¹ Gu ngoyi Yesu ga budugi gu beteleyemi mu manu ma Yudeya dangu di gadi Erodi todila,baadu beega bana ba hangagagi gi salu gi guyindula miooda,ba gadugi gu gifudi gi moshi gu Eshiti,bitshi guma guna gu Yelusalemi. ² Ba yufudi mbi:"mwaana wu budugi wuniii?Mudiambu ga gala todila wu ba yuda,gendi gu moniga gu ndambu yi Eshiti,ya yena twi tshi mudiambu di gu mu sambila''. ³ Dangu di yugi Todila Eroda ma pandi mana,ndi ye baadu bootsu ba Yeluzalemi ba gadi mbundu mu yilu. ⁴ Eroda ga ledi ba mbuda bootsu ba dibundu ye ba longi bootsu ba tshigu.ga ba yufudi mbi:''Mashiya ga fani buduga guni?'' ⁵ Ba vududidi mbi:''gu beteleyemi,mu manu ma yu deya,mudiambu mbigudi ga sonigi boobuna mbi: ⁶ Ye ndji beteleyemi wedi mu manu ma yu deya mu gi gidi ndji wedi bula dji moshi di fwunu mu kadi ga ma bula ma Yudeya,mudiambu fwumu wuna wu duga gwedi ndi ga bala dala baadu bami ba yizalayedi. ⁷ Ya yena Eroda ga lendigi baadu bana ba ga dugi gu Eshidi mu mayela ba mu leshi dangu penza di monigi mooda. ⁸ Dangu di ga ba dumi gu beteleyemi ga ba ledi mbi:ndani lu dinga mwaana wuna pimbu-pimbu.Mbi bulumudadi,lwitsa lundesa,bwoona mi kega nga yi yaba gwenda gu mu sambila. ⁹ Dangu di ba yugi mapandi mana ma baledi Todila,ba gami ndjila beendi gu baa.Mu ndjila ba dadi mooda wuna wu ba dadi tegu gu ndambu yi Eshiti,gendagi gu twala yi baa tii ge manana mu yilu ye gi hani gi gadi mwaana. ¹⁰ Dangu di ba dadi mooda wuna,ba yugi gieshi giingi penza. ¹¹ Bagodi mu nzu,ba dadi mwaana ye ngudi wandi Madiya.Dangu di ba fugami,ba mu sambidi,ba gangudi du ma waba du baa,ba mu hegi ma gabu maa:woolu ye bima bi ma nanashi ye mira. ¹² Gahungu ga baledi gu ndotshi mbi:''loo gu vuduga gwedi Eroda''ya yena ba vudugi mu gifudi gi baa mu ndjila yega. ¹³ Dangu di vudugi baadu bana ba gadugi gu Eshiti gu hwii wanjio wu moshi wu Gahungu gitshi moniga gwedi Yizefu gu ndotshi mbi:"niamuga bonga mwaana ye ngudi wandi di nani gu Egypiti gala gwoona tii yi lela mu gu gaduga.Mudiambu Erodia gadinga mwaana wu mu gegi mu gumuzuwa''. 4 Mu piba ya yina,Yizefu ga niamugi ga boongi mwaana ye ngudi wandi beendi gu Egypiti. 5 Ga gadi guna tii gwoona gu fwii Erodia,ma pandi mana ma bwi pamba loo,mudiambu mapandi mana fwumu Gahungu ga ledi mbigudi mu gu yagula,mitshi lunga:mi yi ledi mwaana wami mu gu gaduga gu Egipiti. ¹⁷ Ya yena ma pandi mana ma mbigudi Jeremi ma gayagudi mitshi lungi sama. ¹⁸ Gu roma ba yugi bidilu bi mukedu wu moshi Lashela ga dila baana bandi;loo ga zola mbi baadu bitsa ba mu gadula mukenda mudiambu baana bandi bootsu ba fwii. ¹⁹ Dangu di fwi Erodia,gu ngoyi wanjio wu moshi wu Gahungu gitshi moniga gwedi Yizefu gu ndotshi gu Egipiti. ²⁰ Mbi:niamuga bonga mwaana ye wandi vudugani gu yizalayela,mudiambubana ba zola zuwa mnwaana ba fwii. ²¹ Dangu di Yizefu ga boongi mwaana ye ngudi wandi ba vudugi gu Yizalayela. ²² Haa,dangu Yizefu di ga yugi mbi Arkelawusi wu bongi gi hani gi dada wandi Erodia,mudiambu di gu yala guyudeya ga yugi booma mu vuduga guna Gahungu gitshi mu gu muyabisa kega gu ndotshi pila yi ga fani hanga;ya yena gendi gu Galileya. ²³ Ya yena gendi ndjinga ye bula di moshi djina di dia nazaledi.Ga hangi ma pandi mana mudiambu di gu lungisa ma pandi ma ya gudi ba mbigudi mbi:ba lendiga muudu wu nazaledi.