lela mbi:gosu muudu wuna wu yugila mwaana ba kabu,bu ba musambisa;gosu muudu wuna wu lela pangi wandi mbi:"ndji weedi muudu wu pamba,ba mu sambisa mu misu ma gimvuga gineeni gi ba yuuda;gosu muudu wuna wu lela pangi wandi mbi:"ndji weedi zoba,wu fani mu gwenda gu mbaa du bilungi. ²³ Bwoona,mbi magabu magu gweedi Gahungu,bwoona dangu di wu gumagi ye gihani gi meesa ma gimengi,wu yi bugi mbi pangi woogu weedi ye pandji ye ndji, ²⁴ shisa magabu magu yena ye twala yi meesama gi mengi,ndawenda wu wagana teegu ye pangi woogu;gu ngoyi,vuduga,wu hana magabu magu. ²⁵ ''Mbi muudu wu gufundi ga ba gu needa gwedi ba zushi,solulani tswalu dangu di lwedi mu ndjila.Mbi loo ga guhana gwedi zushi,zushi ga gu hana gwedi pulushi,bwoona pulushi ga gu lumba mu dangu mbada. ²⁶ YIba lu lela pandi yi kiediga:loo ba gu dusa tii gu wu fudila mbongu djiootsu.'' ²⁷ Lu yugaga mbi Gahungu ga yagudi bwoobu mbi:"loo gu hanga gidumbu.'' ²⁸ Haa yi ba lu lela mbi:muudu wootsu wu ba dala mukedu wu kani ye gu dwaa nzala mu gu mumimbisa,wu hangi gi ndumbu yendji mu dangu dina. ²⁹ Bwoona,mbu disu diagu di gi bagala di ba guneda mu guhanga masumu,di sumuna,di matsa!Gu ludi pimbu gu bidisa ndambu yi ludu lwoogu,haa loo gwedi pimbu mbi Gahungu lumba luudu lwoogu lwootsu gu bilungi. ³⁰ Gi desu gi moshi,mbi googu diagu di gi bagala di ba gu needa mu guhanga masumu,di geesa,di masa!Gu ludi pimbu wu bidisa ga ndambu ga luudu lwoogu,haa loo gwedi pimbu mbi luudu lwoogu ;lwootsu lwenda gu bilungi. ³¹ ''Gahungu ga lu ledi mbi:"gosu muudu qwuna wu yambudi mukedu wandi,gas fani hanga muganda wuna wu ba leshigisa mbi wala di fwii.'' ³² Haa yi ba lu lela mbi:mukedu wuna loo ga hangi gi ndumbu,mbi mukedu wandi bu ga muyambudi,mulumi wuna wu godishi mukedu wuna mu ndjila yi gindumbu mbi loo ga kwedi mukedu wuna. ³³ Lu yugi kega mbi Gahungu wu ledi kega ba kaga ba pidu mbi:''loo gu zuwa lushilulu shidi,haa hanga pandi yina yi wu shidi gu misu ma fwumu Gahungu mbi bu yi hanga.'' ³⁴ Haa yi ba lu lela mbi:loo gu geesa Gahungu mu dangu di lushilu,loo gu danga djina di yilu,mudiambu yilu giedi nga djina di gi fwumu; ³⁵ Loo gu danga djina di manu,mudiambu manu ma ga sagaga milu,loo gu danga djina di yelusalemi,mudiambu diedi bula di gi fwumu gi neeni. ³⁶ Loo gu danga kega djina di mudu woogu,mudiambu loo wu fani balumuna shi lu t5sugi lu moshi lu mudu woogu,mbi luguma lu pembi mbi loo lu bwida. ³⁷ Haa yagula kaga mbi:"ee,ee,''mbi loo''loo,loo'',mapandi mana meega ma wu fani yagula,ma gadugaga gwedi muudu wu mbii.'' ³⁸ ''Lu yugi mbi Gahungu ga yagudi mbi:"disu ye disu,dinu ye dinu.'' ³⁹ Haa yi ba lu lela mbi:mbi muudu bu ga guhangi mbii,loo wu fani mu hanga kega mbii,mbi muudu bu ga gubudi mbada gu dama di gi bagala,muhega ndjila mu gu gubula gu dama di mukedu. ⁴⁰ Mbi muudu ga ba zola gwenda gu fwunda mudiambu di gu senda sumushi diagu,muhega kega ga zagu gagu. ⁴¹ Mbi pumbulu bu ga gu ledi mu gunedi waba diandi mu gidamina gi moshi,yiga kega gi damina gi moshi. ⁴² Mbi muudu bu ga gudingi gima,muhega;mbi muudu ga ba zola defa gima giagu,mu defisa. ⁴³ Lu yugi Gahungu ga lu ledi mbi:"zola pangi woogu,meenga mbeeni woogu.'' ⁴⁴ Haa yi ba lu lela mbi:zolani ba mbeeni ba binu,sambila Gahungu mudiambu ye muudu wuna wu lu dadisa pashi. ⁴⁵ Bwoona lu gala shela baana ba dada wu binu wuna weedi gu yilu.Mudiambu ga dusagagi dangu djioandi gu yilu,mudiambu ye baadu ba mbii ye baadu ba pimbu,ga nogisaga mvula gwedi baadu bana ba hangagagi mapandi ma pimbu ye gwedi bana ba hanga mapandi ma mbii. ⁴⁶ Mbi lu zolagagi kaga baadu bana ba luzolaga,mudiambu di kii Gahungun ga fani lu hega sandadi ngwadi?Shi dulagi duna du fudisaga baadu pagu,ba kega ba zolagagi kaga baadu bana ba ba zolagagi? ⁴⁷ Mbi lu hanaga mbodi kaga gwedi ba pangi ba binu,kii mapandi lu hangagagi ma ndaga hangaga baadu beega?Shi baadu bana ba gondi yaba Gahungu,baa kega ba hanaga mbodi gweedi baadu bana ba bahegaga mbodi! ⁴⁸ Loo lu fani gala ye gi fuu,nga dada wu binu wuna weedi gu yilu loo giedi kega ye gi fuu.