¹ Dangu Yesu di ga yagudi ma pandi mana ma ba longogi bandi magu moodi gu hwii,ga gadugi yena mudiambu ye gwe longa mapandi ma Gahungu mu mabula mana medi fwinama. ² Dangu Yowani batishite di ga gadi mu dangu-mbada,ga yugi baadu muni ya gula mudiambu ye bisalu bi Kidishidu bi gahangagagi,bwoona ³ Mudiambu ye gu yufula Yesu mbi:"loo wedi muudu wuna wu fani gwitsa,mbilo du faniginga muudu wega?" ⁴ Yesu ga ba vududidi mbi:"ndaa lwenda lu mu lela Yowani mapandi maa ma lu ba yuga ye ma lu ba dala. ⁵ Baadu ba fwii misu muni dala kega,bibogu muni gwenda,baadu ba gi kashi gi kungudi muni ginda,baadu ba fwii matsu muni yuga,baadu bana ba fwii muni niamuga,ba tsugami muni yuga tsangu dji pimbu. ⁶ Gieshi gwedi muudu wuna wu gondi mbundu djioodi mudiambu ye mi!" ⁷ Ba longogi bana ba dumi Yowani,dangu di bendi gu hwii,Yesu ga yufudi baadu bana ba gadi yena mudiambu ye Yowani mbi:"dangu di lwendi mumanu ma maganga mu gudala Yowani,lu yindudi mbi kii lu gwe dala?Lugasa luna lunigaganaga mu muhunga? ⁸ Kii lwe dala?Muudu wuna wu vadi miledi mi guluda pimbu?Haa baadu bana ba vadaga buna ba galaga mu nzu yi ba todila. ⁹ Kii lwe dala?Mbigudi?ee,yi ba lu lela mbi ndi wu ludi kega mbigudi. ¹⁰ Muiambu Yowani gedi muudu wuna wu muganda wu Gahungu wu yagudi mbi:"Gahungu ga ba yagula mbi:wu tumwa wami wu yi ba dumisa gu misu magogu mu gu gu yidigila ndjila.'' ¹¹ Yi ba lu lela mapandi ma kiediga:ye kadi ga baadu bootsu ba budugi ye londi di gifudi,loo gwedi shi muudu wu moshi wu ludi Yowani mbodigi,haa muudu wuna wu gondi fwunu yiingi ye kadi ga baadu bootsu mu gi fwumu gi Gahungu wu ludi Yowani mbodigi mu fwunu. ¹² Gaduga di Yowani mbodigi di gayandigi gu longa tii dangu di,ba nwanisaga gi fwumu gi Gahungu,baadu ba mbi ba megagi kega mu gu gidambula. ¹³ Ba mbigudi bootsu ye miganda mi matshigu mi Mososhi mi yagulagagi mudiambu di gi fwumu ye mu dangu di Yowani di gayandigi gi salu. ¹⁴ Mbi bulu zodi gu gumbula mapandi maa,Yowani gedi Ediya wuna wu ba yagulagagi mbi bu ga gwitsa. ¹⁵ Gosu muudu wuna wedi matsu,gayuga! ¹⁶ ''Gwedi naa yi fani fanigisa baadu ba dangu di?Ba fanagani nga ba naa bedi ye gihani gina giedi baadu beengi.Baana beega ba lesa bana beega. ¹⁷ Mbi:"pidu du lu budidi mizigi mi maginu haa loo lu gini!du yimbi migunga haa binu loo lu didi.'' ¹⁸ Yowani wu yitshi,wu duni gudia mapaa ye gu nwa malafu mudiambu ye gu samba Gahungu,bwoona baadu muni yagula mbi:''Gedi ye gi ye mihunga mi mbi!'' ¹⁹ Mwaana muudu gitshi ga diagaga,ga nwagaga,bwoona ba muni ya gula mbi:"dala muudu wu:gisalu giandi kega gu dia ye gunwa malafu,gedi kega ndugu wu dulagi du gidadi ye wu baadu beengi ba mbi.''Haa mayela ma Gahungu ma monigaga ma kiediga mu bisalu bi bia.'' ²⁰ Dangu di,Yesu ga yandigi gu nganina baadu ba gadi ye mabula mana ma gahangi ma pandi meengi magu yiduga,mudiambu loo ba balumuni mbundu.Ga yagudi mbi: ²¹ "Kenda gwedi binu beeni bula di Korazini!kenda gwedi binu beeni bula di Betsayida!Mudiambu bidimbu bina bi ludadi mu mabula ma binu,mbi baadu ba bula di ,Tidi ye Shidoni mbi bu ba bidadi,nga gu mwaga ba kani vada ma ngodu,ba kandi gudi gwida mbombi yi mbaa muludu di baa mudiambu ye gudi lesa mbi ba balumuni mbundu. ²² Haa yi ba lu lela binu bootsu mbi mu gi lumbu gina Gahungu gi ga sambisa baadu,ndola dji baadu ba Shidoni ye bula di Tidi dji gala djikunda,haa ndola dji binu djigala djiingi. ²³ Bwoona binu baadu ba bula di kapedinahumu,lu ba yindula mbi Gahungu ga lu sangula tii gu yilu?Loo,ga lu lumba gu bi lungi mudiambu,bidimbu bina bi ludadi gu bula di binu,mbi beni sodomu ba bidalaga,ngaa bula di binu diedi tii leludi! ²⁴ Haa yi ba lu lela mbi,mu gilumbu gina Gahungu gi gasambisa baadu,ndola dji beeni sodomu dji gala dji digi-digii,haa ndola di binu dji gala dji vula!'' ²⁵ Mu dangu dina,Yesu ga yagudi mbi:"da,ndji muudu wedi fwunu yi manu ye yilu,yi ba guhega madonda,mudiambu ye mapandi mana ma wuswegi gwedi beeni mayela ye gwedi baadu ba gu longuga,witshi ma lesa gwedi baadu bana ba gondi longuga. ²⁶ EE,da,wu hangi buna,mudiambu di gu guhega gieshi. ²⁷ ''Dada wami wu ndeshi mapandi mootsu.Shi muudu wu moshi loo ga yabi mwaana,haa da buna muudu wu mu yabi,shi muudu wu moshi loo ga yabi da,haa mwaana buna wu mu yabi,ye baadu bana ba zola mwaana mbi ba mu yaba. ²⁸ Yi zani gwedi mi,binu bootsu baadu bana lu lembwi,mudiambu lwedi ye bugogu bu vula,bwoona nga yi luhega dangu yi gu hululuga. ²⁹ Sendani bu gogu bwami bu nedani;galani ba longogi baami,mudiambu yedi muudu wu pwedeee,ye muudu wu mbundu yi pimbu;bwoona lu yaba gu hululuga. ³⁰ Bu gogu buna bu yi hega loo bwedi pashi mu gu buneda mudiambu loo bwedi bu gogu bu vula.''