¹ Gu ngoyi yi bima bina,fumu ga sodi beega ma gumi ma ntsa mbuadi,ye ga ba dumi boodi -boodi gu misu mandi mu gosu vula ye gihani gina gi dzolagi ndi beeni mu guenda. ² Ga ba ledi:< ³ Ndaani!dalaa,yi ba luduma nga ma mema mu kadi ga ba koyi. ⁴ loo gu bonga shi mbongu,shi ngaga yi gu gibila,shi biladu,ye loo guhega shi mudu mbodi mu ndjila. ⁵ Gosu nzu yina lugodaa,ya gula tegu mbi:"ngemba yi gala mu kadi ga binu." ⁶ Mbi mudu wu moshi wu ngemba wedi mu nzu yina,ngemba yagu yisala guedi ndi,haa mbi loo ngemba yina yi vuduga guedi binu. ⁷ Galaani mu nzu ya yina,diani ye nuaani bina bi baluhegi,ye buna mudu gisalu ga bongaga lufudu luaandi. ⁸ Mu gosu buladina di lugoda mbibu ba luyambi, diaani gosu madongu mana ma baluhega. ⁹ Gindisani ba kashi gu bula dina,ba lelani :"gi fumu gi Gahungu gi gumi pena-pena guedi binu. ¹⁰ Haa gosu buladina di lu gwee goda,mbi loo ba luyambi,dugani mu bala-bala,ya gulani mbi: ¹¹ "Du ba gusumuna milu mipiidu mudiambu di gu gadula shi fududu yina yi laminini gu bigandzu bi pidu mudiambu di gu lulesa mbi bina bi luduhangi.Haa lu fani ya ba mbi gi fumu gi Gahungu gi gumi pena-pena. ¹² Yi ba gu lulela mbi:< ¹³ Kenda guedi binu baadu ba bula di golosani!Kenda guedi binu baadu ba bula di bedisayida!mudiambu bi dimbu bina bi ludadi gu ma bula ma binu,mbi baadu ba bula di Tidiya ye shidoni ba bidalaga,nga tunda yina bandzolagi gu shigumuga mu gushimuga,ba dzolaa vada matsagi,ba dzola kega gudiguida fududu yi mbaa mu ludu di baa mudiambu di gu lulesa mbi ba balumuni mbundu. ¹⁴ Haa mu gilumbu gina Gahungu gi gasambisa baadu,ndola yi baadu tiidi ye baadu ba shidoni dji gala dji digi-gidii haa ndola dji binu dji gala dji vula. ¹⁵ Buoona binu baadu ba bula gapedinawumu,luba yaba mbi Gahungu ga ludzagula ye gu yilu?loo,ga lumatsa gu bilungi! ¹⁷ Ba longugi bana magumi ma tsabuadi ye boodi bitshi vuduga ye gieshi.Ba ledi fumu Yesu mbi shi mihunga mi mbi kega bu midulemvugilagi dangu di du milesagi mu djina diagu muguhanga gosu ma pandji mana! ¹⁸ Ndi mbi:"bu yi dadi gadiapemba di gadugi gu yilu,muni guitsa gu lumega mu manu nga nzatshi. ¹⁹ Yu gani!yi luhegi gi yega gi gu niada ba talatshi ye ba kudu,gi yega gi gundzuwa ngolu diootsu dji mbeni,buoona shi gima gi moshi loo gi fani gu luhanga mbi. ²⁰ Luyugegu gieshi mudiambu mihunga mi mbi mi luyugilagaa,haa galani mu gieshi mudiambu Gahungu wu sonigi ma djina ma binu gu yilu. ²³ Dangu di Yesu ga balumugi gu ndambu yina yi gadi balongugi bandi,buoona ga leshi baa buna:"Gieshi guedi binu baadu lubadala ma pandi maa! ²⁴ Yi ba gu lulela mudiambu mbi bambigudi bavula ye bafumu ba vula, ba gadi ye nzala mu guda ma pandi maa malu badala,haa loo ba dadi.Ba gadi ye nzala yi guyuga ma pandi ma lu ba yuga haa loo bama yugi. ²⁵ Dangu di longi wu moshi wu matshigu gitshi guedi Yesu mudiambu ga mu mega.Yesu ga muyufudi mbi:"longi,kii fani hanga mudiambu yi senda moni wu mvula ye mvula? ²⁶ Yesu mbi kii ma pandi ma ba sonigi mu ganda mi tshigu?Dangu di wu midangi kii pila wu ba mi yaba? ²⁷ Longi wu ma tshigu mbi wu fani dzola fumu Gahungu woogu mundu ya gu yootsu mu ludzolu lwoogu lwootsu,mu ngolu djiagu djiotsu ye mu mabanza magu mootsu,kega:wu fani dzola pangiagu nga ndji beeni. ²⁸ Yesu mbi:"wu ya gudi pimbu,hanga bwoobuna haa wu gala ye moni. ²⁹ Longi wuna wu ma tshigu ga dinga pila yi gudi bingisaa.bwoona ga yu fudi Yesu mbi:"naa pangi wami wuna? ³⁰ Yesu mbi:'mudu wu moshi ga dugi gu bula di yelusalemi,gendagi gu bula diyeedigo.Mundjila,beebi ba mugami, ba mu gadudi mi ledi,ba mu budi,bwoona bendi gu baa.Ba mushishi pena-pena mu gu fwaa. ³¹ Nganga Gahungu wu moshi gi tshi luda mundji ya yina.Dangu di gadi mudu wuna mu mbimba ndjila,ga ludi mu mbimba ye ga. ³² Gi desu gi moshi,mudu wu moshi,wu gi ganda gi Levi gi tshi ye gihani gieni gina.Dangu di gadadi mudu wuna,ga ludi kega mu mbimba yega yi ndjila. ³³ Haa mudu wu moshi wu manu masamadiya gi tshi luda mu ndjila yina,Ga gumi ye gihani gigadi mudu wuna.Dangu di ga mudadi,ga muyugidi kenda. ³⁴ Gendi pena-pena ye mudu weni,ga gu musaa matshi ma vinu mu mapuda bwoona gagangi ma puda mana.Dangu di ga mushi yelondi di punda wandi bwoona ga mu nedi mu nzu yi moshi banzenji ga mu satshi gwo guna. ³⁵ Gadugi mudu wu dzodi wu suga,bwoona gahegi fumu wu ndzu yina yi ba nzenji.Ga muleshi mbi:"satsa mudu wuu.Dzotsu djina di luhangila,mbi bu yitshi vuduga,bu yi lu vududila. ³⁶ Mu gu manisa,Yesu ga mu yufudi:mu ma nunga magu,mu kadi ga baadu baa ba dadu na wu gadi pangi mudu wuna wu gami beebi? ³⁷ Longi wu matshi mbi:pangiandui mudu ndona wu mu yugi kenda.Bwoona Yesu mbi:" ndji kega nda wu hanga gidesu gi moshi." ³⁸ Dangu Yesu di ga gadi mu ndjila ye ba longugi bandi mu gwenda gu bula di yelusalemi,ge goda gu bula di moshi,mu kedu wu moshi djina ndiandi Madida,ga mu yambi mu kadi ga nzu yandi. ³⁹ Madida gadi ye pangi waandi wu mukedu wu mugegi djina diandi Madiya,Madiyab ge gala pena-pena mu milu mi fumu Yesu ga yu gishilagi ma pandi mana ma longa Yesu. ⁴⁰ Mabanza ma Madida ma gumi gisaga-saga mudiambu ye bisalu bi vula bina bi ga gdi biaa.gi tshi lela Yesu mbi:Fumu loo wu badala bulu mbi mugegi waami wu sadi tshisa mu guhanga bisalu bi biootsu mi beeni? Gaa mu lela gi tsa mu gu tsadisa! ⁴¹ Fumu Yesu mbi:Madida,Madida ngindu djiagu dji gumi gisaga-saga mudiambu ye ma pandi ma vula. ⁴² Haa pandi yi moshi yedi funu.Madiya wu soodi pandi yina yi gu luda pimbu abina bi gonda mu gadula Gahungu.