¹ Yesu ga ba lelagi mu bingana ye gu ba lela mbi: ² "gifwumu gi yilu gi fanagani nga tadila wu moshi wu yilami mu gu hangisa kindjib yi waala mudiambu ye mwaana wandi wu bagala. ³ Wu dumishi ba sadi bandi mu gwenda lela baadu bana ba balendigi mu gwitsa gu waala,haa baa loo bqa zodi gwitsa. ⁴ Todila ga dumishi keega basadi beega ye gu ba lela mbi:'yagulani gwedi bana baa ba lendigi:"dalani,yi yidigi gwedi mi gu dia gu kadfi ga gilumbu;bangombi ba bakedu ye dulumi du pimbu du bazuwii ye bima biootsu bie3di pena-pena.Yizani gu waala.''' ⁵ Haa baadu beeni loo bashi gu mbundu.Bendi gosu muudu gu mangundu mandi,beega mu mahanga ma baa ma gifwa ye gifwa. ⁶ Bana ba saadi ba gami ba sadi ba Todila,baa ba niogudi ye baa ba zuwii. ⁷ Todila ga yugi kabu;ga dumishi ba pumbulu bandi mu gu zuwaa baadu ba zuwii basadi ye gu fuba vula diootsu. ⁸ Gu ngoyi ga yagudi gwedi ba sadi bandi:'mapandi mootsu ma yi yidigi,haa bana baa balendigi loo bitsi. ⁹ Bwoona,ndani gu maagu lendigani muudu wootsu wu ludala gitsa ga dia gu waala. ¹⁰ Basadi bendi mu mandjila ye ba vugishi baadu bootsu bana ba daadi ba pimbu ye ba gondi pimbu.Bwoona,nzu yi waala yi yuudi ye baadu baa balendigi. ¹¹ Mu dangu di godi Todila mudiambu ye gu dala bana baa ba lendigi,ga daadi muna mu gadi ye muudu wu moshi wu gadi wu gonda miledi. ¹² Todila ga muyufudi:"ndugu,buni wu godi mu waala wu gu gonda miledi?"Haa muudu weeni loo ga hani shi mvudu. ¹³ Bwoona,Todila ga yagudi gwedi ba sadi mbi:'gamani gu mioogu ye gu milu muudu wuu mu lumbani ye ndjila mu gidima,gwoona gu gala bidilu ye kwedisa yi minu. ¹⁴ Mudiambu ba lendigami bedi bavula,haa baa ba soodi beedi ga digii.'' ¹⁵ Bwoona,ba falusayi bendi yidiga nga bu benda zoomba Yesu mu nzagudidi yandi ndi beeni. ¹⁶ Baa mudumishi ba tumwaa,gi mvuga ye baadu ba ye Lodi.Ba yagudi gwedi Yesu:''longi,du yabi mbi ndji wu yagulagagi mukiediga ye wu longagagi ndaga yi Gahungu yi mukiediga loo wu sendaga mu mbundu mana ma gadugaga gwedi muudu,loo wu yegamana gwedi muudu mu mambi. ¹⁷ Bwoona du lela kii wu ba yindula?Gu fani mu gu fuda bidadi gwedi Sezadi?" ¹⁸ Haa Yesu ga sendi kabu dji baa ye ga yagudi:"baadu ba bupala!mumbada kii lu ba meega? ¹⁹ Ndesani gidadi shi gi moshi.''Ba mu leshi gi fanisu gi mooshi. ²⁰ Yesu ga ba ledi:"yagulani:kii biedi gifanisu gii keega djina ndiandi naa?" ²¹ Baa mu vududidi mbi:"gwedi Sezadi."Bwoona Yesu ga ba ledi mbi:hanani gwedi Sezadi bima biana bi fani gwedi Sezadi ye gwedi Gahungu biana bi fasni gwedi Gahungu. ²² Bu bayugi mapandi mana,ba gadi muni yiduga.Bwoona ba mu yambudi gendi. ²³ Mu gilumbu giaana,ga gimvuga ga ba sediya bana ba yagulagi mbi,loo gwedi ye lufudumugu badaadi gwedi ndi ba mu yufulagi mbi: ²⁴ ''longi,Mososhi ga yagudi mbi:'mbi muudu bu ga fwii wu gonda gu buda shi mwaana,pangi wandi wu bagala ga fani mona keega mukedu wandi mudiambu ga buda yandi baana. ²⁵ Gu gadi ye ba pangi ba bagala ba nsambwadi.Wu moshi ga mooni mukedu haa gafwii wu gonda gu buda mwaana ye gashishi mukedu wandi gwedi pangi wangi wandi wu bagala. ²⁶ Wu djioodi ga hangi gi desu gi moshi;wu dadu tii gwedi wu nsambwadi gi desu gi moshi. ²⁷ Gu ngoyi baa,mukedu keega ga fwii. ²⁸ Dangu di du leledi,mu lufrudumugu ga gala wu naa mukadi ga ba bagala baa bansambwadi;mumbada baa bootsu bu mu mooni?'' ²⁹ Haa Yesu ga ba vududidi ye gu ba lela mbi:"lwedi mu gifuu,mudiambu binu loo lu bayaba shi masonugu,shi ngolu dji Ghungu. ³⁰ Mumbada mu lufudugu,loo lu monagana ye loo lu ba duma keega shi wu moshi mu gu moona.Bwoona lu gala nga ba tumwaa mu yilu. ³¹ Haa mu bina bi dadidi lu fudumugu mu lufwaa,loo lu dangi bina bi lu ledi Gahungu: ³² ''yeedi Gahungu wu Abalahamu,Gahungu wu yi Sagi ye wu Djiagobu?Gahungu loo gedi Gahungu wu ba fwii,haa wu baadu ba mooni.'' ³³ Mu dangu di gimvuga gi yugi bwoona ba yidugi mu malongi mana. ³⁴ Dangu ba Fadise di ba yugi mbi Yesu ga vududi ba Sediseya mu pweede yiootsu,ba hangi gi mvuga. ³⁵ Wu moshi mu kadi ga baa,ga gadi munganga wu mbuda mu tshigu,ga muyufudi giufu yi moshi mumbada ga mulonguga: ³⁶ "longi,mutshigu wu neeni mu kadi ga mitshigu wu kii yandi?'' ³⁷ Yesu ga mu vudidi:"zola fwumu Gahungu woogu mu mbundu yagu yiootsu,mu mooni woogu wu muhundu ye mu mabanza magu mootsu.'' ³⁸ Wuu geedi mitshigu wu neeni wu teegu. ³⁹ Mutshigu wu djooidin gedi keega gidesu gi moshi ye wu teegu:"zola pangi woogu nga ndji mweeni.'' ⁴⁰ Mu kadi ga mitshigu mii mioodi mu kadi ga tshigu mi yendilagani ye gwedi ba longi.'' ⁴¹ Ba Fadiseya ba gadi teegu mugimvuga Yesu ga ba yufudi. ⁴² Ye gu yufula:''kii lu ba yindula bu yagudi Kidishidu?Gwedi naa weedi mwaana?"Ba mu vuduididi"mwaana wu Davidi.'' ⁴³ Yesu ga ba leedi mbi:"buni Davidi,ga yudi ye muhunga wu gu gedila,ga lendigaga fwumu,mu dangu di ga yagulaga, ⁴⁴ 'fwumu ga yagudi gwedi fwumu wami:"gala gu googu diami di gidada,tii gu yigumisa ba mbeni baagu gi galu giaagu.'''?''' ⁴⁵ Mbi Davidi ga lendigagi Kidishidu,'fwumu'buni geedi mwaana wu Davidi?" ⁴⁶ Loo shi muudu wu moshi wu gadi gigesa di gu mulela shi ndaga.Ye,yandiga gilumbu gina,loo shi muudu wu meegi gu yula magiufu.