¹ Gi lumbu gina,Yesu ga gadugi gu nzu,gendi sugumuga pena-pena ye nzadi mudiambu ye gu longa. ² Baadu ba vula bitshi yula pena-pena ye gi hani gi gadi Yesu,bwoona gendi sugumuga mu gadi ga bwaadu,baadu bootsu bitshi manana pena-pena ye mwetshi. ³ Ga gadi muni ba lela mapandi ma vula mu bingana mbi:"muudu wu moshi ga gadugi gu nzu yandi mudiambu ye gwenda guna mangundu. ⁴ Dangu di ga ba guna kuna mu mangundu,kuna djeega djee bwaa mu kadi ga ndjila;baq nuni bitshi ba djidi. ⁵ Kuna djeega djee bwaa ye londi di manu ma madadi;manu mana loo ma gadi mavula.Kuna djeeni djimeni tswalu,mudiambu manu loo ma gadi mavula. ⁶ Haa dangu di hangi mwiini wu ngolu,ga ffwimishi ga ndambu ga kuna djina djidugi,bwoona djiyiminini,mudiambu loo dji gadi kega dji leeya. ⁷ Kuna djeega djee bwaa ye londi di bingangi.Dangu bingangi bina di bigudi,bigangi kuna djina dji pimbu. ⁸ Haa kuna djeega djee bwaa mu manu ma pimbu,kuna dji djia dji budi ndumba,djega dji budji ndumba kama,djeega maguumi masambanu,djeega maguumi madadu. ⁹ Bwoona Yesu mbi:"gosu muudu wuna weedi ye matsu,ga yuga!" ¹⁰ Dangu di,balongogi bitshi yufula Yesu mbi:"mudiambu di wu ba balelaga mu bingana?" ¹¹ Yesu mbi:"Gahungu wu luhegi ndjila yi gu yaba mapandi ma gitswegi ma gi fwumu giandi,haa loo gahani gweedi baadu bana beega. ¹² Mudiambu muudu wuna weedi ye bima,Gahungu ga mu yiga bima biega mudiambu gala bia bi guluda gidesu!Haa muudu wuna wu gondi shi gima,Gahungu ga gadula shi ga ndambu gana ga gedi gaa. ¹³ Ya yena yi ba balela mu bingana;mudiambu,haa ba dalaga,ba yugaga,haa loo ba yabaga. ¹⁴ Bwoona,mapandi ma mbigudi Ezaya ma ga yagudi,ma lungisami:lu yuga mivula,haa loo luyaba;lu bala dala ngolu,haa loo ludala. ¹⁵ Mudiambu ma banzaa ma baadu baa ma yitshi ngolu-golu,ba yugaga pimbu mu matsu ma baa,ba gangi misu ma baa.Mbi buna loo,ba kandi dala mu misu ma baa,ba kandi yuga mu misu ma baa,ba kandi yaaba,bwoona ba kandi balumuna mbundu mudiambu yi ba gindisa. ¹⁶ Bwoona binu,lweedi mu gieshi,ludalaga gu misu ma binu,lu yugaga mu matsu ma binu. ¹⁷ Yi ba lu lela mapandi ma kiediga:mu dangu di tuunda,ba mbigudi ba vula ye baadu ba vula ba Gahungu ba gadi ye fwunu yi gudala mapandi maa ma ludalaga,haa loo ba madadi;ba gadi ye fwunu di gu yuga mapandi maa,ma lu yugaga,haa loo ba ma yugi. ¹⁸ Yugani gisongidila gi gingana gi muudu wuna wendi guna ma ngundu. ¹⁹ Baadu bana ba yugaga tsangu dji gi fwumu gi Gahungu,haa loo ba dji yabaga,beedi nga ndjila,kuna djeega yi tsaga bwaa mu ndjila ya yina.Muudu wu mbii gitsaga gadula mapandi mana meedi mumbundu yi baadu. ²⁰ Baadu beega beedi nga manu mana meedi ye londi di madadi.Tsangu di saga bwaa ye londi di manu.Mbi bu bayugi gu hwii,ba magumbulaga mu gieshi. ²¹ Haa loo ba gangaga mbundu,loo ba galaga maa dangu sdjivula.Bwoona mbi bu badadi pashi mbi loo baadu beega bu ba badadishi pashi mudciambu ye tsangu dji Gahungu,ba gadulaga l;u gwigilu lu ba tsalu. ²² Baadu beega kega beedi nga gihani gina,ye gandambu ga gingangi.Tsangu djisaga bwaa ye gihani giagina ba yugaga tsangu djina,haa mabanza mudiambu ye lugwigilu lu gifudi lu ba yangisaga,gieshi gi gimvwama gi baa gi ba hunaga,gi gangaga tsangu,bwoona tsangu dji vagaga pamba. ²³ Baadu beega beedi nga manu ma pimbu,tsangu dji saga bwaa mu manu ma mana,ba dji yugaga,ba dji yabaga;ba budaga kuna beega kama,beega ma guumi masambanu,beega maguumi ma dadu. ²⁴ Yesu ga badedi gi ngana giega:"gi fwumu gi Gahungu gi fanagani ye muudu wu moshi wu guni kuna dji pimbu mungundu yandi. ²⁵ Gi lumbu gi moshi mupiba,dangu baadu bandi ba gadi ba nimbi,mbeeni wandi gitshi guna kuna dji mbii mu kadi ga kuna dji pimbu,bwopona gendi gwandi. ²⁶ Dangu kuna dji ble dji dugi,dji budi ndumba,kayab ndjiandi dji dugi keega. ²⁷ Baadu ba muudu weeni bitshi mu yufula mbi:"fwumu,loo guni kuna dji pimbu mu mangundu ma gwoogu?"Haa bi fwufu bi mbii guni bi dugi?" ²⁸ Ga ba vufududi mbi:"mbeeni wu hangi buna.''Ba mu tyufudi mbi twenda dusumuna bifwufu bi mbii?" ²⁹ Ndi mbi:"loo,dangui din lubala tsumuna ndumba dji ble. ³⁰ Ya mbulani ndumba dji ble ye bi fwufu bi mbii bi duuga gi hani gi moshi tii mu dangu dina di lubula dji gadula.Mu dangu dina,bu yi lela baadu bana ba gadulaga kuna mu gu gadula teegu bi fwufu bi mbii ye mu gu biganga mu kuda mudiambu mu gu bimasa gu mbaa;haa kuna dji ble yi ba lela mu gu dji saa mu nzu yina yi dji swegaga. ³¹ Yesu ga badedi gi ngana giega mbi:"gi fwumu gi Gahungu gi fanagani ye galundumba lu moshi lu mudi wu mutarde,wu muudu wu moshi wu ga guni mu mangundu mandi. ³² Lwedi lu ndumba lu moshi lu gi gidi mu kadi ga ndumba djiootsu.haa mbi bu dji meeni,dji ludi miidi miootsu mu buneeni wu gumi mudi wu neeniwunan ba nuni ba fani gwitsa dunga buyamba bu baa mu taangu djiandi.'' ³³ Yesu ga ba dedi gingana giega:"gi fwumu gi Gahungu gi fanagani ye mwemu wu mapaa,mbi mukedu bu ga mushi mulonga makilo maguumi moodi ye madadu,ga muyambula tii gu gaguma wu vula. ³⁴ Yesu ga yagudi gwedi baadu mapandi mana mootsu mu bingana buna. ³⁵ Ga hanga buna mudiambu mu gu lungisa mapandi mana ma mbigudi wu Gahungu ma ga yagudi:"yi bala ba lela mu bingana,yi bala ba yabisa mapandi mana ma Gahungu ma ga swegi yandiga di ga gangi bima biootsu.'' ³⁶ Dangu di,Yesu ga shi-shi baadu ga vudugi gu nzu,ba longogi bandi bi shi mu lela mbi:"du dendudila gingana gina gi kasa dji mu mangundu.'' ³⁷ Yesu ga yagudi mbi:"muudu wuna wu guni kuna dji pimbu gwedi mwaana muudu. ³⁸ Mangundu meedi gi fudi giootsu,ndumba dji pimbu gwedi baadu ba gi fwumu gi Gahungu,ndumba dji mbii djeedi baadu ba muudu wu mbii. ³⁹ Mbeeni wuna wu guni bi fwufu bi mbii gwedi sadana.Dangu di gu gadula ndumba gwedi dangu di suga di gi fudi,baadu bana ba gadulaga kuna beedi ba wandjio. ⁴⁰ Pila yi ba sagaga kasa djimbii gi hani gi moshi,ba muni dji saa mbaa,gu gala gidesu gi moshi mu dangu di tsuga di gi fudi. ⁴¹ Mwaana muudu ga dumisa ba wandjio bandi,bwoona ba gadula mu gi fwumu giandi baadu bana bootsu babendaga baadu beega mu gu hanga masumu ye baadu bana bootsu bahangaga mbii. ⁴² Ba balumba mu wulu di mbaa,guna ba bula dila,ba bula ganga minu ma baa ngolu. ⁴³ Bwoona baadu ba Gahungu ba balalema nga mwiini mu gi fwumu gi dada baa.Gosu muudu wuna weedi ye matsu ga yuga. ⁴⁴ Gi fwumu gi Gahungu gi fanagani ye bima bina bi taalu bi ba swegi mu ngundu.Mbi muudu wu moshi bu ga bidadi,bu ga sala gu bi swega keega.Bwoona mudiambu ye gieshi giandi,ga genda deega bima biandi biootsu,dangu di,ga gwitsa sumba ma ngundu mana. ⁴⁵ Kega,gi fwumu gi Gahungu gi fanagani nga gumedisa wu dingaga wu dingaga mayaga ma taalu. ⁴⁶ Mbi bugadadi yaaga di moshi di gu luda taalu yi vula,ga gwenda deega bima biandi biootsu,bwoona nga ga gwitsa sumba yaaga dina. ⁴⁷ Kega,gi fwumu gi Gahungu gi fanagani nga bugondi bu baadu bana lobaga ba mbitshi ba lumbi mu mwetshi,bu gamaga ba mbitshi ba mutindi ye mutindu. ⁴⁸ Mbi bugondi bu yuudi ye ba mbitshi,ba fani bu benda mu mbimba mwetshi,ba gala mudiambu ye gusola ba mbitshi,ba saa ba mbitshi ba pimbu mu bi sandji,haa ba matsa bana ba mbii. ⁴⁹ Gu gala kega gidesu mu gilumbu gi tsuga gi gifudi:ba wandjio ba gwitsa duga,ba sola baadu bambii ye baadu ba pimbu. ⁵⁰ Ba lumba baadu ba mbii mu wulu di mbaa,guna ba bula dila,ba bula ganga minu ma baa ngolu. ⁵¹ Yesu ga bayufudi mbi: bu lu yabi mapandi mana mootsu?''Ba mbi:"ee'' ⁵² Bwoona ga ba ledi mbi:"bwoona,gosu longi wu matshigu wuna wu gumi mu longogi wu gi fwumu wu Gahungu wu fanagani ye fwumu wu moshi wu nzu wu dusaga bima bi mpaa ye bigulu gu sugu dina di ga swegaga bima biandi.'' ⁵³ Dangu Yesu di gadi bingana bina,ga gadugi yena. ⁵⁴ Bwoona gendi gu bula diandi.Ga yandigi gu longa baadu mu nzu yi baa yi bisambu.Bana ba muyugi ba yidugi.Ba yandigi gu yagula mbi:"ndugi djiandi dji djimugadugi guni?Kii pila ga bahanga mapandi ma gu yiduga? ⁵⁵ Haa loo geedi mwaana wu mudungi manzu?Haa Madiya loo geedi ngudi waandi?Haa Yagobu,Yozefu,Shimoni,yeYudashi loo beedi ba geegi bandi? ⁵⁶ Haa ba pangi bandi bootsu ba bakedu loo yaa mukadi ga pidu?Bwoona mapandi maa mootsu ma ba muduga guni?'' ⁵⁷ Bwoona mudiambu ye mapandi mana ba duni Yesu.Haa Yesu ga ba ledi mbi:"ba didisaga mbigudi wu Gahungu ndambu yiootsu,haa gu bula diandi ye mu giganda ba mudidisaga. ⁵⁸ Loo ga hangi bilumbu bi vula guna,mudiambu loo ba mugwigila.