¹ Mu dangu dina,Yowani mbodiga gendi mu gifudi gi maganga wu yudeya;ga yandigi gu longa, ² Mbi:binu ba lu lani mbundu mudiambu gi Fwumu gi Gahungu gi gumi pena-pena! ³ Yowani ga gadi muudu wuna wu mbigudi Ezaya wu ga yagudi mbi:''muudu wu moshiga ba yagula ngolu mu gifudi gi maganga yidigani ndjila yi Fwumu manani sungiga du ma ndjila dwandi. ⁴ Yowani ga vadagagi muledi wu miiga i mbitshi wuna chamo.Ga vadagagi kega mugaba wu pela wu mbitshi mu lugedu lwandi.Ga diagagi ba pasu ye bootshi. ⁵ Baadu bana bitsa gwedi ndi,ba dugagi gu yeluzalemi,mu manu ma yudeya ye mu mabula mootsu ma gadi gu ndambu yi Yordani. ⁶ Ba gumbula masumu ma baa mu misu ma baadu bootsu,ya yena Yowani ga yandigi gu ba boodiga mu mwetshi wu yuludani. ⁷ Yowani ga dadi ba fafwadishi ba vula ye basadise bitsa boonga mbodiga gwedi ndi.Ya yena ga ba ledi mbi:"binu ba mbitshi baa naa wu luledi mbi binu djina dji ba gwitsa? ⁸ Hangani ma pandi mana,ma ba lesa mbi lu balumuni mbundu. ⁹ Loo gu yi ndulani mbi lu fani gudinungisa mbi bu lu yagudi mbi:Abalaghamu gedi kaga wu pidu mudiambu.Mudiambu yi ba lu lulela mbi mu madadi ma Gahungu wu fani gu hanga baana mudiambu ye Abalahamu! ¹⁰ Sebi-sebi di Gahungu wu boongi soga mudiambu di gu gesa miidi ye migashi mi wandi;gosu mudi wuna wu budaga ndumba dji pimbuGahungu ga gesa wu mulumbi gu mbaa. ¹¹ Mi,yi ba lu boodiga mu mwetshi mudiambu di gu lesa mbi lu balumuni mbundu,haa muudu wuna wu ba gwitsa gu ngoyi yami,ga lu boodiga mu muhunga wu gedila ye mbaa.Wu ndudi mu ngolu;loo fani shi gu gadula bi ladu biandi. ¹² Ga ba gama mu yungulu mu gogu diandi mudiambu di gu sola bi husu bi ble bi ga dwii.Ga senda ndumba djiandi mudiambu di gu swega mu nzu yi djia,haa ga fuba bi husu mu mbaa duna du djimaga!" ¹³ Dangu di,Yesu ga gadugi gu galileya,geendi gu mwetshi wu yiludani mudiambu di gusenda mbondiga gwedi Yowani. ¹⁴ Haa Yowani bu ga duna mbi:''mi fani boonga mbodiga gwedi ndji,haa ndji witshi gwedi mi. ¹⁵ Haa Yesu ga yagudi mbi:gu gala bwoona mu dangu di,mudiambu mu pila yi gulungisa lu zolu lu Gahungu." Ya yena Yowani ga gumbudi. ¹⁶ Dangu di ga bodigi Yesu gu hwii,Yesu ga dugi mu mwetshi.Ya yena yilu di gangugi mudiambu diandi,ga dadi muhunga wu gedila wu Gahungu nuni muni guluga nga di pombu ye londi di mudu wandi. ¹⁷ Ndaga yi dugi gu yilu mbi:''Awu gedi mwaana wami wu nzolagagi ngolu mudiambu diandi.