¹ Mudangu dina,baadu ba gadi yena ba mu ledi ma pandi ma baadu ba gadiyeya bana piladu ba gadzuwi dangu di bagadi munihana magabu mangimengi gwedi Gahungu. ² Yesu ga ba ledi mbi:"luba yindula mbi baadu bana ba gadileya ba gadi ba tsumugi ba neni ba guluda baadu bootsu? ³ Loo! yi ba lulela mbi lolubalumuni mbundu,binu bootsu lufwaa nga baa. ⁴ Bunii mudiambu ye baadu beena gumi ye ginana ba fii dangu nzu yina yi leya yina yi gadi pena-pena ye yanga di Shilowee,Shilowee yitshi ba bwila?Lu ba yindula mbi ba gadi ye mbi dji guluda baadu bootsu ba yelusalemi? ⁵ Loo,haa yi balulela mbi:''mbi loo lu ba lumuni mbundu lu fwaa pila yi moshi nga baa." ⁶ Dangu di Yesu ga ba dedi ngana yii:''gu gadi ye muudu ga guni mudi wu mafige mu mangundu mandi ge dinga mafige,haa loo ga madadi. ⁷ Bwoona ga ledi muudu wu ghangaga mu mangundu mandi mbi:''dala,ga duga ma mvula madadu yi saga dinga ndumba dji mudi wuu haa loo di dalaga.Mugesa!mudiambu di ki galagagi pamba-pamba mu mangundu? ⁸ Bwoona muudu wuna wu gengilaga mangundu mbi:''mvama,mu yambulaga gala buna mu mvula yi;yi mu mashina ma mudi yi saa mvindu. ⁹ Bwoona,mbi bu ga budi ndumba mvula yi di ba gwitsa,ma mbulo,haa mbi loo ga budi nga wu mugesa." ¹⁰ Gu gadi gilumbu gi moshi,gilumbu gi gu hululuga, Yesu ga longagi mu nzu yi bisambu yi bayuda. ¹¹ Mu kedu wu mooshi wu mu kashi wu gadi muna.Ga gadi ye gikashi gi hangi ma mvula gumi ye ginana;ma kashi mana magadugi mu mihunga mi mbi,ma kashi mana ma dushi gaaga,haa loo ga dala yi gu niagisa mu gaaga shi ndambu. ¹² Dangu Yesu di mu gamudadi,ga mu lendigi,bwoona ga mu ledi mbi:"maama wu,gi kashi giagu gi wii. ¹³ Dangu di Yesu ga mu shi mioogu.Kaga mu dangu diadina,mu kedu wuna niamugishi mu gaaga wandi ga yandigi gu hega Gahungu lu gumu. ¹⁴ Haa mutwadishi yi nzu yi bisambu wuna ga yugi kabu mudimbu yesu ga gindishi mu kashi mu gilumbu gi guhululuga bwoona ga leshi baadu mbi:''bilumbu bieedi bi sambanu mu guhanga gisalu.Yi dzani bilumbu biabi mudiambu ba lubelusa haa loo mbi gilumbu gi gu hululuga!'' ¹⁶ Fwumu Yesu ga muledi mbi:''binu baadu ba bu pala!mu gilumbu gi gu hululuga,naa mu kadi ga binu wu dusaga ngombi wandi,mbilo punda wandi mu lupangu lu gadilaga mudiambu ga mu neda mu gwe nwa metshi? ¹⁵ Dala mu kedu wu mwaana wu Abalaham,gadia pemba ga mu gami ma mvula maludi gumi ye ginana.loo gwedi fwunu mu gu mugangula mugilumbu gi guhululuga? ¹⁸ Yesu ga yagudi mbi:''gi fwumu gi Gahungu gi fanagani ye kii?mu kii gima yi fani gu gifanigisa? ¹⁹ Gi fwumu gi Gahungu gi fanagani mu ga lundumba ga mudi wu motarde wu muudu wu moshi gi gambongi,ge guna mu ngundu yandi.Lundumba lweni lu meni lu gumi mudi wu neni,ya yena ba nuni ba dungi bu yamba bu baa mu dangu djiandi.'' ²⁰ Yesu ga yagudi kega mbi:mu kii kega fani fanigisa gi Fwumu gi Gahungu? ²¹ Gi Fwumu gi Gahungu mu mwemu wu mapaa.Mbi mu kedu bu gashi mu longa di gu yula di fuba yi mapaa gidesulu ma gumi moodi ye ma danu,ga yambula tii gona gu yiguma yiingi. ²² Dangu Yesu di genda gu yeluzalemi mu djila genda longa mu mabula ma neni ye ma bula ma kunda. ²³ Muudu wu moshi ga muyufudi mbi:"Fwumu gwedi baadu ndambu buna ba guluga?"Yesu ga ledi baadu bootsu ba gadi guna mbi: ²⁴ Saani ngolu mu gu goda mu giafulu gi kunda.Mudiambu yi ba lulela mbi baadu beengi ba mega gu gonda haa loo ba goda. ²⁵ Fwumu wu nzu ga bu ga niamuga,ga gwitsa ganga giafulu.Bwoona mu dangu dina binu lu gala ye ndjila,binu lu yandiga gu gogudila gu giafulu ye gu yala mbi:Fwumu du gangula giafulu.Dangu di Fwumu ga lulesa mbi:loo yi bayaba mbi binu guni lu dugi!" ²⁶ Bwoona binu lu mulesa mbi:ndji bu wutshi longa gu bula di pidu,du dii,du nwi mesa ma moshi ye ndji." ²⁷ Haa ndji ga lusa kega mbi:mi loo yi luyaba mbi guni lu dugi!binu baadu bootsu lu hangagagi ma pandi mambi kadugilani mi! ²⁸ "Guna binu bu lu dila,binu lu ganga minu ngolu,dangu binu lu dala mbi:Abalahamu,Yizagi,Yagobu ye ba mbigudi bootsu,beedi mu gi fwumu gi Gahungu,haa binu,lu fani sala ye ndjila. ²⁹ Baadu ba duga gu esti,gu luwesti,gu nori ye gu sidi,baa gwitsa gala ye mesa ma gi Fwumu gi Gahungu. ³⁰ Bwoona baadu beena beedi baadu ba tsuga dangu di ba guma baadu tegu,bana bedi baadu ba tegu dangudi ba guma baadu ba tsuga." ³¹ Mu dangu dina,ba farishi beega bitshi lela Yesu mbi:"gaduga ya ndawenda mu gi hani giega,mudiambu Erode Antipasi ga ba dzola gu gudzuwa." ³² Yesu mbi:"nda lwenda lu mu lesa mugengi wuna mbi:mugi lumbu gi lelu ye gi mbatshi yi ba dusa mihunga mi mbi,yi ba gindisa baadu,bwoona mu gilumbu gi dadu yi manisa gi salu giami." ³³ Haa lelu,mbatshi ye mbatshi -mbatshi yi fani landa ndjila ya mi mudiambu mbigudi wu Gahungu ga fani fwaa gu yeluzalemi,haa mu gihani giega loo. ³⁴ ''Yeluzalemi,yeluzalemi ndji wu zuwagagi ba mbigudi,baadu bana ba Gahungu ba ga gudumisaga,ndji wu zuwagagi mu madadi!mbala dingi yi dzolagagi gu saa baadu ba gu gi hani gi nga bu sagaga kogu baana bandi gu ma shina ma mavwa mandi,haa loo lu dzodi! ³⁵ Dangu di,bula di binu di sala ma yumbu.Yi ba lulela mbi loo luta kega tii mu gi lumbu gina gi lu yagula mbi:Fwumu sagumuna muudu wuna wu ba gwitsa mu djina diami!"