¹ Mu ganda wu gishina gi giganda gi Yesu Kidishidu,mwaana davidi ye mwaana Abalahamu. ² Abalahamu ga gadi dada Yizagi ye Yizagi dada djiagobu ye Djiagobu ga gadi dada Yudashi ye ba pangi djiandi. ³ Yudashi ga gadi dada Faresa ye Zara,ye ngudi wu baa ga gadi Tamare.Faresa ga gadi dada Eseroma.Eseroma ga gadi dada wu Arama. ⁴ Arama ga gadi dada Anadabu,Anadabu ga gadi dada Nasoni,Asoni ga gadi dada Salomon. ⁵ Salomon ye Arahabu bagadi bi budi bi bowaze,bowazi ga gadi dada wu Obede,ngudi wu Obede ga gadi Luudi,Obede ga gadi dada wu Jese. ⁶ Jese ga gadi dada wu todila Davidi ye Davidi ga gadi dada wu Salomon gwedi mukedu wu Yidi. ⁷ Salomon ga gadi dada wu Robowami.Robowami ga gadi dada wu Abia,Abia ga gadi dada wu Asaa. ⁸ Asaa ga gadi dada wu Jozafa,Jozafa ga gadi dada wu Jorama,Jorama ga gadi kaga wu Ojashi. ⁹ Ojashi ga gadi dada wu Jowatamu,Jowatamu ga gadi dada wu Ajazi,Ajazi ga gadi dada wu Ezekiashi. ¹⁰ Ezekiashi ga gadi dada wu Manashi,Manashi ga gadi dada wu Amoni,ye Amoni ga gadi dada Joziashi. ¹¹ Joziashi ga gadi dada wu Jekonashi ye ba pangi djiandi,mu dangu di banedi baadu ba Yizayedi mugi ngolu-ngolu gu ba biloni. ¹² Dngu di ba nedi baadu ba Yizayedi mu gi ngolu-ngolu gu ba biloni,Jekoniashi ga gadi dada wu SAlatieli,Salatieli ga gadi kaga wu zolobabeli. ¹³ Zolobabeli ga gadi dada wu Abwuyidi,Abwuyidi ga gadi dada wu Ediakimu,ye Ediakimu dada wu Azoru. ¹⁴ Azoru ga gadi dada wu Sadogu,Sadogu ga gadi wu Akimi,ye Akimi dada wu Eluudi. ¹⁵ Eludi ga gadi dada wu Eleyazadi,Eleyazaqdi ga gadi dada wu Matani,Matani ga gadi dada wu Djiagobu. ¹⁶ Djiagobu ga gadi dada wu Yizefu mulumi wu Madiya guna gu budugi Yesu,ndi wuna wu ba lendigagagi Kidishidu. ¹⁷ Talu yi mbandu djiootsu yandiga Abalahamu tiii Davidi dji gadi gumi ye djiya.Talu yi mambandu ga duga Davidi tiii gwoona gu ba nedi baadu ba yizayedi mu gi ngolu-ngolu gu gi fudi gi babiloni dji gadi gumi ye djiya,talu yi mbandu ga duga dangu dina tiii dangu di budugi Kidishidu dji gadi gumi ye djiya. ¹⁸ Lu budugu lu Yesu kidishidu lu gadi bwoobu:ngudi wandi ga gadi Madiya mukedu wu Yizefu,haa dangu di ba gadi ba gonda gu kwela,Madiya ga dadi mbi yedi ye zumu di muhunga wu gedila. ¹⁹ Mulumi wandiYizefu ga gadi muudu wu pimbu,haa loo ga zodi gu mu hegisa tsoni ye misu ma baadu.Bwoona Yizefu ga yagudi gu mbundu yandi mbi yi fani gu mu yambula mu gitswegi. ²⁰ Dangu di yindudi Yizefu ma pandi mana,wandjio wu moshi wu Gahungu gitshi moniga gwedi ndi gu ndotshi ga muledi:"Yizefu,muudu wu gi ganda gi Davidi loo gu yuga booma mu bonga Madiya gu nzu yaagu,mudiambu mwaana wu gedi yandi mu zumu gitshi mu ngolu dji muhunga wu Gahungu. ²¹ Ga buda mwaana bagala,ye wu muhega djina diaandi Yesu,mudiambu di gu gadula baadu mu masumu ma baa". ²² Ma pandi mana mootsu mabwi mudiambu di gu lungisa ma pandi ma fwumu Gahungu ma galedi mbigudi mu gu yagula mbi: ²³ ''Dala mwaana mukedu wuna loo ga yabi shi bagala teegu ga boonga zumu,ga buda mwaana wu bagala ba mu hega djina diandi:manwela"{di songidila mbi:Gahungu gedi ye binu''. ²⁴ Dangu di shamugi Yizefu gu gilu ga hangi ma pandi mana ma muledi wanjio wu Gahungu mu gu hanga,ga godishi Madiya mu nzu yandi,ba yandigi gu gala nga mukedu wandi. ²⁵ Haa,Yizefu loo ga yabi Madiya tii gu ga budi mwaana bagala,Yizefu ga muhegi djina:Yesu.