¹ Gu ngoyi gu gadi gilumbu moshi gi guhululuga.Yesu ga gadi mu gu luda ye kadi ga mangundu ma ble,ba longogi baandi ye nzala;ba yandigi gudabula ble ye gudjidiaa. ² Dangu ba fadishi di ba dadi mapandi mana,ba ledi Yesu mbi:"dala,ba longogi baagu ba bahanga mapandi mana medi shigu mu guhanga mu gilumbu gi guhululuga!" ³ Yesu ga ba vududidi mbi loo ludangi mapandi mana ma Davidi ma gahangi ye baadu bandi dangu di ba gadi nzala? ⁴ Ye ga godi mu nzu yi bisambu yi tenda,bwoona ndi ye baadu bandi ba di mapaa mana ma hegi Gahungu,shi gu gadi tshigu baa mugu madia kaga ba mbuda ba dibundu ba fani madia. ⁵ Mbi loo,loo lu dangi mi ganda mi tshigu mi Mososhi mbi gosu gilumbu gi guhululuga ba mbuda ba dibundu loo ba landaga tshigu djina mu gilumbu gina munzu yi bisambu?Haa loo gwedi mbi mu misu ma Gahungu! ⁶ Yi ba lulela mbi,wuna wedi ya wu ludi nzu yi bisambu mu fwunu. ⁷ Ma sonamani mu muganda wu Gahungu mbi:"loo yi zolaga mbi baadu ba pega magabu ma ba mbitshi;''.mapandi mana ma yi zolagagi medi mbi baadu ba yuga baadu beega kenda;mbi lu yaba gisongidila gi mapandi mana,loo lu kandi beedisa baadu bana ba kondi hanga mbii. ⁸ Mudiambu mwaana muudu gedi ye fwunu yi gilumbu gi guhululuga. ⁹ Yesu ga gadugi yena,gendi goda mu nzu yi bisambu. ¹⁰ Muudu wu moshi wu gadi muna ga gadi ye gogu di gi fwuu.Baadu beega ba gadi muna ba zola ba fwunda Yesu mbi wu gahangi mbii;ya yena ba mu yufudi mbi:"gadi matshigu ma pidu mahanaga tswaa mu gugindisa muudu mu gilumbu gi guhululuga?" ¹¹ Yesu ga vududidi mbi:"mbi muudu wu moshi mu kadi ga binu wedi ye dimema,haa dimema dieni di bwii mu wulu mugi lumbu gi guhululuga,kii wu fani hanga?Loo wu gwenda gu disenda ye gu didusa mu wulu. ¹² Muudu gedi fwunu yingi yi guluda dimema!Bwoona loo gwedi tshigu mu gulusa muudu mu gilumbu gi guhululu.'' ¹³ Bwoona Yesu ga ledi wuna wu gadi ye gogu di gifwuu mbi:"dandumuna gogu diagu''ga di dandumuni ya yena di gumi pimbu nga diana diega. ¹⁴ Ba fadishi beendi wanagana mudiambu di gu dinga pila di gu zuwa Yesu. ¹⁵ Dangu Yesu di ga yugi mapandi mana ga gadugi yena baadu ba vula ba mu landa.Ga gindishi baadu ba vula ba makashi. ¹⁶ Haa ga ba gebishi mbi :"loo fani yabisa baadu beega mbi mi yedi naa!'' ¹⁷ Gu gadi buna mudiambu ye gu lungisa mapandi ma mbigudi Ezaya ma gayagudi mbi:" ¹⁹ Ndi loo gasaa teembi,ndi loo gasagaga loolu,shi muudu wu moshi ga yuga ndaga yandi mu muwangu. ²⁰ Loo ga gesa lugasa lugondamani,loo ga djima mbaa mu mushinga wu minda wuna wu lemaga mbaa pimbu.Ga landa kaga tii gona gu ganungisa mapandi ma kiediga. ²¹ Bwoona baadu bootsu ba saa mbundu gwedi ndi!" ²² Dangu,di bitshi nedila Yesu gihulu gi moshi,misu mandi kega ma gadi ma gu fwaa ga gadi buna mudiambu ga gadi ye muhunga wu mbi.Yesu ga gindishi muudu weeni ya yena ga yandigi guyagula ye gudala. ²³ Baadu bootsu ba yidugi ba yandigi gu yufula mbi:"bunii,loo mbi ndiwu wu fani gala mwaana Davidi?" ²⁴ Dangu ba fadishi di ba yugi mapandi mana ba yagudi mbi:"ndi ga dusaga mimbii kaga mungolu yi fwumu di baa diabulu belezebule.'' ²⁵ Haa Yesu bu gayabi ngindu dji baa,bwoona ga baledi mbi:''mu gosu gi fwumu gina gi baadu ba banwaana baa ye baa,talu yi baadu bana bu yi gulumuga bwoona,mbi baadu ba bula di moshi mbi loo famidia di moshi ba banwaana baa ye baa,bula dina mbi loo famidia dina loo di fani djinga kega. ²⁶ Sadana wu dushi baadu bandi ndi beeni,ba gabulagani.Kii pila gi fwumu giandi gi djinga kega? ²⁷ Binu lu ba yagula mbi yi dusaga mihunga mimbii mu ngolu dji sadana belezebule bwoona ba longogi ba binu,mu ngolu dji naa ba midusaga?Mbi bwoona mapandi mana ma ba longogi ba binu beeni ma bahangaga ma balesa mbi loo lu yagulaga mapandi ma kiediga! ²⁸ Haa mbi mi tusaga mihunga mimbii mungolu dji muhunga wu Gahungu,gu balesa mbi gi fwumu gi Gahungu gi gumi mu kadi ga binu. ²⁹ Muudu loo ga fani goda mu nzu yi muudu wu moshi wu ngolu mudiambu ye gu yiba bima biandi mbi loo yandu ga gangi muudu wuna mi shinga.Haa mbi bu ga mugangi mishinga gu hwii,wufani yiba bima biootsu biedi gu nzu yandi. ³⁰ Muudu wuna wu gondi ndugu wami,gedi mbeeni wami;muudu wuna wu gondaga tsadisa mu gu vugisa baadu beega ye mi,ndi ga ba pasaga. ³¹ Bwoona yi ba lulela mbi:mudiambu gosu masumu ma hanga baadu,mudiambu gosu gu vwenza guna gu baadu ba vwenzaga Gahungu,Gahungu ga ba hega ndola;haa loo galolula muudu wuna wu vwenza muhunga wu saantu. ³² Gosu muudu wuna wu yagula mapandi ma mbi mudiambu ye mwaana muudu,Gahungu ga mu lolula.Haa muudu wuna wu yagula mapandi ma mbii mudiambu ye muhunga wu gedila Gahungu loo ga mu lolula shi mu dangu di gwitsa. ³³ ''Mbi bu luzodi senda ndumba dji pimbu binu lu fani gala ye muudi wu pimbu;mbi lwedi ye mudi wu mbii,lu senda kega ndumba dji mbii.gosu mudi ga yabaganaga mundumba djiandi. ³⁴ Binu ba mbitshi baa,mbi lwedi baadu ba mbi kii pila lu fani yagula mapandi ma pimbu?Mudiambu muudu ga yagulagagi mapandi mana ma yudi mu mbundu yandi. ³⁵ Muudu wu pimbu ga dusaga mapandi ma pimbu mana ma gedi maa ma vula;muudu wu mbi ga dusaga mapandi mana mambi ma gedi maa meengi. ³⁶ Yi ba lu lela mbi:mu gilumbu gina Gahungu gi gasambisa baadu,ba samba mudiambu ye gosu mapandi ma pamba-pamba ma ba yagulaga. ³⁷ Gahungu ga nungisa mbi loo ga gu beedisa mu mapandi mana ma wu yagulaga.'' ³⁸ Dangu di,balongi beega ba tshigu ye ba fadishi beega ba yufudi Yesu mbi:"longi,pidu du zodi gu dala gi dimbu gi moshi gi balesa mbi ndji wedi ye giyega.'' ³⁹ Haa Yesu ga ba ledi mbi:"binu baadu ba dangu di,lwedi baadu ba mbi binu kega loo lwedi ye lu gwigilu!Lu ba zola dala gidimbu,haa Gahungu loo ga lu lesa gidimbu giega,haa bina bi mbigudi Yona buna. ⁴⁰ Pila Yona ga gadi mu zumu di mbitshi wu neeni mu mwetshi bi lumbu bi dadu piba ye mwiini mu pila ya yina kega yi gala mwaana muudu mu manu bi lumbu bidadu piba ye mwiini. ⁴³ Mbi muhunga wu mbi bu gadugi gwedi muudu,gendaga luda bihani biana bi gondi mwetshi mudiambu ye gudinga bihani bi gu hululuga.Mbi loo gadadi gi hani, ⁴⁴ Ga yagula gumbundu wandi mbi:"yi ba vuduga munzu yami yi dugi.''Dangu di ga vuduga guna mbi bugadadi mbi baadu loo beedi mu nzu yina,ba yi gombi,ba yi yidigi pimbu, ⁴⁵ Dangu di ga gwe senda mi hunga miega kega mi nsambwaadi mi miludi mumbi;mihunga mina mi gwitsa goda mu nzu yina bwoona mi ndjinga muuna,gutsuga yi mapandi maa,ndjingu lu muudu wu lu gwitsa mbii penzaa gu luda pila yi lugadi teegu.Lu gala gi desu gi moshi ye baadu ba dangu di.'' ⁴⁶ Dangui Yesu di gadi muni yagula kaga gwedi baadu bana,gudi wandi ye ba pangi baandi bitshi niamuga ye ndjila;ba gadi mu gu mulela mapandi. ⁴⁷ Bwoona muudu wu moshi ga mu ledi mbi:"dala,ngudi woogu,ba pangi baagu beedi ya-ya ye ndjila,ba bazola gu gulesa mapandi.'' ⁴⁸ Yesu ga mu ledi mbi:"ngudi wami naa?ba pangi baami ba naa? ⁴⁹ Yesu ga ledi balongogi baandi ye gogu diandi,ndi mbi:"dalani:ngudi wami ye ba pangi bami ba-ba! ⁵⁰ Gosu muudu wuna wu hangaga mapandi mana ma dada wami gu yilu ma ga zolaga,ndi wuna wedi pangi wami wu bagala mbi loo wu mukedu,mbi loo ngudi wami.''