¹ Ba gadudi bootsu,ye ba needi Yesu gu misu ma Piladu. ² Ba godi mu gufunda,muna ya gula mbi:"dudadi bagala wuu muna yangisa mugangu,muna ba dumisa mu gu fuda bi fani mu giganda gi Sezadi ye guyagulaga mbi ndi geedi Kidishidu,todila.'' ³ Piladu ga muyufudi,pila yayi:"weedi todila wu ba yudaa?Yesu ga mu vududidi:"wu ba mi yagula.'' ⁴ Piladu ga yagudi gwedi ba geshi kanu ye tgwedi maganda:"loo yi badala shi gima gina gi moshi gi mbi gwedi bagala wuu.'' ⁵ Haa baa ba dindamani,ye gu yagula:"ga ba hana kabu gwedi baadu mu gu landa muyuda wootsu,yandiga gu gadileya,gwoona gu gayandigi tii gwoogu.'' ⁶ Dangu di Piladu di ga yugi mapandi mana,ga yufudi mbi muudu wuu geedi mweni Gadileya. ⁷ Ga yabi mbi ga gadi muudu wu gifudi gi Yelodi,ga mu dumishi gwedi yelodi,mudiambu yelodi ga gadi mu bilumbu bina keega gu Yelusalemi. ⁸ Dangu Elodi gadadi Yesu ga yugi gieeshi gi vula,mumbada yandiga tunda ga gadi ye fwunu yi gu mudala,mu gi guma gi mina ma ga yugi muna yagula mu gi guma giandi,ye gazombagi mbi bu ga mudala ndi muna hanga bipaa. ⁹ Ga mu yufudi giufu dji vula,haa Yesu loo ga vududidi shi mvudu yi moshi. ¹⁰ Ba geshi dji kanu ye bazushi ba gadi dangu diootsu yaana,ye gu mufunda mu mapandi ma gi ngumba. ¹¹ Elodi,yi bipumbulu biandi,muna gu muduga ye gungoyi yi gu mu seeya ye gu mu vwadisa miledi mihesugi ba mudumishi gwedi Piladu. ¹² Elodi ye Piladu ba gumi ba ndugu,mugilumbu giagina,(teegu,ba gadi ba mbeeni.) ¹³ Piladu,ga vugishi ba fwumu ba bimvuga,ba fwumu ba bazushi,ye maganda, ¹⁴ ye ga ba ledi:"binu lu nedidi muudu wuu nga wuna wu banedisa maganda mubungulumba ye dalani yi muyufudi mu misu ma binu ye loo yi dadi shi gifuu shi muguma gi moshi gina gi lu ba mufundila. ¹⁵ Elodi keega loo ga mudadi shi gifuu gi moshi mu bina biootsu bi lu bafundila mbi ba mu geshila kanu yi lufwaa. ¹⁶ Bwoona yi muhegagi ndola gu ngoyi nga yi mu yambula.'' ¹⁷ Piladu ga gadi gu yambula muyuda mu ndjila yi kindji. ¹⁸ Haa maganda mootsu mayagudi mundaga yi ngolu mu gimvuga mbi:"du zuwila muudu wuu,ye du yambudila Badinashi.'' ¹⁹ Badinashi geedi muudu wuna wu bashi mudangumbada mu gi gima gi gunedisa gisaga-saga ye gadi ga vuula,ye gu zuwa baadu. ²⁰ Piladu ga ba ledi keega,mu luzolu lu gu yambula Yesu. ²¹ Ba yagudi mu ndaga yi ngolu:"mu gomani ye kulundji!mu gomani ye kulundji!'' ²² Ga ba ledi keega mu mbala yi dadu:"kii mbi dji ga hangi?loo yi dadi shi mapandi ma moshi mana ma ga fani monigila lufwaa.Yi ba gumu yambula,gu ngoyi yi gu muhega ndola.'' ²³ Haa ba bendamani ye milolu mingolu,ba dingi mbi mugomani ye kulundji.Bwoona mandaga ma baa ma sendi lu nungu. ²⁴ Piladu ga sendi luganu mbi bina bi ba dingi bi fani hangamana. ²⁵ Ga dushi wuna wu gadi mudangumbada mu gi guma mu bi saga-saga ye gu zuwa baadu,wuna wu ba zodilagi gahani Yesu mu lu zolu lu baa. ²⁶ Buna bu ba gadi mu gu needa,ba gami wu moshi mu djina di Shimoni wuna wu gadugi gwandi gu mushidu,ye baa ba muhegi kulundji,mumbada ga needa gu ngoyi Yesu. ²⁷ Ga gadi baa muna mu landa ye gi buga gi neeni gi ba bagala ye bakedu ba megumugagi ye gu yagula mukenda mumbada ye ndi. ²⁸ Yesu ga balumugi gwedi baa,ga yagudi:"baana bakedu ba Yelusalemi,loo gu dilani mumbada ye mii,haa dilani mumbada ye binu beeni ye baana ba binu. ²⁹ Bwoona dalani mu bilumbu bi gwitsa biaana bi lu yagula mbi:"sagumuna ba goobu,ye ma luudu mana ma gonedi gaadi gu buda,ye ma beenu mana ma gondi nwiitsa gaadi! ³⁰ Bwoona bagala muna yagula mu mindonda:"dubwila!''Ye mu biwanda:"du swega!'' ³¹ Bwoona,mbi bu hangi bina disonga mbi muudi geedi wu pimbu,kii fani guma mbi bu ga yumi?" ³² Baadu beega,bi ndjiani bioodi keega ba needi mumbada mbi ba bazuwa. ³³ Mu dangu di ba gumi ye gihani gi ba lendigagi mbi:"gibesa gi mudu,''ba mugomi ye kulundji ya yana,ye bindiani b ina bioodi,wu moshi gu gogu di gidada ye weega gu gogu di gi ngudi. ³⁴ Yesu ga yagudi mbi:"dada,ba lolula,mudiambu loo baa ba gudiyaba mu mana ma baa bahanga.''Ba gabishi miledi miandi mu gu bula zegi. ³⁵ Baadu ba gadi yana,baa muna dala dangu ba fwumu ba bazushi di bamuseeyagi,baa muna yagula mbi:"ndi ga gulusagi ba gwenu mbi geedi mu masagumunu ma Gahungu, wuna wu Gahungu,gadi gulasa ndi mweeni.'' ³⁶ Bi pumbulu bi museyagi,ba finami ye gu mu bula miswamba mi kabu, ³⁷ baa muna yagula mbi:"mbi weedi Todila wu ba yudashi,di gulusa ndi mweeni.'' ³⁸ Bwoona,gu gadi ye londi di kulundji ye bisoni biabi mbi:"wu geedi Todila wu ba yudashi.'' ³⁹ Wu moshi mu kadi ga bindiani muna gu muduga,ye guyagula mbi:"loo weedi Kidishidu?Di gulusa ndji mweni nga wu dugulusa keega.'' ⁴⁰ Haa wuna weega ga munganini mbi:"ndji loo wu ba yuga Gahungu booma,ndji wu sendi ndola dji moshi? ⁴¹ Mumbada ye pidu,gwedi masonga,bwoona du fani senda ndola dji fani mu mambi mapidu ma gi diani.Haa wuu loo ga hangi shi mambi ma moshi.'' ⁴² Ga yagudi gwedi Yesu mbi:"nga wu ndjibuga mu dangu di wu gwitsa mu luyalu lwoogu.'' ⁴³ Yesu ga mu vududidi mbi:"yi ba gu lela mu masonga,leelu di wu gala ye mi gu bula di gonda pashi.'' ⁴⁴ Gu gadi yana mu gi desu gi madangu ma sambanu,gu gadi piba mu gifudi giootsu;tii mudangu di givwaa, ⁴⁵ Dangu di gumi gi diima,yilu di gumi ye kadi-kadi. ⁴⁶ Yesu ga dadi mundaga yi ngolu:"dada,yi ba vudula mooni wami gu mioogu miaagu.''Gu ngoyi yi guyagula ndaga yina biangala yi mudugi. ⁴⁷ Bana ba gadi ba shindjidi muna dala miootsu mi hangamanagi,ba gumishi Gahungu,ye ba yagudi:"masonga muudu wuu ga gadi masonga.'' ⁴⁸ Ye bana bootsu ba gadi yana,gui ngoyi yi gu dala mina miootsu mi ludi.Ba dugi muna gu bula di yetulu. ⁴⁹ Bana bootsu ba yabagani ye Yesu,ye bakedu bana ba mulandagi yandiga gu Gadileya,ba manani gu leeya muna dala mapandi mootsu. ⁵⁰ Dalagani,gu gadi ye bagala wu moshi mu djina dji Yozefu ga gadi wuna wu hanagi malongi,muudu wu pimbu ye wu masonga, ⁵¹ loo ga yabi malukanu ye tsadidi yi beega,ga gadi ye wuna wu manani mugingolu-ngolu,mu mavula ma yudashi,ye ga gingagi gifwumu gi Gahungu. ⁵² Bagala wuna gendi tii gwedi Piladu,ga mudingi mvumbi yi Yesu. ⁵³ Ga yi gulumushi,ga yidimbi miledi mitalu,ga yi shi mu malumba ma moshi ma badoodi mu dadi,gwoona gu ba gondi gaadi gusa ada muudu wu moshi. ⁵⁴ Gu gadi gilumbu gi gu yidiga,giaana gi fani yandiga kindji yi poosu. ⁵⁵ Bakedu bana bitshi gu Gadileya ye Yesu ba vugani ye Yozefu,badaadi malumba ye pila yi bashi luudu lu Yesu, ⁵⁶ bwoona ba vudugi ba yidigi magabu ye madiashi ma talu,bwoona ba hululugi mu gilumbu gi posu nga bugadi tshigu.