¹ Bwoona gifwumu gi yilu gu gala nga bakedu gumi ba ndumbu ba sendi miinda mibaa mu gwenda wanagana ye bagala. ² Badanu ba gadi baazoba ye badanu ba mayeela. ³ Bwoona bandumbu badanu ba zoba baa sendi miinda mi baa.Baa loo ba sendi matshi ma baa mu gu saa mu miinda. ⁴ Haa badanu ba mayeela ba sendi bifwaadi bi matshi ye miinda mibaa. ⁵ Nga mulumi gasuginini,baa bootsu ba lembwii ye ba mimbi. ⁶ Haa mu kadi-kadi ga piba,ba yugi loolu:''dalani,mulumi wu yitshi!ndani luwanagana!'' ⁷ Bwoona ba ndumbu bootsu shagami ba yandigi gu yidiga ye gunwanina minda. ⁸ Ba bazoba ba yagudfi gwedi bana ba mayeela:"du hegani baa ndambu yi matshi ma binu mudiambu minda mi pidu miedi mu gu djima!" ⁹ Haa ba mayeela baa ba vududidi mbi:"nga gwedi pidu keega loo meedi mavula mu gu luhega,ndani gwedi bana ba degaga nga lusumba mumbada ye binu beeni.'' ¹⁰ Mu dangu di bendi mu gusumba bagala gitshi ye bana bagadi pena-pena bendi ye ndi muwala ye giafulu ba gangi. ¹¹ Gu ngoyi madangu,ba ndumbu beega ba sadi bitshi guma keega ye guyagula mbi:"longi,longi,du gangula giafulu.'' ¹² Haa ndi ga ba vududidi:''gu mukiediga yi ba gu lu lela loo yi lu yabi.'' ¹³ Gingani,mumbada loo luyabi shi gilumbu shi dangu. ¹⁴ Mumbada gu gala nga uudu wu moshi weedi gu ndjila mu gwenda gu gidini gi manu meega.Wu lendigi ba sadi bandi ndi mweni ye gu bahega bu mvwama bwandi. ¹⁶ Gwedi wu moshi mukadi ga baa ga muhegi ndondu dji mbongu dji daanu,gwedi weega mukadi ga baa ndondu djioodi ye gwedi weega lu ndondu lu moshi.Gosu muudu ga sendagi mukaga dji gigesa giandi ye guna muudu weeni gendi gwandi. ¹⁵ Gu ngoyi weuna wu sendi ndondu dji danu ga sadidi dji budi keega ndondu dji daanu djiega. ¹⁷ Gi dewsu gi moshi gwedi wuna wu sendi ndondu djioodi di budi keega djioodi djiega. ¹⁸ Haa musadi wuna wu sendi ndondu lu moshi gendi,ga shimi wulu mu manu ga sweegi lu ndondu lu fwumu wandi. ¹⁹ Gu ngoyi dangu di leeya,fwumu wu musadi weeni gitshi ye gaba dingi ngwishi. ²⁰ Musadi wuna wu sendi dji daanu gitshi ye ga needi keega dji daanu ye gayagudi:"fwumu,ndji wu peegi ndondu dji daanu.Dala djiega dji daanu ye londi.'' ²¹ Fwumu wandi ga mu ledi mbi:"gwedi pimbu,musadi wu pimbu ye wu masonga!Wu gadi masonga mugama ga digi-digii;yi gu hegagi bi vula.Gala mu gieshi gwedi fwumu woogu. ²² Musadi wuna wu sendi ndondu djioodi gitshi ye gayagudi:"fwumu,ndji wu peegi ndondu djioodi dji mbongu.Dala,djioodi djiega ye londi. ²³ Fwumu wandi ga yagudi mbi:''gwedi pimbu ndji weedi muudu wu pimbu wu yi fani shila mbundu.Yi gu hegi maguda madigi-digi wu sadidi pimbu.Diadina yi guhega maguda mavula.yi zaa witsa du dala gieshi ye mi.' ²⁴ Dangu di,muudu wuna wu bongi maguda magama madadu,gitshi lela fwumu wandi mbi:'fwumu,yi yaabi mbi ndji weedi muudu wu mopshi wu pashi:ndji wu gadulaga ndumba shi ye gihani gi wu gondi guna.Ndji wu sendaga ndumba shi ye gihani gi wu gondi mwanga. ²⁵ Yi gu yugi booma,diadina yi swegi mbongu djiagu manu.Dala mbongu djiagu djiadji.' ²⁶ Fwumu wandi mbi:"ndji weedi muudu wu mbi,ye weedi mumoolu!Wu yaba mbi yi gadulaga ndumbu mu bihani bi yi kondi guna ye mu bi yi kondi mwanga. ²⁷ Mbi wu yabi buna wu kanda gwenda saa mbongu djiami mubangi,mu pila bu yitshi vuduga buu ye di mana ma wushi. ²⁸ Dambulani mbongu djina dji ga fugi,mu hegani muudu wuna weedi ye mbongu makama madadu. ²⁹ Mudiambu muudu wu fugi bima,Gahungu ga mulunda bima biega,bwoona ga guma ye bima bi vula-bivula.Haa gwedi wuna wu gondi bima Gahungu ga mudambula shi gandambu yi bima bina bi gafugi. ³⁰ Mudiambu muudu wu pamba-pamba wuu,lu mu matsa yendjila mu piba.Guna ga bula dila,ye gabula gwedisa minu ngolu. ³¹ Dangu di gwitsa mwaana muudu nga fwumu wu neeni ye ba tumwaa bandi bootsu,ga gala ye londi di gidi gianedi di gifwumu. ³² Bwoona ba tumwaa ba gungiga baadu bootsu gi hani gi moshi gu misu mandi,ga ba gabula bi diga bioodi,nga bu hangaga muudu wuna wu dalaga migogu dangu di ga bagabula migogu ye ba kombu. ³³ Ga saa migogu gu googu diandi di gidada bakombu gu googu diandi digingudi. ³⁴ Bwoobuna fwumu ga lela baadu ba gala gu googu diandi di gidada mbi:"binu baadu baa,dada wami wu lusagumuni yi zani,sendani bima biootsu.Bi ga luyidigidi yandiga lu yandigu lu gifudi gii. ³⁵ Yi gadi ye nzala,bu lu pegi bima bi gu dia,bu yi gadi ye nzala yi mwetshi,bu lu pegi mwetshi,bu yi gadi munzendji,bu lu nzambi mu manzu ma binu. ³⁶ Bu yi gadi wu konda vada pimbu,bu lu mvadishi miledi mi pimbu,bu yi gadi ye gikashi,bu lwitshi tala,ye bu bakami mudangumbada,bu lwitshi tala.' ³⁷ Dangu di,baadu bana ba hangi pimbu ba muyufudi mbi:''fwumu,kii dangu du gu dadi wu yugi nzala,di du gu hegi bima bi gudia?mbi loo wu gadi ye nzala yi mwetshi,di du gu hegi mwetshi? ³⁸ Kii dangu du gu dadi mbi weedi munzendji,di du gu yambi mu manzu ma pidu?Mbi loo wu gadi wu gonda mvada pimbu,di du gu hegi miledi? ³⁹ Kii dangu du gu dadi muna beela,mbi loo mudangu mbada diadina di dwitshi gu gudala? ⁴⁰ Fwumu ga vududi mbi:'yi ba lu lela gu mukiediga:gosu dangu di lu hangi mapandi mana gwedi muudu wuna wu gondi fwunu mu kadi ga ba pangi bami bana beedi fwunu,lu bi hangi gwedi mi!' ⁴¹ Dangu di,fwumu ga lela baadu ba gala gu googu diandi di gikedu mbi:'binu baadu ba shindji Gahungu,ga dugani ye misu mami!Ndani gu mbaa yi vula ye vula yi yidigi Gahungu mudiambu ye gadiapemba ye ba tumwaa bandi, ⁴² mudiambu yi gadi ye nzala,haa loo lu pegi bima bi gu dia,yi gadi ye nzala yi mwetshi,loo lu pegi mwetshi mu gu nwaa, ⁴³ yi gadi munzendji,haa loo lu nzambi mu manzu ma binu,bu yi gadi wu gondi mvada pimbu,loo lu mvadishi miledi,bu yi mukashi ye bu bakami mudangumbada,haa loo lwitshi tala.'' ⁴⁴ Bwoona bu ba mu yufudi mbi:"fwumu,kii dangu du gu dadi ndji ye nzala yi buga to yi mwetshi,mbi loo wu gadi munzendji,mbi loo wu gadi ye miledi mi gonda pimbu,mbi loo wu gadi ye gikashi,mbi loo mudangu mbada,diadina,loo du gu sadishi?'' ⁴⁵ Fwumu ga ba ledi mbi:"yi ba lu lela gu mukiediga mbi:gosu dangu di lu duni gu sadisa muudu wuna wu gondu fwunu mu kadi ga baadu bana beedi fwunu,lu tuni mu gu tsadisa.'' ⁴⁶ Bwoona baadu bana ba gwenda bonga ndola yi mvula ye mvula;haa baadu ba bula hanga pimbu bu ba dambula mooni yi mvula ye mvula.