³ Ma pandi mootsu mana medi maguswama baadu bu ba madala;ma pandi mana mootsu ma giswegi bu mayabagana. ² Buoona,ma pandi mana mootsu ma lu yagulaga mu piba, baadu ba mayuga mu mwini;ma pandi mana mootsu ma lu yagulaga mugiswegi,bu mayabagana gu misu ma baadu bootsu. ⁴ Ba ndugu baami yi ba lulela mbi:"loo gu yugani boma mudiambu ye baadu bana ba dzuwaga ludu,haa gu ngoyi loo ba dalaga pila yi guhanga gima giega. ⁵ Haa yi ba lulesa mudu wu lu fani yuga booma:lu fani yuga Gahungu booma,mudiambu mbi wu zuwi mudu,gedi ye gi yega gigu mu lumba mubilungi. Eh,yi ba lulela mbi ndi mudu wu lu fani yuga boma. ⁶ Loo ba degaga ba nuni ba danu digi-digi mu pada djiodi dji mbongu?Haa Gahungu loo gabilaga shi nuni wu moshi. ⁷ Shi tsugi dji binu dji mudu,Gahungu wu dji dangi djiotsu lu yugegu booma shi ba nuni beedi ba vula,binu lu baludi funu! ⁸ Yi ba lulela mbi gosu mudu wuna wu kumbula gu misu ma baadu,mwana mudu ga mu gumbula gu misu ma ba wanzio ba Gahungu. ⁹ Haa mbi mudu wuna wu tuni gu misu ma baadu,mwana mudu kega ga muduna gu misu ma ba wanzio ba Gahungu. ¹⁰ "gosu mudu wuna wu yagula ma pandi ma mbi mudiambu ye mwana mudu Gahungu ga mu lolula,haa mudu wuna wu duga muhunga wugedila,Gahungu loo ga mu lolula. ¹¹ Ye gu misu ma ba fumu ba bulamadadi mudiambu ye gulu sambisa,loo gu dalani pashi gu mbundu mbi kii duyagula mbi loo kipila du yagula. ¹² Mudiambu muhunga ga lu lela mu dangu diadina mapandi ma lufani yagula. ¹³ Mudu wu moshi mu kadi ga baadu wu gadi ye gihani gina,ga ledi Yesu mbi:"longi,lela mbuda wami du gaba bima bina bi dushishi dada pidu." ¹⁴ Yesu mbi:"naa wu tshi mu gu gala zushi wu binu ye mu gu gaba bima binu?" ¹⁵ Buoona ga ledi baadu bootsu mbi:ge bani gu binu!ga dulani ngindu djiotsu dji gu dzola bu mvama.Mudiambu lu djingu lu kiediga lu mudu loo luedi mu bima biandi,shi mu dangu dina di gedi ye gi mvama." ¹⁶ Dangu di,Yesu ga ba deedi gi ngana giagi:"gu ye mvama wu moshi ga gadi ye mangundu;ma ngundu mandi ma budi kuna dji vula. ¹⁷ ga yandigi gu yindula gu mbundu yandi mbi:"loo yedi ye gi hani gi gu swega bima biami bii biootsu,buoona ki fani hanga?'' ¹⁸ Buoona ga yagudi gu mbundu yandi mbi:yi ba hanga buoobu:yi ba dzuwa ma nzu mana mami ma yi swegaga ndumba,yi ba dunga ma nzu mega ma neni;buoona mi yi saa ndumba djiami djiotsu ye bima biega biootsu moomuna. ¹⁹ Buoona yi yagula mi beeni:"mooni wu swegi bima bi vula mudiambu ye ma mvula mavula,wu luluga gogu,dia,nua,hanga kindji." ²⁰ Haa Gahungu ga mu ledi mbi:''ndji dzoba di,mu piba ya yiyi shela yi ba ga dula moni woogu.Haa bima biootsu bi wu swegi bi gala bi naa?'' ²¹ Gutsuga,Yesu ga yagudi mbi:''guedi buoobuna gosu mudu wuna wu wegaga gi mvama mudiambu ye ndi beeni,haa loo guedi mvama gu misu ma Gahungu.'' ²² Dangu di Yesu ga ledi ba longogi bandi mbi:''ya yena yi ba lu lela mbi:loo lu fani dala pashi mu lu djingu lu binu mbi ki lu dia_mbi ki luvada. ²³ Mudiambu mooni wu ludi ma dia mu funu,ludu lu ludi miledi mu funu. ²⁴ Dala ba nuni baa ba pwanga:loo ba gunaga,ba kega loo ba gadula ndumba mu mangundu;loo bedi ye gi hani shi nzu yi gu swega madia haa Gahungu ga ba disaga!binu lu ludi ba nuni mu funu! ²⁵ Naa mu kadi ga binu wu fani yi ga gilumbu gi moshi mu ludjingu luandi? ²⁶ Haa mbi loo ludalaga ma pandi ma digi-digii,funu ki mu gusa ngindu mu mapandi mega? ²⁷ Dalani bitundu bina biedi mu tsegi ki pila bi gala.Loo bi hangaga bisalu,loo kega bi didungilanga miledi.Haa yi ba lu lela mbi:shi ndi beeni Salomoni,mu lugumu lwandi lwootsu lu gi fwumu,loo gavadi miledi mi pimbu nga gitundu gi moshi mu kadi ga bitundu bi. ²⁸ Kaya djina diedi lelu mu tsegi haa dji ba gesa mbatshi mudiambu ba dji matsa ye mbaa,Gahungu wu dji vadisaga buna.Haa mbi ga divadisa buna,kasa djina ga lu fvadisa ngolu kega.Ah,lu gwilu lu binu lwedi lu kufi. ²⁹ Loo gudalani bulu mu gu dingaga dangu diotsu bima bina bi lu dia shi bi lu nwa. ³⁰ Mudiambu mi pani baadu ba dingaga bima bina biootsu dangu diotsu.Haa binu,dada wu binu wu yabi ndi beeni mbi lwedi ye funu yi bima bina biootsu. ³¹ Haa binu landani shela mu gu dinga gi fwumu giandi yanaa ndi ga lu lunda bima bina biootsu bi lwedi bia funu. ³² Loo gu yugani booma,shi loo lwedi baadu ba vula!Mudiambu dada wu binu ga ba dala gieshi mu gu luhega gi fumu giandi. ³³ Degani bima binu,bwoona lu hana mbongu gwedi ba tsugami.Bongani du matsagi du gu nedila mbongu haa sendani du matsagi dwoona du konda fwaa.lu swega gi mvama gi binu gu yilu,mudiambu aa guna loo gi fani bila;beebi loo ba fani guma guna,ba tseneni loo ba fani djidia. ³⁴ Mudiambu yena yedi gi mvama giagu,ya yena kega mbundu yagu yi gala. ³⁵ Lu gala ba wa yi lamana mu gosu mapandi: vadani mi ledi mi gisalu,minda mi binu mi gala mi gu lema. ³⁶ Galani nga ba higa bana ba gi ngaga fwumu wu baa dangu di gaba duga gu kindji mudiambu ye guisa vuduga mu nzu yandi.Mbi witshi vuduga,wu gogudidi gu giafulu ba mu ga ngula tswalu. ³⁷ Gieshi gwedi ba higa bana mbi fwumu wu baa witshi ba wana ba guniamuga!yi ba lulela pandi yi kiediga ga mvada mi ledi mi gi salu ndi beeni,ga ba shigumusa ye mesa,bwoona ga ba hega madia. ³⁸ Gieshi gwedi baa mbi fwumu wu baa witshi vuduga mu midi mi piba mbi loo gu ngoyi yi midi mi piba,haa witshi ba wana ba gu niamuga! ³⁹ Lu fani yaba mbi loo ga ba shisa mu gu goda mu nzu yandi. ⁴⁰ Binu kega,yi lamanani;mudiambu mwana mudu ga gwitsa mudangu diadina di lu konda yaba mbi ga ba gwitsa. ⁴¹ Dangu di Pedelu ga yagudi mbi:''fwumu,gingana wu dii gedishela mudiambu ye pidu mbilo mudiambu ye baadu bootsu? ⁴² Fwumu mbi:''mbi bwoona naa wedi muhiga wu pimbu ye wu ndungi? Muhinga wu pimbu ye wu ndungi gedi muudu wuna wu fwumu wandi wu mushi gadalaga nzu yandi ye mudiambu di guhega bahiga beega madia ma baa ma gosu gi lumbu mu dangu di pimbu. ⁴³ Gieshi gwedi muhiga wuna,mbi fwumu waandi witshi gu muwana mu nihanga mapandi ma pila yina! ⁴⁴ Yi ba lu lela mapandi ma kiediga:fwumu wuna ga hega muhiga wuna gi yega gi gu dala bima biandi biootsu. ⁴⁵ Haa mbi muhiga wuna wu yagudi gu mbundu yandi mbi:'fwumu wami wu suginini mu gwitsa vuduga,bwoona dangu di,mbi muhiga wuna wu yandigi gu bula bahiga beena beega ba bagala ye ba bakedu,mbi wu yandigi gu dia ye gu nwa ye gu lawuga malafu,' ⁴⁶ Fwumu wandi ga gwitsa guma mu gilumbu gi muhiga wuna ga konda gi gu mu ginga ye mudangu di ga konda yaba.Fwumu ga mu hega ndola dji ngolu shela,ga mu saa mu ndonga yi baadu ba mbi. ⁴⁷ Mbi muhiga wuna wu yabi pandi yina yi dzolaga fwuu wandi,haa loo gadzolaga gu yi hanga,loo gadzolaga kega gu yilamana ,nga bu dzolaga fwumu wandi,ba mu bula miswamba mi vula. ⁴⁸ Haa mbi mu higa wuna wu yabi pandi yina yi fwumu wandi ga dzola,ga hangaga ma pandi yina ma ba fani konda gu mubudila miswamba,ba mubula mi swamba ndambu.G ahungu ga yufula gwedi muudu wuna wu gahegi mapandi ma vula,gwedi muudu wuna kega wu ga hegi gi yega gi vula, ga mu dinga kega mapandi ma vula ma vula ⁴⁹ Mi yitshi mugu dzenga baadu ba gi fudi mbaa.Mbi ba gadi muni lema mbaa gumwaga,yi dzolagi gu gala mu gieshi! ⁵⁰ Mi yi fani bonga mbopdiga,haa dangu di yi ba gingila yiba dala pashi dji vula gu mbundu. ⁵¹ Lu ba nunga mbi yi tshi mudiambu yi gu neda ngemba aya mu gifudi?Loo,yi ba lu lela mbi yi tshi mudiambu ye gu gabula baadu. ⁵² Yandiga lelu di famidia dina diedi ye baadu banu,bu di ga bulagana;baadu ba dadu ba gala ba mbeni ba baadu boodi,baadu boodi ba gala ba mbeni ba baadu ba dadu. ⁵³ Dada ga gala mwana wandi wu bagala,haa mwana wuna ga gala mbeni wu dada ndi;ngudi ga gala wu mwana ndi wu kedu,haa mwana wuna ga gala mbeni wu ngudiandi;Bogu wu mu kedu ga gala wu kedu wu mwana ndi,mu kedu wu mwana ndi ga gala mbeni wu bogu bwandi wu mu kedu. ⁵⁴ Yesu ga ledi kega baadu bana mbi:" mbi bu ludadi duda di niamugi gu ndambu yina yi djiaminaga dangu,lu yagula swalu mbi:mvula yi ba noga,bwoona mvula yi nogaga kega. ⁵⁵ Mbi,bulu dadi kega muhunga wu dugi gu ndambu yi suda muni gwitsa luda luyagulaga mbi mwini ga gala wu vula,bwoona mwini ga galaga kega wu vula. ⁵⁶ Binu baadu ba bupala,mbi lu yabi gu dala luswaswanu pila yi monigaga manu ye yilu,haa mudiambu di ki lu kondaga yaba mapandi ma dangu di? ⁵⁷ Mudiambu di ki lu gonda gesa pandi yina yi lu fani hanga? ⁵⁸ Mbi muudu wu gu fundi,ga ba guguneda gu ginzonzi,wu fani saa ngolu mu guyugana yendi dangu di lwedi shela mu ndjila mbilo,ga gu neda gu misu ma zushi,zushi ga gu hana gwedi ba pulushi,bwoona pulushi ga gu lumba mudangu mbada. ⁵⁹ Yi gu gu lela mbi loo ba gu dusa tii gwoona gu mana gu fuda mbongu djiotsu.