¹ Yesu ga ledi ba tumwa bandimbi:"gu gadi ye mvwama wu moshi,ga gadi ye gapida wu mu dadilaga bima biandi.Baadu beega bitshi gu mu lesa ,mbi:gapida ga gu gaba bebisa bima biaagu." ² Mvwama wuna galendigi ga pida wandi ga leshi mbi:''ki mapandi mana ma yi ba yuga mudiambu ye ndji?NDesa mu miganda pila yi wu hangaga gisalu mudiambu loo wu gala kega gapida wami. ³ Gapida wuna ga yagudi gu mbundu yandi mbi:"ki fani hanga?mudiambu fwumu wami wu gi salu ga ba gadula mu gisalu.Loo yedi ye ngolu dji gusadila ma ngundu.Yi bulayuga kega tsoni djivula mugudingaga baadu mbongu. ⁴ Dangu di,yi yabi ki fani hanga!Mbi fwumu wami bu ga kadudi mu gisalu,yi gala ye bandugu bana ba bala ndzamba mu manzu ma baa. ⁵ Bwoona ga yandigi gu lendiga muudu wu moshi wu moshi bana ba gadi ye fuga yi fwumu wandi,kii wu fani fuda gwedi fwumu wami? ⁶ Muudu wuna mbi ba ngulu kama ba matshi.Gapida mbi:'senda mu ganda muganda wogu wu fuga,shigumuga tswalu, bwoona soniga ba ngulu ma gumi ma danu. ⁷ Dangudi ga yu fudi muudu wega mbi:bwoona kii wu fani fuda?''muu du wuna mbi:''matsagi ma kama madanu ma ble.Gapida mbi:senda muganda woogu wuu soniga matsagi makama maya. ⁸ Fwumu wu gisalu wuna ga hani lu gumu gwedi gapida gandi wuna wu mwibi mudiambu ye mapandi mandungi ma gahangi.mudiambu baadu ba gi fudigi beedi yendungi dji vula mu kadi ga baa,dji gu luda baadu bana beedi ye tsemu. ⁹ Bwoona,Yesu ga yagudi kega yi bagu lu lela mbi:''mbongu diedi gi mvwama gi moshi gi wunaga baadu hangilani mudiambu di gula ye bandugu.Bwoona,mu dangu di lu gonda gi mvwama gina,Gahungu bu galuyamba mu mandzu ma mvula ye mvula. ¹⁰ Muudu wuna wu ba fani shila mbundu mu bima bi digi-digii,ba fani mu shila kega mbundu mu bima bi neni;muudu wuna wu ba fani gonda shila mbundu mu bima bi digi-digi,loo ba fani mu shila kega mbundu mu bima bi neni. ¹¹ Bwoona,mbi lwedi baadu bana ba bafani gonda shila mbundu mu dangu di lu hangilaga gi mvwama gi mbongu,naa wu luhega gi yegiga gi gu hangila gi mvwama gi kiediga? ¹² Mbi lwedi baadu ba bafani gonda shila mbundu,mu mvwama gi muudu wega,naa wu lu hega gi mvwama gi binu beeni? ¹⁴ Ba dishi bana ba yugi shila mapandi mana ma Yesu ma ga yagula,bwoona ba yandigi gu museya,mudiambu ba dzola mbongu ngulu. ¹⁵ Yesu ga ba ledi mbi:''ludzolaga gu dinungisa gu misu ma baadu,Gahungu wu yabi ma mbundu ma binu.mudiambu mapandi mana ma dalaga baadu mbi medi mafwunu Gahungu ga madala mbi medi ma pamba. ¹⁶ Mi ganda mi matshigu ye miganda mi bambigudi ye mudangu kaga ye mu dangu di Yowani mbodiga di ga yandigi gisalu giandi.Yandiga dangu dina,ba bagisa tsangu dina dji pimbu mudiambu ye gi Fwumu Gahungu,bwoona baadu bootsu ba megaga gu goda mwoona mu gi ngolu-ngolu. ¹⁷ Yilu ye manu ma fani bila gu gonda pashi,haa ga gisoni ga digi-digii mu miganda mi matshigu mu gubila,gwedi pashi dji vula. ¹⁹ Gu gadi ye mvwama wu moshi,ga vwada mi ledi mi moshi mi guluda talu.Gosu gi lumbu ga hanga kindji yi ngolu. ²⁰ Gu gadi kega ye tsugami wu moshi,djina diandi Lazadi ga gadi ye ma puda ma vula mu ludu lwandi.Ga nimbaga pena-pena ye giafulu gi nzu yi mvwama wuna. ²¹ Ga dzolaga gu dia ndambu yi bima bina bibwagaga gu mashina ma mesa ma mvwama wuna,mudiambu ga yuguda,ba mbwaa kega bi tsaga mu lenga ma puda mandi. ²² Dangu di,tsugami wuna ga fwi,bwoona bawandjo bitshi mu senda ba munedi pena-pena ye Abalahamu.Mvwama wuna kega ga fwi,bwoonabaadu beendi gu mudiga. ²³ Ndi gadala pashi mugifudi gi ba fwaa,ga dadi,bwoona ga dadi Abalahamu gu leeya ye Lazadi wu pena-pena ye ndi. ²⁵ Haa Abalahamu mbi:"mwana wami,yi ndula gandambu dangu di wu gadi muludjingu wu dalaga gieshi gi vula.Haa Lazadi ga dalagi pashi dji vula haa dangu di,ndi gabadala pimbu aya,haa ndji,wu ba dala pashi. ²⁶ Kwendi ye wulu di neni di ba dugabisa pidu ye binu ya yena,pila loo yedi baadu baa beedi gwedi pidu mu gwitsa guna gweedi binu,pila kega loo yedi baadu bana beedi guna gwedi binu mu gwitsa gu gwedi pidu. ²⁷ Mvwaama wuna mbi:dada,mbi bwoona,yi ba gu guwoondila ndji wu duma Lazadi gu nzu dada wami, ²⁸ Mudiambu yedi ye bangi baami ba ba bagala ba dadu beedi gunab we wu ba lesa mbi ba balegu hanga kega pila yina yi hangaga mi,mbala yega ba kega ba gwitsa gihanigi gi pashi. ²⁹ Abalahamu mbi:beedi ye miganda mi shishi ba mbigudi balanda ma pandi mana medi muna. ³⁰ Mvwaama wuna mbi:loo dada Abalahamu mi ganda mina miabuna loo mi fani.Haa,mbi muudu wu moshi mukadi ga baadu bana ba fwi bu geendi guna gwedi baa,bwoona bu ba baluna mbundu yi baa. ³¹ Haa Abalahamu mbi:mbi bu baduni gulanda mapandi mana medi mu miganda mi mososhi ye mu miganda mi ba mbigudi,loo ba dala fwunu yi gu balumuna mbundu,shi bu ba dadi muudu wuna wu niamugi mu lu fwaa.