¹ Yesu gadugi mu ndzu yi bisambu muna gwenda,batumua baandi bafinami gwedi ndi ba finami gwedi ndi mugulandila pimbu-pimbu mapandi madidi gudunga ndzu yi bisambu. ² Haa ndi gaba vudidid mbi:<> ³ Bubashigumugi mu mindonda mi Olivia,ba tumua bitshi gwedi ndi mugitshuegi muna muyufula:<> ⁴ Yesu gaba vididi mbi:yilamanagaani,loo shi mudu wu moshi gagonda guluhuna. ⁵ Mudiambu bavula bu bagwitsha mudjina diami ye guyagula:mi yedi Kdishidu,bavula ba bwa mu masumu. ⁶ Buluyuga muna yagula mumbada ye bidumbu ye mapandi ma bidumba;loo gugalaani mu booma,mumbada maambu mana mafani guma;haa loo gugala tegu tshuga. ⁷ Mumbandu giganda gi moshi bugi mananina giganda giega,ye gifwumu gi moshi bgu mananina gifwumu giega.Nzala buyi goda ye gunigana gu manu mu bidini bi vula. ⁸ Haa biootshu bina gugala nga luyandigu lumisongu. ⁹ Buoona bubalulembula mu dji pashi ye mugulu dzuwa.Maganda mootshu bumaluyegula giaami. ¹⁰ Bavula buba shedumuga.Buba thsubagana ye guyegulagana beega ye beega. ¹¹ Bavula minimbi dji ndotshi baambi buba niagama mugubwitsha baadu bavula mu masumu. ¹² Buoona masumu mayala gifudi,ludzolu gwedi bavula lubwa budjidji. ¹³ Haa wuna wu ganga mbundu tii gutshuga ndi wuuna wu huluga. ¹⁴ Mapandi ma pimbu ma gifwumu gi yilu malungamana mugifudi gimuwundu,mu gimbangi gi maganda mootshu.Buoona tshuga yi gwitsha. ¹⁵ Mu buoona,dangu di nudala guhangagana maambi mugi tsuegi mana mayagulagi mu mimbi ndotshi Daniela mugihani gibu santu,mbi wuna wu badanga gagala ye gugieba! ¹⁶ Mbi beena beedi gu yudashi ba dina mu mindonda. ¹⁷ Mbi beena beedi ye londi diyangi ba gonda duluga mukadi gama ndzu mugubonga kondzu gima gina. ¹⁸ Wuna wugala mu mangundu gagonda vuduga gu ndzu mugu bonga shi gadzagu. ¹⁹ Kenda gwedi ba kedu bagala ye madzumu ye gwedi bana ba bula nuitsha! ²⁰ Sambagani mbi gudina gu binu gugonda gala mugindolu,mbi loo mugilumbu gi posu. ²¹ Mumbada guyangagana gugala guvula mumbada loo yandu gusadi hangamana magi fwa gina yandiga luyandigu lugifudi tii lelu dii,ye loo gusala gala kee ata mbala yi moshi. ²² Mbi gilumbu gina gigonda sonamana,loo shi ludu lumoshi lukandi huluga;haa mugiguma gi Ediya,bilumbu bina bi gala bi wa sonamana. ²³ Buoona mbi mudu bugaluledi mbi< ²⁴ Mumbada ba Kdishidu ba mbii ye minimbi dji ndotshi bambi ba gwitshsa bavula ye guhanga bihani bi nenu bi gunaga,gutshuga mugu buitsha baadu mu maambi bana ba gonda ngolu,shi gwedi ba gwigidi. ²⁵ Dalaani,mi yiluledi gu twala.>> ²⁶ Shi bubaledi mbi:< ²⁷ Buoona nga moda wuna wu lemaga yandiga gudugaga dangu mu gwenda ye tshemu tii gudjiaga dangu,buoobuna bugala gwitsha gu mwana mudu. ²⁸ Mu bihani biaana bigala ba mvumbi,mwomuna mu mana vugana ba nuni. ³⁰ Buoona gumoniga ngondi wugala mwana mudu mu yilu,ye maganda mootshu ma gifudi bu mayangagana.Badala mwana mudu muna gwitsha mu madudi mu yilu ye ngolu ye kiembu. ³¹ Mu ndaga yi pungi yi neni,ga dumisa ba tumua baandi mu gugungiga ba gwigidi ba mihunga miya,guluyandigu di yilu tii gutshuga. ³² Guluyandigu lu malongi nga bu galaga ludangu lumudi tii gukasa,bulu yaba mbi gindolu gi finamani. ³³ Gidesu gi moshi,mu dangu di ludala mapandi mootshu,lufani yaba mbi gwedi pena-pena ye gielu. ³⁴ Mu mukiediga yi ba lu lela,dela di loo diluda mbi mapandi mana magonda hangamana. ³⁵ Yilu ye manu bu biluda,haa mandaga maami loo ma luda ada ndambu. ³⁶ Haa mana madadidi gilumvbu gina ye dangu dina,loo shi muudu wu yabi,shi batumwa,shi gwoona gu yilu,shi mwaana,haa dada ndi mweeni. ³⁷ Nga bu gadi gilumbu gi Nowa,bwoobuna bu ghala gwitsa gu mwaana muudu. ³⁸ Bwoona,nga mu bilumbu bina gumisu gu yula mwetshi wu zuwaa baadu ba diagi ye ba nwagi,baa monaganagi ye gu hana baana ba baa ba bakedu ye ba bagala mu mwaala tii mugilumbu gina gi godagi Nowa mudjienda. ³⁹ Loo ba sendi shi tsangu dji moshi ye guna gwitshi noga mvula yi neeni yi ba needi.Bwoobuna gu gala gwitsa gu mwaana muudu. ⁴⁰ Bwoona baadu boodi ba gala mu mangundu;wu moshi bu ga gwenda,wu moshi wu saadi. ⁴¹ Bakedu boodi ba gala mugudwa ye mishi wu baa wu moshi,wu moshi bu ba mushisa. ⁴² Galani mukadi di gudi gieba mudiambu loo lu yabi gilumbu gi gwitsa fwumu wu binu. ⁴³ Haa lu yaba mbi mweni nzu mbi gayabaga mbi kii gilumbu mwiibi ga gwitsa,ga fani sungimina ye loo ga fani mbi ada gilumbu mbi gayiba munzu yandi. ⁴⁴ Mu bwoona lu fani gala tsungimina,mudiambu mwaana muudu ga gwitsa mudangu di gonda yabagana. ⁴⁵ Naa wu gala musadi wu m,ukiediga ye wu mayeela,wuna wu shi mweni yandi mu nzu yandi,mu gumuhegaga madia mu madangu malungi? ⁴⁶ Masagumunu magala gwedi musadi wuna mudangu di gwitsa mweni yandi wu muwaani muna hanga mana gazodilaga ndi. ⁴⁷ Mu mukiediga yi ba lu lela mweni yandi ga mu saa yelondi di bina biootsu bi gedi biaa. ⁴⁸ Haa mbi gedi musadi wu mbi ga fani yagula ndi mweni mbi:"mweni nzu loo gitsa sebi-sebi,'' ⁴⁹ ye gafani guma gu bula ba sadi beega,mu gudia ye gunwaa malafu wu lawugi, ⁵⁰ Fwumu wu musadi wuna ga gwitsa mu gilumbu gi gondi yaba musadi,ye mudangu diaana di ga gondi yaba. ⁵¹ Fwumu wandi ga mugadula mu gisalu ye lufudu lwandi lu gidesu gi moshi ye muudu wuna weedi pula,gwoona gu gala bidilui ye kwedisa yi miinu.