¹ Yesu ye batumwa bandi di gumbi pena-pena uye Yelusalemi ye ba gumi gu bula di Betefani,gu mbimba yi muselu wu mudi wu Odive.dangu di Yesu ga dumi batumwa bando boodi ga ba ledi mbi: ² ndani gu bula dina djedi gu misu yi pidu,ba gangididi punda wu mukedu ye mwaana wandi.Ba ga ngulani yizani ye baa yaa gwedi mi. ³ Mbi muudu bu ga lu yufudi kii lu ga ngudidi ba mbitshi bana,lu mu lela mbi:"fwumu geedi ye fwunu yi baa,ye muudu bu ga ba shisa mugwitsa baa.'' ⁴ Diadina,gu hangamani buna mu gu lungisa nga bu sonigi ba mimbi ndotshi.Ga yagudi mbi: ⁵ ''mu lela mwaana mukedu wu Shiyoni mbi:dala,fwumu woogu ga ba gwitsa gwedi ndji ye wu shigumugi ye londi di p[unda di mukedu ye wu mwaana punda wu mugeegi. ⁶ Batumwa bana bendi nga bu ba ledi Yesu mu gu hanga. ⁷ Bi tshi needa punda wuna wu mukedu yw mwaana wandi,di ba shi mi ledi mi baa ye londi di bapunda bana ye Yesu ga ba shigumugidi. ⁸ Baadu ba vula ba danduludi miledi mi baa yatshi mu ndjila yina yi luda Yesu,baadu beega ba gesaa tangu di miidi mu saa mundjila. ⁹ Baadu ba vula ba mu landagi ba gadi gu ngoyi yandi muna saa milolu mbi:"Ozana mwaana Davidi,yambula mbi Gahungu ga sagumuna muudu wuna wu ba gwitsa mu djina di fwumu!Lugumu lu gala gwedi Gahungu.'' ¹⁰ Dangu di godi Yesu gu Yelusalemi,bula djiootsu di gumi pweede ye baa muna yu fula mbi:"muudu wuu geedi naa?" ¹¹ Baadu ba gadi ye Yesu ba vududi mbi:"wuu geedi Yesu mbigudi wu bula Nazaledi gu gifudi gi Gadileya.'' ¹² Gu ngoyi ga gondi mu nzu yi bisambu ga tshiadigishi baadu bootsu ba degagi ye bana ba sumbagi.Ye gamani balumuna ma meesa ye bidi bi ba degila mapombu. ¹³ Ga ba ledi mbi:"ba sonigi mbi:'nzu yami yi gala nzu yi bisambu lu ba yi gidula nga nzu yi bidegi!'' ¹⁴ Baadu ba gadi bifwii misu ye bi gada bitshi mukadi ga nzu yi bisambu ye ga ba hulushi. ¹⁵ Ba mbuda ba nganga ba Gahungu ye mi sonigi miganda di ba dadi bima bi guyiduga bi hangagi Yesu ye bana muna saa milolu mundaga yi ngolu mu kadi ga nzu yi bisambu mbi:"Lugumu lu gala gwedi mwaana wu Davidi,''ba yuugi kabu. ¹⁶ Ba mu ledi mbi:"wu ba yuga bu bayagula baadu baa?"Yesu ga ba vududidi mbi:"pimbu,haa loo geedi lu dangi mu miganda mi Gahungu mbi:"gu maganu ma baana bana ba nwaagaga ye bana beega wu boonga lugumu lu pimbu?" ¹⁷ Gu ngoyi Yesu ga ba yambudi,ga gadugi ye bula dina gendi mimba gu bula di Bedani. ¹⁸ Mu musug a wu gilumbu gi landi Yesu ga gadi muna vuduga gu Yelusami,gayugi nzala. ¹⁹ Ga dadi mudi wu ba fige mu mbimba ndjila di gendi pena-pena ga saa mbundu mbi ga dala shi lu lu ndumba lu moshi.haa Loo ga dadi kasa buna,ga ledi mudi wuna ndji mudi wuu loo wu buda keega shi lu ndumba wu moshi,mu dangu diadina mudi wuna wu yuminini. ²⁰ Ba longogi bandi di ba dadi mapandi mana,ba yidugi ye ba yagudi mbi:"buni mudi wu binu wu yuminini?" ²¹ Yesu ga ba ledi mbi:"yi ba lu lela,gu masonga mbi wu gwigidi ye mbundu yi moshi bu lu hanga nga bu yi hangi mudi wu mafige,haa lu fani lesa muselu mbi:"gaduga yaa ye ndawenda wu dilumba mu kadi ga nzadi yi neeni,ye bu yihangamana. ²² Biootsu bi ludi gu bisambu ye gu bi saa gu mbundu,bu lu senda.'' ²³ Dangu di goodi Yesu mu nzu yi bisambu,ba mbuda ba nganga ba Gahungu ye ba mbuda baadu bendi gwedi Yesu,ga gadi muna longa mbi muledi mbi:"ye kii giyega wu ba hanga bima bii ye naa wu mu gu hegi gifwumu gii?'' ²⁴ Yesu ga ba vududidi mbi:"yi ba luyufula gima gi moshi mbi bu lundedi,yi lu lela mbi mu kii giyega yi ba hanga bima bina. ²⁵ Gu bodamana gu Yowani(guni gu dugi?gu yilu mbi loo gwedi baadu?"Ba yandigi gu dendagana mu kadi ga baa mbi:"haa mbi budu yagudi mbi:'gu yilu,'ga du lela mbi:'mudiambu di kii lu gondi gwigila?" ²⁶ Haa mbi bu du yagudi mbi:''gwedi baadu,'du ba dina baadu booma,mudiambu baadu bootsu ba yabi mbi Yowani ga gadi mbigudi.'' ²⁷ Diadina ba ledi Yesu mbi:"loo du yabi,''ga ba ledi mbi:"loo yi ba lu lela mu kii giyega yi ba hanga mapandi maa. ²⁸ Haa kii lu yindudi?''gu gadi ye muudu wu moshi ga gadi ye baana boodi ba bagala:"ga ledi mwaana wuna wu teegu mbi:'ndawenda wu hanga gisalu gu ngundu yi vinu lelu. ³⁰ Mwaana ga vududi mbi:"loo yi ba gwenda,'haa gu ngoyi;ga sobi manunga ye gendi. ²⁹ Ye dada wuna di gendi gwedi wuna wu djioodi ga mu ledi nga bu galedi mbuda wandi.Mwaana wuna ga mu vududidi mbi:"yi ba gwenda dada,'haa loo gendi. ³¹ Mu kadi ga ba boodi naa wu hangi luzolu lu dada wandi?"Ba bayagula mbi:"mwaana wuna wu teegu''Yesu ga ba ledi mbi:"yi ba lu lela gu mukiediga baadu ba fudisaga gidadi ye bakedu ba hangaga gindumbu bu bagoda gifumu gi yilu gu twala yi binu. ³² Mudiambu Yowani gitshi gwedi binu mu ndjila yi mukiediga,haa loo lu mu gwigidi,mudiambu mifudishi bidadi bu ba mugwigidi.Ye binu dangu di lu dadi bima bina loo gu binu lu balumuni mbundu mu gu mugwigila mu bima bina biga lu ledi. ³³ Yu gishilani gigana kiega:"gu gadi ye bagala wu moshi,ga gadi ye ndambu manu mandi ga ga hangi ngundu yi vinu,mu mbimba yi ngundu ga hangi gi gonda,ga shimi wulu di ba buula bwedila vinu,ga dungi nzu yi leeya mudiambu ye gu dalaga ngundu ye ga hani ngundu yandi gwedi beeni mangundu ma vinu mu gudefa.Gu ngoyi,mweni ngundu gendi mu gifudi giega. ³⁴ Dangu di gu galadula ndumba di lungi,ga dumi ba gisalu gwedi beeni mangundu mu gubahega ndumba djiandi. ³⁵ Haa beeni ma ngundu ma vinu ba gami bisadi bi dumishi fwumu,baa badudi,baa suwii wu moshi ba mani fuga wuna weega. ³⁶ Mweni ngundu ga dumishi keega bisadi bi vula ba ludi bana bendi teegu,haa ba dalaga mangundu baa bahangi nga bu ba hangi bana ba teegu. ³⁷ Gu ngoyi,mweni ngundu ga dumishi mwaana wandi,gayagudi mbi:'ba yuga mwaana wami booma.'' ³⁸ Haa di badadi mwaana wu fwumu wu mangundu,baa yagudi mu kadi ga baa mbi:"dala muudu wu sala bonga gi mvwama gi dada wandi ndoona wu ba gwitsa:"yi zaani,du mu zuwani ye du sendani gi mvwama.'' ³⁹ Bwoona baa mu needi,baa mu matshi yendjila yi lupangu lu vinu ye baa muzuwii. ⁴⁰ Dangu di,fwumu wu mangundu mavinu mbi bu gitshi,buni ga fani hanga baadu ba dalaga mangundu?'' ⁴¹ Ba mu ledi:"ga zuwaa baadu ba dalaga ma ngundu ga hana mu gudefa gwedi baadu beega ba hangaga keega mangundu ma vinu,baadu bana ba fani mu hega ndumba djiandi mu tsungi yi gugadula yi ndumba.'' ⁴² Yesu ga ba ledi mbi:"loo gedi lu dangi mu miganda mbi:'daadi di matshi madungi manzu digumi daadi geminini nzu.Bima bi dugi gwedi fwumu biedi bi guyiduga gumisu ma pidu?" ⁴³ Diadina yi ba lu lela,gifwumu gi Gahungu bu ga gadula gwedi binu,ga gihana gwedi bana ba hangaga bisalu bi gifwumu giandi. ⁴⁴ Muudu wuna wu bwii ye londi di daadi dina,bu ga hesuga.Mbi daadi dina bu di bwiidi muudu,muudu wuna ga fani gesumuga bidini-bidini.'' ⁴⁵ Dangu di yuugi banganga ba Gahungu ye mifadishi gingana gina,di ba yaabi mbi ga ba lela baa. ⁴⁶ Ye ba gadi ye fwunu yi gu mugama,haa ba gadi mu booma bu baadu bana yaana,mudiambu baadu bana mudala nga mbigudi.