¹ Dangu Yesu di ga godi gu bula di yedigo,ga yandigi gu luda ye kadi-kadi di bula. ² Gu gadi ye mnuudu wu moshi djina yandi Zasheyo;ga gadi fwumu wu dulagi bana ba fudisaga pagu,ga gadi kega mvwaama. ³ Ga gadi muni dingan pila mu guyaba mbi Yesu naa mukadi ga baadu bana ba ludagi.Haa ga gadi muudu wu kufi;tunda ga gondi dala pila yi gu dala Yesu mudiam,bu baadu ba gadi ba vula. ⁴ Bwoona gendi tiinu gu twala,ge nina mu mudi wu shigomolu mudiambu ga dala Yesu dangu di ga bala luda mundjila yina. ⁵ Dangu Yesu di gitshi guma ye gihani gi gadi mudi wuna,ga dadi mu yilu,ga dadi Zasheyo,bwoona ga muleshi mbi:"Zasgheyo,sasuga,yi zoo duluga mudiambu yi ba gwenda nimba lelu gu nzu yagu.'' ⁶ Zasheyo ga gulumugi tswalu,bwoona ga yambi Yesu mu gieshi. ⁷ Dangu baadu bootsu di ba dadi buna ba yandigi gutsuba Yesu mbi:''we mimba mu nzu yi muudu yi masuumu!'' ⁸ Haa Zasheyo ga manani gu misu ma fwumu Yesu,bwoona ga muledi mbi::"fwumu,dala,bima biootsu yi ga bisa mundambu djioodi,bwoona ndambu yi moshi yi hana gwedi ba tsugami,mbi yi sendi mbongu gwedi muudu mu ndjila yi bu pala bu yi muvuududila mbala djiya.'' ⁹ Yesu ga mu ledi mbi:''gi ganda gi gihulugi,mudiambu muudu wuu kega gedi mwaana wu Abalahamu. ¹⁰ MUdiambu mwaana muudu ga gwitsa dinga ye guhulusa baadu bana ba bidi.'' ¹¹ Dangu di,Yesu ga gadi pen-pena ye Yelusalemi.baadu bana ba yugi mapandi mana ma ga yagudi,ba yi ndula mbi gusadi ga digii gi fwumu gi Gahungu gitsa gi moniga. Bwoona ga badedi gi ngana gi ¹² Mbi:"gu gadi ye mbuda muudu wu moshi wu ludjidu geendi mu gifudi di moshi gi leya mudiambu benda ba muhega gi fwumu mu gwitsa yala mu gifudi giandi. ¹³ Haa teegu ga lendigi ba higa bandi gumi,bwoona gahegi gosu muudu lu ndondu lu mbongu lu woolu lu moshiga ba ledi mbi:"mu mbongu dji salani hanga gi salu gi gumedisa tii gwoona gu yi gwitsa vuduga.'' ¹⁴ Haa beeni gi futi giandi loo ba mu zodila.Tunda ba sadi dumisa ba tumwaa beega mu gwenda gu mulanda mudiambu ye gu yagula mbi:"loo du zodi mbi muudu wu gitsa ga duyaka.'' ¹⁵ ''Haa ba mushi todila,bwoona gitshi vuduga mu gifudi giandi dangu di ga lendigi ba higa bana ba gahegi mbongu mudiambu di guyaba mbi mbongu talu gwii ba sadi senda. ¹⁶ Muudu wu teegu gitshi duga mbi:"fwumu,ye londi di lundondu lu mbongu dji wu pegi mudiamnbu ye guhangila gisalu gi gomedisa,yi sadi senda mbongu gumi ye londi.'' ¹⁷ Fwumu ga muledi mbi:"wu hangi pimbu.wedi muudu wu pimbu,wu hangi pimbu mu mapandi ma digi-digii yi ba gusa guvedinela mudiambu ye guyala mabula gumi. ¹⁸ Muudu wu djioodi gitshi duga mbi:"fwumu,ye londi dji mbongu djina,dji pegi mu guhangila gomedisa,yi sadi lunda ndondu dji mbongu dji danu. ¹⁹ Fwumu ga muleshi mbi:"yi ba gusa gevedinela mudiambu ye mabula ma danu.'' ²⁰ Muudu wu dadu gitshi duga mbi:"fwumu,dala lundondu lu mbongu lwoogu lwoolu;yi sadi swega mu gidembu gi muledi. ²¹ Yi gu yugagi booma,mudiambu ndi wedi muudu wu moshi wu pashi;wu sendaga bima biana bi wu kondi haana,wu ga dulaga ndumba djina dji wu kondi guna.'' ²² Fwumu ga muledi mbi:"ndji wedi muudu wu moshi wu mbi!Yi ba gu guhega ndola mudiambu ye mapandi mana ma wu yagudi.Bu wu yabi mbi yedi muudu wu moshi wupashi;sendaga bima biana bi yi kondi hana,yi kadulaga ndumba djiana di yi kondi guna. ²³ Bwoona,mudiambu di kii wu kondi saa mbongu djiami mu baangi?Nga ya-ya yi tshi vuduga yi kada senda mbongu djina ye djiega ye londi.'' ²⁴ Bwoona ga ledi baadu ba gadi ye gihani gina mbi:"mu dambulani lundondu lu mbongu luna,bwoona luhega wuna wedi ye ndondu dji mbongu gumi." ²⁵ {baa mbi:"fwumu gedi teegu ye ndondu gumi!}" ²⁶ Yesu mbi:''yi ba gu lu lela mbi:muudu wuna wedi ye bima,Gahungu ga yiga bima biega;haa muudu wuna wu kondi Gahungu ga mu gadula shi gandambu ga bima bina bi gedi biaa. ²⁷ Bwoona fwumu wuna mbi:"ba mbeeni ba mi bana loo bazolagi mbi yi ba yala,yi zani lu baneda yaa bwoona lu ba zuwa mu misu mami.'' ²⁹ Dangu di gitshi guma pena-pena ye bula di betifaji ye bedani,pena-pena ye mundonda wu miidi mi mawolive,ga dumishi balongogi boodi gu misu. ³⁰ Mbi:"ndalwenda ye bula dina gu misu mbi bulugumi guna lu dala mwaana punda wu moshi wu ba gangi mu mushinga.Shi muudu wu moshi wu konda gumunina lu mugangula,bwoona lwitsa lu muneda yaa. ³¹ Haa mbi muudu buga lu yufudi:"mudiambu di kii lu bamugangula?''Lu mulela mbi:"fwumu gedi yandi fwunu.'' ³² Ba longogi bana ba Yesu ga dumushi mu gwenda guna.Ba dadi mapandi mootsu nga buga ba ledi. ³³ Dangu di ba gangulagi mwaana punda wuna mu mushinga,beeni punda wuna ba yufudi mbi:"mudiambu lu ba gangula punda wuu?" ³⁴ Baa mbi:"fwumu wu dudumi." ³⁵ Ba sendi mwaana punda,ba nedi gwedi Yesu.Dangu di,ba shi miledi mi baa miega ye londi di mwaana punda,bwoona ba shigumushi Yesu ye londi diandi. ³⁶ Dangu Yesu gendagi,baadu ba gadi muni mudandila mi ledi mi baa. ³⁷ Dangu di gitshi guma pena-pena ye Yelusalemi,mu ndjila yi mundonda di odive,ba longogi baandi bootsu ba gadi mugieshi.Bwoona ba yandigi gu hega Gahungu lugumu mu ndaga yi ngolu mudiambu mu mapandi mootsu ma guyiduga ma ba dadi. ³⁸ Ba yandigi gwee yagula mbi:"fwumu Gahungu ga sagumuna todila wu neeni wu bagwitsa mu ndjina djiandi!Ngemba dji gala gu yilu,lu gumu lu gala gwedi Gahungu.'' ³⁹ Ba fadishi beega bana ba gadi mukadi ga baadu bana ba ledi Yesu mbi:''longi lela ba longugi bagu ba gala pweede.'' ⁴⁰ Haa Yesu mbi:"haa mbi bu gadi pweede,madadi ma yagula mu ndaga yingolu?" ⁴¹ Yesu gitshi guma pena-pena ye bula di Yelusalemi.Dangu di gadi dadi ga yandigi gu di dila, ⁴² Mbi:"haa,Yelusalemi,mbi ndji kega wu yabaga leludi mapanda mana ma needaga ngemba!Haa kenda,loo wu fani ma yaba. ⁴³ Mudiambu mu bilumbu bi bagwitsa,wu dala pashi.Ba mbeeni bagu bu ba gwitsa gu djieda.Ba mana saa du manu pena-pena ye bi baga diagu mudiambu ye gu ninina.Ba gu ganga mundambu djiootsu. ⁴⁴ Ba guzuwa wu muwundu,ndji ye baadu bagu.Loo ba gushila shi dadi di moshi ye londi di madadi meega,mudiambu Gahungu ga gwitsa gu gusadisa,haa loo gu yabaga mbi mukiediga bu ga gwitsa!" ⁴⁵ Yesu ge goda mu nzu yi bisambu yi yuuda,bwoona ga yandigi gu tsadigishi baadu bana ba deegagi bima bi baa muna. ⁴⁶ Ga ba ledi mbi:"Gahungu ga yagudi mu muganda wandi mbi:"nzu yami yi gala nzu yi bisambu."Haa lu yigumishi nzu yi beebi!" ⁴⁷ Yesu ga longagi gosu gilumbu mu nzu yi bisambu.Ba mbuda ba dimbu ba Gahungu,ba longi ba tshigu ye ba mbuda beega ba ba yuuda ba dinga pila yio gu zuwa. ⁴⁸ Haa loo ba dadi pila,mudiambu baadu bootsuba landagi pimvbu-pimbu mapandi mana ma ga yaguilagi.