² Ma djina ma ba tumwa gumi ye moodi maama: wu tegu Shimoni{wu ba lendigaga Piedi}ye mu gegi wandi Andele;Yagobu ye mugegi wandi Yowani,baana ba Zebede; ³ Filipi ye Baditelemi;Toma ye matayi muudu wu gadi tegu galagi ga bi dadi;Yagobu mwaana wu Alufeyo;ye Tadeyo; ⁴ Simoni wuna wu gadi revolisionere;ye Yudashi arkariyote,wuna wu degi yesu. ⁵ Dangu Yesu di ga dumi baadu bana gumi ye boodi ga ba ledi mbi:loo gwendani mu manu ma baadu bana ba gondi bayudashi;loo gu godani shi mu mabula ma manu ma samadiya. ⁶ Haa ndani gwedi baadi yizalayedibana beedi nga ma mema mana ma bilaga. ⁷ Lwenda lu longa baadu mbi:"gi Fwumu gi Gahungu gi gumi finamu! ⁸ Gindisani ga kashi,lu shamugisa baadu ba fwii,lu gindisa bana beedi ye ma kashi ma bingishi,lu dusa mi hunga mimbii.lu senda ma gabu mapamba,hanani magabu kega mapamba gwedi baadu. ⁹ Loo gu sendani gosu mutindu wuna mbongu mu gusa mu mapogoshi ma binu. ¹⁰ Loo gu sendani shi ga tsagi ga mbongu mudiambu ye ndjila,loo shi masumishi moodi-moodi,shi bi ladu loo,shi mudi gu mioogu loo.Mudiambu muudu wu gisalu ga fani senda bima bina bi giedi bia fwunu. ¹¹ ''Mbi bulugumi ye bula di neni mbilo di kunda,dingani wuna wu fani gu luyamba,ya yena lu nimbi kaga gu nzu yandi tii guna gu lu gaduga gu bula dina. ¹² Mbi bulugodi mu nzu yi baadu,lu bahegi mbodi. ¹³ Mbi beeni nzu yina bu ba luyambi,mbodi yi binu yi gala kaga boobuna;haa mbi loo ba lu yambi mbodi yi binu yi vuduga gwedi binu beeni. ¹⁴ Bwoona mbi nzu yi moshi mbilo bula di moshi di lu duni mu gu luyamba mbilo mu gu yuga mapandi ma binu,gadugani yena.Dangu di lu ba gaduga,pubulani milu mi binu mudiambu ye gu gadula fudu yina yedi mu mashina ma milu ma bimu,mu pila mbi ba yaba mbi ba hangi mbi. ¹⁵ Yi ba lulela ma pandi ma kiediga:mu gilumbu gina Gahungu gi gasambisa baadu,ndola yi baadu ba sodomu ye bula di gomore yi gala ndambu,haa ndola yi bula dieni yi luda gidesu!'' ¹⁶ ''Dala,yi ba ludumisa nga ma mema mu kadi ga ba koyi;galani mayela nga du bulugu.Galani ye mbundu yi pwede ga dipombu. ¹⁷ Di gebani pimbu,mudiambu lwedi ye baadu beega ba lugama,ba luneda gwedi ba zushi yana balubula misamba mu ma nzu ma baa ma bi sambu. ¹⁸ Lu gwee samba gu misu mi ba guvedinedi ye mu misu mi ba todila mudiambu ye mi.Bwoona lu yaba guda gi mbangi gu misu mi baa ye gu misu mi baadu bana ba gondi ba yudashi. ¹⁹ Mbi bu ba lusambishi mu tribinale,lu dalegu pashi gu mbundu mbi:"ki duyagula?mbilo ki pila du fani yagula?"mudiambu Gahungu ga lu lela mu dangu dina ma pandi mana ma lu yaluyagula. ²⁰ mudiambu loo mbi binu baadu luyagula:haa muhunga wugedila wu dada wu binu wu lulela ma pandi mana ma luyagula. ²¹ Baadu ba hana ba pangi dji baa gu mioogu mi ba mbeni mudiambu ye gu ba zuwa,ba dada kega ba hanga gi desu gi moshi gwedi baana ba baa.Baana ba guma ba mbeni ba badada ye ba ngudi ba baa,ba kega ba bazuwa. ²² Baadu bootsu ba lu menga mudiambu ye mi.Haa muudu wuna wu ganga tii gu tsuga,ndi bu ga huluga. ²³ Mbi bu baludashi pashi gu bula diega,ludini gu bula diega.Yi ba lulela ma pandi ma kiediga loo mu manisa gi salu gi binu mu mabula mootsu ma Yizalayedi mbi mwaana muudu loo yandu gi tshi. ²⁴ Mwaana nzukanda loo galudi longi wandi;muhiga loo galudi fwumu wandi. ²⁵ Pimbu buna mbi mwaana nzu kanda mu gugala nga longi wandi,muhiga kega wu gadi nga fwumu wandi.Mbi bu bahegi fwumu wu nzu ndjina mbi sadanaa belesebulu,ba mu hega ma djina ma guluda ma baadu gu yandi!'' ²⁶ Ya yena,loo gu dinani baadu booma.Mudiambuma pandi mana mootsu meedi ma guswamana,baadu ba madala;ma pani mootsu magiswegi ba ma yaba. ²⁷ Ma pandi mana ma yi ba lu lela mupiba lu fani ma yagula mu mwini;mandi mana ma lu bayuga ma gitswegi lu fani ma yagula mu misu ma baadu bootsu. ²⁸ Loo gu yugani booma mudiambu ye baadu bana ba zuwagagi ludu haa loo ba fani zuwa moni:haa dinani Gahungu booma;haa ndi muudu lu fani yuga booma ndi wu fani zuwa moni ye ludu gu bilungi. ²⁹ Bwoona,loo ba degaga ba nuni boodi ba kunda mu lu ndondu lu mbongu dji kunda-kunda?haa loo gwedi ye nuni wu moshi wu fani bwaa mu manu mbi dada binu loyandu ga gumbudi. ³⁰ Shi tsugi binu dji mudu,Gahungu wu djidangi djiadjiootsu. ³¹ Bwoona,loo gu yugani booma;shi ba nuni beedi ba vula,haa binu lu baludi mu fwunu. ³² Gosu muudu wuna wu kumbudi gu misu ma baadu,mi yi mugumbula gu misu ma dada wami wuna wedi gu yilu. ³³ Haa gosu muudu wuna wu tuna gu misu ma baadu mi kega bu yi munduna gu misu ma dada wami wuna wedi gu yilu." ³⁴ Loo gu yindulani mbi yi tshi mudiambu ye gu neda ngemba aya ye londi di manu;haa yi tshi neda mbedi yi bidumba. ³⁵ Yi tshi ga bula mwaana wu ba gala ye dada wandi,mwaana wu mukedu ye ngudi wandi,mwaana wu mukedu ye bogu bwaandi wu mukedu. ³⁶ Ba mbeni ba gosu muudu ba gala baadu bana beedi mu famillia wandi ndi beeni. ³⁷ Muudu wuna wu ba zola dada wandi mbilo ngudi wandi haa loo ga nzolaga,loo ga lungi mu gu gala muudu wami;muudu wuna wu zolaga mwaana wandi wu ba gala mbilo wu mukedu haa loo ga nzolaga,loo ga lungi mu gu gala muudu wami. ³⁸ Muudu wuna wu sendaga kulundji wandi loo ga ndandaga,loo ga fani mu gu gala muudu wami. ³⁹ Muudu wuna wu mega gu geba moni wandi,ga mu bidisa:muudu wuna wu bidisa moni wandi mudiambu ye diami,ga mu senda." ⁴⁰ Muudu wuna wu lu yambi,ga yambi mi;Bwoona,muudu wuna wu nzaambii,ga yambi kega muudu wuna wu tuumi. ⁴¹ Muudu wuna wu yambi mbigudi wu Gahungu mudiambu gedi mbigudi wu gahungu,ga senda sandadingwadi dina di ba hegaga mbi gudi wu Gahungu;bwoona muudu wuna wu yambi muudu wu pimbu,ga senda sandadingwadi di ba hegaga muudu wuna wu pimbu.