¹ Yesu ga ledi ba tumwa baandi mbi:mapandi mana ma beendaga baadu mu gu hanga masumu loo ma fani gonda,haa kenda gwedi muudu wuna wu madusaga. ² Gwedi pimbu ba mu ganga dadi di neeni mu koda,ba mu lumba mu nzadi haa loo gwedi pimbu mbi:ga beenda mwaana wu moshi mu kadi ga baana ba badigi-digii mu guhanga masumu. ³ Giebani pimbu mbi pangi woogu bu ga guhangi mambi,munganina haa mbi bu galudi mbundu,mu lolula. ⁴ Mbi bu gaguhangi mbi mbala dji ntsambwadi mu gilumbu gi moshi,mbi bu gitshi mbala djia dji ntsambwadi mbi yi ba ludi mbundu.Loo yi hanga kega buna wu fani gu mu lolula. ⁵ Ba tumwa ba ledi fwumu Yesu mbi:duyiga lu gwigilu. ⁶ fwumu mbi:mbi lugala ye ndambu yi gwigilu buneni ngaa ga ndambu ndumba dji mudi wuu mutarete lu fani lesa mudi wu wuneni miriye mbi:tsumuga aya,nda wu gala mu nzadi mungu!bwoona ga gada gu lu lemvugila. ⁷ Mu mbandu:mbi muudu wu moshi mu kadi ga binu gedi ye mu higa wuna ga hangaga mu bilanga mbilo gadalaga ma mema,dangu mu higa wuna di ga dugi mu mangundu,witshi vuduga gu nzu,wu fani gu mulesa mbi:yi zaa tsalu ye mesa mudiambu wu dia? ⁸ Loo,haa gamulesa mbi ndjidigila madia vwada mi ledi miega mudiambu mu gu pangila dangu di bala dia ye gu nwa. ⁹ Loo gwedi fwunu fwumu wuna mu gu hega mu higa wandi masdonda.Mudiambu mu higa wuna ga hangi ma mena ma muleshi fwumu wandi mu gu hanga? ¹⁰ Gwedi gi desu gi moshi kega gwedi binu.Mbi bu lu hangi ma pandi mana mootsu ma Gahungu ma ga lu leshi mu gu hanga,ya gu lani mbi:twedi gu pidu ba higa,duhangi gu mapandi ma mena fwumu wu pidu ma ga du leshi mu guhanga. ¹¹ Dangu Yesu di gendagi gu yelusalemi,ga ludi ye gadi ga gifudi gi samadiya ye gi gadileya. ¹² Dangu di ga godi ye bula di moshi,ba bagala gumi ba gadi ye ma kashi ma bingishi,bi tshi wana gana yendi ba ma nani ga mwa guleya, ¹³ Bwoona ba yandigi gu yagula mu ndaga yi ngolu mbi:Yesu fwumudu yuga kenda. ¹⁴ Yesu ga badadi,bwoona ga ba ledi mbi:ndani lu dilesa gwedi ba nganga Gahungu,dangu di ba gadi mu ndjila,ba gindi. ¹⁵ Muudu wu moshi mu kadi ga baa dangu di gadadi mbi wu gindi,gi tshi vuduga mu ndjila,ndi ga hega Gahungu lu gumu mu ndaga yi ngolu. ¹⁶ Gi tshi fugama ye milu mi Yesu,mbunzu mu manu,bwoona ga muhegi ma donda.Muudu weni ga gadi muudu wu samadiya. ¹⁷ Dangu diYesu ga mu yudi ga baadu bana bootsu gumi ba gindi!Haa baadu bana givwaa ba beeni? ¹⁸ Munzendji ndoo buna wu yi tshi vuduga mudiambu ye gu hega Gahungu ma donda,haa mudiambu di ki baadu bana beega loo bitshi? ¹⁹ Dangu di Yesu ga ledi muudu wuna mbi:niamuga,nda we gwoogu,lu gwi gilu lwoogu lu gu gindishi. ²⁰ Ba fadishi ba yufudi Yesu mbi:ki dangu gi fwumu gi Gahungu gi gwitsa?Yesu mbi loo gwedi ye gima baadu gi ba fani dala gu misu mana ma fani gu balesa mbi:gi fwumu gi Gahungu gi ba gwitsa. ²¹ Muudu loo ga fani ya gula mbi:dalani gi fwumu gi Gahungu giedi gogu,mbilo giedi gwoona!Mudiambu lu fani ya ba mbi gi fwumu gi Gahungu giedi mu kadi ga binu. ²² Dangu di,ga ledi ba tumwa baandi mbi:gi lumbu giedi gi lu dzola mugudala mwaana muudu shi mu gadangu ga digi-digii,haa loo lu mudala. ²³ Baadu ba lu lela mbi:ndi ndona guna!mbilo ndi ndo gu!Haa lwendegu gu mu dinga. ²⁴ Gi lumbu mwaana muudu gi ga moniga,gu gala nga ntsemu dji nzatshi wu ba bwaa,ntsemu diandji diendaga mu ndambu yootsu yi gi fudi giootsu. ²⁵ Haa tegu,ndi ga fani dala pashi dji vula,baadu ba dangudi kega ba fani gu mu duna. ²⁶ Ma pandi mana ma bwii mu dangu di Nowa,ma bwa kega gi desu gi moshi mu dangu di mwaana muudu. ²⁷ Baadu ba gadi muni dia,muni nwa,gu monagana,ye gilumbu gina Nowa di ga godi mu maswa;mwetshi ga yuudi gi fudi giootsu,bwoona ga dzuwi baadu bootsu. ²⁸ Gu gala kega gi desu gi moshi nga mu dangu di lodi:baadu bu dia,bu ba nwa,gu sumba bima,gu dega bima,gu guna mangundu ye gu dunga ma nzu. ²⁹ Haa gi lumbu gina gi gadugi lodi ye bula di sodome,Gahungu ga nogishi mbaa dungolu ngaa mvula;du yi tshi,du dzuwi baadu bana bootsu. ³⁰ Gi lumbu gina Gahungu di ga lela mwaana muudu bana gala gi desu gi moshi. ³¹ Mu gi lumbu gina,muudu wuna wu gala ye yangi di nzu,mbi bu gitshi du luga,loo ga fani goda mu nzu mudiambu mu senda bima bina biedi muna.Gi desu gi moshikega,muudu wuna wu gala mu mangundu,loo ga vuduga kega mu nzu yandi. ³² Binu yi ndulani ma pandi mana ma bwidi mu kedu wu Lodi. ³³ Gosu muudu wuna wu dinga pila yi guhulusa moni wandi,ndi buga mu bidisa,haa muudu wuna wu bidisa moni wandi,ndi bu gahulusa. ³⁴ Yi ba lulela mbi:ba bagala boodi ba gala giandu gi moshi.Ba wandjio ba senda wu moshi,bwoona ba shisa kega wu moshi. ³⁵ Ba kedu boodi ba gala muni dwa fuba gi hani gi moshi:ba wandjio ba senda wu moshi,bwoona ba shisa kega wu moshi. ³⁶ ''[Ba bagala boodi ba gala mu ngundu yi moshi ba wandjio ba senda wu moshi,ba shisa kega wu moshi]''. ³⁷ Batumwa ba yu fudi Yesu mbi:"fwumu,mapandi mana ma bwaa guni?''Ga ba ledi mbi:''mayimbi ma wanaganaga gihani giana giedi muudu wu fwii.''