³ Duhega madongu ma pidu ma gosu gi lumbu. ⁴ Du lolula pidu baadu ba masumu,mudiambu du lolulaga kega baadu bootsu bana ba duhangaga ma mbi.loo gudu shisa mu gu dala pashi dji gu luda gidesu.>> ⁵ Yesu ga ledi ba longugi bandi kega mbi:< ⁶ Mudiambu ndugu waami wu moshi wu ndjitshidi bu ga gibi,loo yedi shi gima gi gu muhega:>> ⁷ Haa mbi mudu wuna wedi mu kadi ga nzu wu vududi mbi:Loo gu nzangisa.Du gangi nzu gu mwaga,pidu ye baana ba mi dunimbi;''Loo yi fani shamuga kega mudiambu di gu guhega mapaa''. ⁸ Yi ba gu lulela mbi:shi loo ga shamugi mudiambu luedi bandugu baandi,haa ga mu hega bima bina biootsu bi gedi bia funu mudiambu loo mbi mu gi ndugu haa gu dinga gu ga ba dinga gu ga badinga gu gonda tsuga . ⁹ Yi ba lulela kega:''ndi ngani nga ba luhega; gogu dilani bu ba lugangula,ndingani buludala. ¹⁰ Haa,mudu wootsu wuna wu dingaga ga sendaga;mudu wuna wu dingaga ga dalaga,gosu mudu wuna wu gogudilaga, Gahungu ga mu gangula. ¹¹ Ki dada mu kadi ga binu,mbi muanaa bu ga dingi mbitshi wu fani muhega talatshi ye gi hani gi mbitshi? ¹² Mbi loo bu ga dingi diegi wu fani muhega kudu? ¹³ Bwoona,binu baadu ba mbi,luyabi buni gahana magabu ma pimbu guedi baana ba binu,mu gi guma giagina Dada wu binu wedi gu yilu ga lu hega Muhunga wu gedila guedi baadu beena ba mu dingaga!>> ¹⁵ Dangu di gadi buna Yesu ga tsadigisagi mi hunga mi mbi guedi mudu wuna wu gadi gihulu.Dangu di dugi mihunga mi mbi,gihulu ga yagudi.Baadu bootsu bagadi muni yi duga! ¹⁴ Haa baadu beega mu gadi baa ba yagulagi:''mu ndjila yi gadiapemba,fumu wu mihunga mi mbi,ga ba tsagadila mihunga mi mbi.'' ¹⁷ Beega dzolagi gu mu mega.Buoona,ba muyudi mbi:''hanga gidimbu gi moshi gina gi balesa mbi giyega giagu gi gadugi guedi Gahungu gu yilu. ¹⁶ Haa Yesu bu gabi manunga ma baa.Ye gabaledi mbi:mu gosu gi fumu gina gi baadu ba banwaana baa ye baa talu yi baadu bana bu yi gulumuga,mbi baadu ba familidia di moshi ba gabulagani,familidia dina bu dibeeba. ¹⁸ Mbi gadiapemba munigabulagana ye baadu bandi ndi beeni,kii pila gi fumu giandi gi ndjinga kega?Mudiambu luyagagi mbiyi dusaga mihunga mi mbi mu ngolu dji gadiapemba. ¹⁹ Mbi yi mi tsadigisaga mu ndjila gadiapemba,mu ngolu djina ba longugi ba binu ba mi tsadigisagaa?mu gi guma giagina ba gala ba zushi ba binu. ²⁰ Haa mbi tusagaa mihunga mi mbimu ngolu dji Gahungu,buoona gi fumu giGahungu gitshii guedi binu. ²¹ Mbi mudu wu muni gengidila nzu yandi ye mada mandi,bima biandi loo bi fani gala ye gigonza. ²² Haa mbi mudu wega wu muludi mungolu witshi munuanisa,buoona wu mu bedishi,ga mudambula mada mandi mootsu ye bima biootsu. ²³ Haa mbi mudu wuna wu gondi ndugu wami,gedi mbeeni wami;Mudu wuna kondaga tsadisa mu guvugisa baadu beega yemi ga ba pasagaa. ²⁴ Mbi muhunga wu mbi guedi mudu,gendaga luda mu bihani bi gonda muetshi mudiambu di gudinga gihani gi guhululuga.Mbi loo gi dadi gihani,gi yagula mbi:''yi vuduga munzu yami yidugi." ²⁵ Dangu di divudugi guna,mbi di dadi nzu yi waa gomba,ba yidigi pimbu, ²⁶ Dangudi,di guesenda mi hunga mina miega mi sambuadi gu luda mina mi tegu mu mbi;mi hunga mina mi guitsa goda mu nzu yeni,buoona mi djinga mwoomuna.Buoona,gutsuga yi pandiyi ludjingu lu mudu wu luguma mbigibeeni guluda pila ga gadi tegu. ²⁷ Dangu Yesu ga mani gu yagula mapandi maa,mu kedu wu moshi mu kadi ga baadu bana ba gadi guna gitshi mulela mundaga yi ngolu mbi:"gieshi mu kedu wu guneda mu kadi ga dzumu diandi ye gu gunwisa mabeenu!" ²⁸ Haa Yesu mbi:''loo,gieshi guedi baadu bana ba yugagi tsangu di Gahungu ye ba dilandaga!'' ²⁹ Dangu ditshi baadu ba vula pena-pena Yesu,ga yagudi mbi:"Baadu ba dangudi beedi baadu ba moshi ba mbi!ba dingaga gi dimbu,haa Gahungu loo ga balesa gi dimbu giega haa ga ba lesa gidimbu giana gi mbigudi Yona buuna. ³⁰ Nga Yona ga gadi gidimbu mudiambu ye baadu ba bula di ninive,buoobuna kega mwanaa mudu ga gala gidimbu mudiambu baadu ba dangu di. ³³ Shi mudu wu moshi loo ga lemisaga mwiinda mudiambu ga wu swega mbi loo mu gu fidimiga ga tine,haa ba sagaga ye londi di mesa buoona mbi baadu bitshi goda mu nzu,ba dala mwinda muni lema. ³⁴ Misu magu medi nga mwinda wu ludu diagu.Mbi misu magu medi pimbu,ludu luoogu di muwundu kega diedi ye mwini.Haa mbi misu maagu medi ma fii,ludu luoogu di muwundu kega diedi piba. ³⁵ Wu fani dala pimbu-pimbu mbi mwini wuna wedi guedi ndi di konda guma piba. ³⁶ Buoona mbi ludu luoogu lootsu luedi ye mwini,shi ndambu yi moshi loo luedi ye piba ludu luoogu lu mu wundu lu gala ye mwini,nga bu hagaa mwinda tsemu djiandi guedi ndji. ³⁷ Dangu Yesu di gamani gu yagula,mu fadishi wu moshi gitshi mulendiga mugweedia mu nzu yandi.Yesu ga godi mu nzu yandi,buoonaga gadi ye mesa mudiambu ye gudia. ³⁸ Mu fadishi ga yidugi dangu di ga dadi mbi Yesu ga ba dzoladia haa loo ga sugudi gu miogu. ³⁹ Haa fumu Yesu ga mu ledi mbi:"binu ba fadishi,dala pila luedi:lu sugulaga ma goba ye malonga ye ndjila buna.Haa mu kadi nga mbundu yi binu lu yudi ye ma ngindu ma gu bonga bima bi baadu beega mu gi ngolu-ngolu,mbundu yi binu yedi kega yi koni. ⁴⁰ Binu Ba dzoba baa di songidila mbi Gahungu wuhangi ye ndjila,loo mbi ndi kega wu hangi mu kadi? ⁴¹ Buoona hegani ba tsugami bima bina biedi mu gadi ga ma goba mabinu ye mu kadi ga malonga ma binu,buoona tshigu dji konda gala guedi binu. ⁴³ Kenda dji binu ba fadishi!lu dzolaga bidi bi tegu mu ma nzu ma bisambu.Lu dzolaga baadu ba lu hega mbodi mu madzandu. ⁴⁴ Kenda dji binu!mudiambu kuedi nga madjiamu mana makondaga moniga,ye mana ma niadaga baadu gu konda guyaba. ⁴⁵ Longi wu moshi wu matshigu ga mu ledi mbi:''loongi mbi wu ba yagula buna,gaa wu ba du duga kega! ⁴⁶ Yesu mbi;''kenda dji binu kega ba longi ba matshigu!mudiambu lu hegaga baadu bugogu bu vula,haa binu beeni loo lu gediginaga,shi mu lulembu lu moshi. ⁴⁷ Kenda dji binu!ludungaga madjiamu ma pimbu mudiambu ye ba mbigudi bana ba dzuwi ba kaga ba binu. ⁴⁸ Buoona gu lesaga mbi lu gumbulaga ma pandi mana ma hangaa ba kaga ba binu mudiambu ba dzuwi ba mbigudi,buoona lu dungaga madjiamu ma baa! ⁴⁹ Buoona,mu ndungi djiandi Gahungu ga yagudi mbi:"bu yi ba dumishila ba mbigudi ye ba tumwa.Ba dzuwa baadu beega mukadiga baa,buoona beega ba badadisa pashi. ⁵⁰ Buoona baadu badangu di ba bonga ndola mudiambu ba kaga ba baa ba dzuwi ba mbigudi bootsu yandiga dangu di hangi Gahungu bima biootsu, ⁵¹ Yandiga dangu ba dzuwi Abela ye mu dangu di ba dzuwi Zagadiya mu nzu yi Gahungu mu kadi ga mesa ma gi meengi ye gihani gi tshigu.Ye yi ba lulela mbi baadu ba dangudi ba bonga ndola mudiambu ye baadu bana ba dzuwi ba kaga ba baa. ⁵³ Dangu Yesu ga shishi nzu yina,ba longi ba matshigu ye ba fadishi ba muyugidi kabu dji vula ye muni ma giufula ma pila ye pila. ⁵⁴ Bu ba mu megagi mudiambu ye gu dinga pila yi gu mu gama mu mapandi ma gifii ma ga fani yagula.